Nalunap kuultisiorfissaanut VSB-imut aamma VVM-imut nassuiaatit tusarniaassutigineqarnerat
Suliassap killiffia
| Immikkoortoq | Killiffia | Ulloq |
| VSB-imut aamma VVM-imut nassuiaatit imarisassaannut suliakkiussanut najoqqutassat piareersaataasumik tusarniaassutigineqarnerat | Ingerlanneqareerpoq (una tooruk) | 8. december 2020 – 12. januar 2021 |
| VSB-imut aamma VVM-imut nassuiaatit sapaatit akunnerini 8-ni tamanut ammasumik tusarniaassutigineqarnerat |
Ingerlanneqareerpoq | 5. januar 2024 - 1. marts 2024 |
| VSB-imut aamma VVM-imut nassuiaatit nutarterneqarnerat | Utaqqineqarpoq | - |
| IBA | Utaqqineqarpoq | - |
| Piiaanerup aallartinnissaanut atugassarititaasunik aalajangersaaneq |
Utaqqineqarpoq | - |
| Piiaanissamut matusinissamullu pilersaarutip akuersissuteqarfigineqarnera |
Utaqqineqarpoq | - |
| Ingerlatassanut pilersaarutip siulliup akuersissuteqarfigineqarnera |
Utaqqineqarpoq | - |
Tusarniaanermut najoqqutassat:
Nalunaq A/S Kalaallit Nunaata kujataani piiaanissamut akuersissummut 2003-05-imut pisinnaatitsissummik pigisaqartuuvoq. Nalunaq A/S-ip sumiiffimmi aatsitassanik piiaaneq aallarteqqilersaaraa, tusarniaaneq takussutissaavoq. Naalakkersuisut.gl-imi tusarniaanermut najoqqutassat tamanut saqqummiunneqarnerat isumaqanngilaq Naalakkersuisut inaarutaasumik najoqqutassat akuerisimagaat.
Tusarniaanermut najoqqutassat tassaapput allakkiat matuma kinguliani allattorsimasut:
- Inuiaqatigiinni piujuaannartitsisumik ingerlatsinermik naliliinermut nassuiaammut missingiut (VSB) GL
- Avatangiisinut sunniutaasussanik nalilersuinermut nassuiaammut missingiut (VVM) GL
- Inuiaqatigiinni piujuaannartitsisumik ingerlatsinermik naliliinermut nassuiaammut missingiut (VSB) DK
- Avatangiisinut sunniutaasussanik nalilersuinermut nassuiaammut missingiut (VVM) DK
- Inuiaqatigiinni piujuaannartitsisumik ingerlatsinermik naliliinermut nassuiaammut missingiut (VSB) ENG
- Avatangiisinut sunniutaasussanik nalilersuinermut nassuiaammut missingiut (VVM) ENG
Nassuiaatit tamarmik immikkut tekniskiunngitsumik eqikkaanermik aallarnerneqarput.
Inuiaqatigiinni piujuaannartitsisumik ingerlatsinermik naliliinermut (VSB) ilaatigut siunertaavoq, oqartussat akuersissummut aammalu suliassap siunnersuutigineqartup akuersissuteqarfiginissaanut piumasaqaatinik aalajangersaanissamut paasissutissanik pisariaqartunik tamaginnik pissarsitinnissaat siunertaralugu, inuiaqatigiinnut tunngasunut atuuttunut suliassap sunniuteqarnissaanik nalilersuinissaq. VSB-imut siunertaasoq alla tassaavoq, taassuma Namminersorlutik Oqartussat, Kommune Kujalliup aamma Nalunaq A/S-ip akornanni Impact Benefit Agreement (IBA) isumaqatiginninniutigineqarneranut tunngavissaliinissaa.
Avatangiisinut sunniutaasussanik nalilersuinermut (VVM) siunertaavoq, ilaatigut suliassap avatangiisinut, pinngortitamut silallu pissusaanut sunniutissaasa naatsorsuutigineqartut (avatangiisinut sunniinerit) aammalu pitsaaliuilluni suliniutissat suut (iliuusissat) avatangiisinik sunniinerup killilersimaarnissanut atorneqarnissaat ingerlatseqatigiiffiup pilersaarutigineraa, nassuiarneqarnissaat, kiisalu oqartussat akuersissummut aammalu suliassamut siunnersuutigineqartumut akuersissuteqarnissamut piumasaqaatinik aalajangersaanissamut paasissutissanik pisariaqartunik tamaginnik pissarsitinnissaat.
Tapiliussaq 08-01-2024: Nalunaq A/S-ip aammattaaq VVM-imut nassuiaammut missingiummut nalunaarusiat tunngavigineqartut tamanut saqqummersippai – una tooruk. VVM-imut nassuiaammut missingiummi nalunaarusiat tunngavigineqartut taagorneqarput Appendix III-XXI.
Tusarniaalluni ataatsimiititsinerit:
Tusarniaanerup ingerlanerani illoqarfinni nunaqarfinnilu immikkut kalluarneqartussani tusarniaalluni ataatsimiititsinerit aaqqissuunneqassapput. Taamaattumik illoqarfinni nunaqarfinnilu matuma kinguliani allassimasuni tusarniaalluni ataatsimiititsinerit aaqqissuunneqassapput, taakkunani innuttaasut nalinginnaasumik aammalu pingaartumik tusarniaanermut najoqqutassanut apeqquteqarnissamut periarfissinneqassallutik.
| Illoqarfik/Nunaqarfik | Sumiiffik | Piffissaq | Ataatsimiinnermi ugguuna malinnaagit |
| Narsarsuaq | Hotel Narsarsuaq | 29. jan. 2024, kl. 19:00-21:30 |
Click here to join the meeting |
| Tasiusaq | Atuarfik | 30. jan. 2024, kl. 11:00-14:00 | Click here to join the meeting Meeting ID: 234 896 206 026 Passcode: YiDf5c |
| 31. jan. 2024, kl. 11:00-14:00 |
Click here to join the meeting Meeting ID: 254 539 993 092 Passcode: QQKbKQ |
||
| Nanortalik | 31. jan. 2024, kl. 19:00-21:30 |
Click here to join the meeting Meeting ID: 224 805 914 577 Passcode: WcGzjf |
|
| Qaqortoq | Hotel Qaqortoq | 01. feb. 2024, kl. 19:00-21:30 |
Click here to join the meeting Meeting ID: 245 506 987 000 Passcode: BbspGz |
Ataatsimiititsinerni ilaatigut Nalunaq A/S-imeersut, Kommune Kujallermiit aallartitat aammalu Naalakkersuisut matuma kinguliani allassimasut najuutissapput.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen
Nunalerinermut, Imminut Pilersornermut, Nukissiutinut Avatangiisinullu Naalakkersuisoq, Kalistat Lund
Tusarniaanermut killigitinneqartoq: Ulloq 01. marts 2024.
Tusarniaanermut akissuteqaat Aatsitassanut Ikummatissanullu Aqutsisoqarfimmut nassiunneqassaaq, mlsa@nanoq.gl
Tusarniaanerup nalaani VSB-imut aamma VVM-imut nassuiaatinut tusarniaanermut oqaaseqaatit tiguneqartut ingerlatseqatigiiffimmit tusarniaaneq pillugu nalunaarusiami allattorneqassapput. Tusarniaaneq pillugu nalunaarusiami tusarniaanermut oqaaseqaatit ingerlatseqatigiiffimmit aamma aatsitassanut oqartussamit tusarniaanermut akissuteqaammik akissuteqarfigineqassapput. VVM-imut nassuiaammut tusarniaanermut oqaaseqaatinut tunngatillugu Aatsitassanik Suliassaqarfinnut Avatangiisinut Aqutsisoqarfik aamma ilisimatuussutsikkut siunnersortit taakkununnga tusarniaanermut akissuteqaateqassapput.
Ingerlatseqatigiiffiup tusarniaanermut oqaaseqaatit aamma tusarniaanermut akissuteqaatit tiguneqartut malillugit VSB-imut aamma VVM-imut nassuiaatit iluarsissavai. VSB-imut aamma VVM-imut nassuiaatit iluarsineqartut aamma tusarniaaneq pillugu nalunaarusiat akueriniarnerlugit Naalakkersuisut isummerfigissavaat.