Nalunami kuultisiorfimmik suliniummut VSB-mik VVM-millu suliakkiutinik tusarniaaqqaarneq
Suliniutip killiffia Nalunaq kuuldisiorfimmut tunngatillugu
| Immikkoortoq | Killiffik | Ulloq |
| VSB-mik VVM-millu nassuiaatit imaannut suliakkiut pillugu tusarniaaqqaarneq | OK | - 8. december 2020 - 12. januar 2021 |
| VSB-mik VVM-millu nassuiaatit minnerpaamik sapaatit akunnerini arfineq pingasuni tamanut ammasumik tusarniaassutigineqarnerat (qalluinissamut akuersissummut qinnuteqaat) | Utaqqivoq | |
| VSB-mik VVM-millu nassuiaatinik nutarterineq | Utaqqivoq | - |
| IBA | Utaqqivoq | - |
| Akuersissutip aallartinneqarnissaanut tunngavissarititassanik aalajangersaaneq | Utaqqivoq | - |
| Qalluinissamut matusinissamullu pilersaarutit akuersissutigineqarneri | Utaqqivoq | - |
| Suliat ingerlanissaannut pilersaarummik siullermik akuersineq |
Utaqqivoq | - |
Tusarniaassutissatut atortussiat:
Nalunaq A/S, AEX Gold Inc pigineqartoq, Kalaallit Nujaata kujataani akuersissut 2003/05-mik piginnittuuvoq. Tusarniaaqqaarneq ingerlatseqatigiiffiup Nalunap qalluinissamik suliniummik aallartitsinissamik pilersaaruteqarneranik nalunarneruvoq.
Nunap assinganit: Nalunaq A/S akuersissut 2003/05 sungaartumik ilisarnaasigaavoq
Tusarniaanermi atortussiat allakkianik tulliuttunik ukuninnga imaqarpoq (tamarmik kalaallisut, qallunaatut tuluttullu allassimasut):
- Inuiaqatigiinnut piujuaannartitsisumik ingerlatsinermut naliliinermut (VSB) suliakkiummut missingiut - GL
- Avatangiisinut sunniutinut naliliinermut (VVM) suliakkiummut missingiut - GL
- Inuiaqatigiinnut piujuaannartitsisumik ingerlatsinermut naliliinermut (VSB) suliakkiummut missingiut – DK
- Avatangiisinut sunniutinut naliliinermut (VVM) suliakkiummut missingiut - DK
- Inuiaqatigiinnut piujuaannartitsisumik ingerlatsinermut naliliinermut (VSB) suliakkiummut missingiut – ENG
- Avatangiisinut sunniutinut naliliinermut (VVM) suliakkiummut missingiut - ENG
Tusarniaaqqaarneq ingerlatseqatigiiffiup inuiaqatigiinnut piujuaannartitsisumik ingerlatsinermut naliliinermik (VSB) kiisalu Avatangiisinut sunniutinut naliliinermik (VVM) suliarinninnerup naammassineranik ingerlatseqatigiiffiup nalunaaruteqarnissamik pisortatigoortumik kissaateqarneratut isigineqarsinnaavoq. Nalunaaruteqarneq ingerlatseqatigiiffiup oqartussanik tamanna pillugu ilisimatitsineratigut kiisalu Inuiaqatigiinnut piujuaannartitsisumik ingerlatsinermut naliliinermut (VSB) suliakkiummut missingiut VSB-mik VVM-millu nassuiaatinut suliakkiutissanut missingiutinik ilanngussineratigut pissaaq. VSB-mik VVM-millu nassuiaatinik suliarinninnerup ingerlanneqartarnera pillugu paasissutissat erseqqinnerusut ukuupput “Aatsitassarsiornermi suliat ingerlasarnerinut tunngatillugu aamma VSB-imut nalunaarusiamik suliaqartarneq pillugu ilitsersuut” kiisalu “Kalaallit Nunaanni aatsitassanik atuinermi ASN pillugu nassuiaatip (Avatangiisinut Sunniutinik Nalilersuinerit) suliarineranut najoqqutassat”.
VSB-mik VVM-millu nalunaarsuutinut suliakkiutissanut missingiutit aatsitassanut inatsit naapertorlugu ulluni 35-ni sivisussusilimmik tusarniutaaqqaartussaapput. Tusarniaaqqaarnermi akissutigineqartut toqqammavigalugit, suliakkiutit inaarutaasumik imarisaat kiisalu VSB-mut VVM-mullu nassuiaatini missingiutit kingusinnerusukkut suliarineqartut ingerlatseqatigiiffiup aalajangersartarpai.
Tusarniaaqqaarnermi akissutitut tiguneqartut, sapaatip akunnerini arfineq pingasuni nassuiaatinik tusarniaanermi akissutitut tiguneqartut ilanngullugit hvidbogimut ilanngunneqassapput. Taamaalilluni VVM-mik VSB-millu suliaqarnermi ingerlatseqatigiiffik hvidboginik marlunnik sanassaaq. Ataaseq suliakkiutinut missingiutinik tusarniaaqqaarnermut tapiliullugu, ataaserlu nassuiaatinut missingiutinut sapaatit akunnerini arfineq pingasunut tapiliullugu. Hvidbogit tassaapput pappiaqqat tusarniaanermut atatillugu oqaatigisanik pingaarutilinnik, taakkununnga akissutinik kiisalu oqaatigineqartut siunnersuutigisallu suliakkiutini VVM-millu VSB-millu nassuiaatini inaarutaasuni ilanngunneqarnissaasa qanoq naapertuutiginerat pillugu nalunaarsuutinik imallit.
Tusarniaanermut killiliussaq: Ulloq 12. januar 2021 nal. 16.00.
Tusarniaanermut Akissutit uunga nassiunneqassapput Aatsitassanut Aqutsisoqarfik, Postboks 930, 3900 Nuuk imaluunniit mlsa@nanoq.gl