Quppernerup imarisaanut ingerlaqqigit
Oqaaseq toqqaruk

Kalaallisut ( Toqqarneqarpoq )

Qallunaatut

🔈 Atuartiguk

Naalagaaffinngornissamut Nunanullu allanut Naalakkersuisoqarfik

Kunngeqarfiup Danmarkip NATO-mut aalajangersimasumik sinniisuutitaqarfiani kalaaleq siulleq

Nutaarsiassaq atuaruk

Naqitat

Nunanut Allanut, Inuussutissarsiornermut Niuernermullu Naalakkersuisoqarfiup naqitai takukkit

Akiliuteqarlutik takornariartitsisartunut nannunik takusassarsiortitsisartunut – nannunniarnertaqanngitsunut akuersissummik pigisaqarnissamut piumasaqaat

Nutaarsiassaq atuaruk

Naalakkersuisut nunanut allanut tunngatillugu piginnaasaat aamma inatsisitigut tunngavissaat

Nunanut allanut, illersornissamut sillimaniarnermullu politikkimut tunngatillugu danskit naalakkersuisui oqartussaapput. Taamaattorli Kalaallit Nunaannut tunngasuni nunani allanut politikkitigut suliassani Naalakkersuisut Namminersorneq pillugu inatsimmi aalajangersarneqarsimasutut piginnaatitaallutik.
Namminersorlutik Oqartussaanerup 21. juni 2009-mi eqqunneqarnerani, Namminersornerullutik Oqartussaqarneq pillugu inatsit aamma Piginnaatitsinermut inatsit taarserneqarput maannakkut atuuttumit Namminersorlutik Oqartussaqarneq pillugu inatsimmit. Tamatuma kingornatigut Namminersorlutik Oqartussaanermi nunanut allanut politikkikkut oqartussaaffeqarneq aqunneqalerpoq Tunngaviusumik inatsimmit, Namminersorlutik Oqartussaqarneq pillugu inatsimmit aamma periuserineqartartunit.

Namminersorlutik Oqartussani Naalakkersuisut taakkua ataanni illuatungaani Nunanut Allanut Pisortaqarfiup, aamma illuatungaani Inatsisartuni Nunanut Allanut Tunngasutigut Sillimaniarnermullu Ataatsimiititaliap akornanni erseqqilluinnartumik akisussaaffik avinneqarnikuuvoq. Naalakkersuisunit nunanut allanut tunngasunut politikki isumagineqartarpoq, Ataatsimiititaliamili oqaluuserineqartussatut nunanut allanut tunngasutigut aamma sillimaniarnikkut naalakkersuinikkut sammisat Kalaallit Nunaannut soqutiginaatillit pillugit nassuiaatit paasissutissallu ingerlaavartumik nassiunneqartarlutik.

  • Inatsisitigut sinaakkutit

    Inatsisitigut sinaakkutit aallaavigalugit Kalaallit Nunaat nunanut allanut tunngasutigut susassaqarfinni Kalaallit Nunaannut attuumassuteqartuni sunniuteqarnerulluni ingerlataqarsinnaanerulariartorpoq. Namminersorlutik Oqartussaanerup 21. juni 2009-mi eqqunneqarnerani, Kalaallit Nunaanni nunanut allanut tunngasunut naalakkersuisinnaaneq Inatsisit Tunngaviusunit, Namminersorneq pillugu inatsimmit ulluinnarnilu ingerlatsinermit aqunneqarpoq.

  • Inatsisit tunngaviusut

    Inatsisit tunngaviusut naapertorlugit naalagaaffimmi oqartussat inuiaat inatsiseqartitaanerannut pisussaaffiliisinnaatitaapput (isumaqatigiiluni aalajangersagaliorsinnaaneq) Kunngeqarfillu sinnerlugu nunanut allanut tunngasunut suliassaqarfimmi iliuuseqarsinnaatitaallutik. Inatsisit Tunngaviusuni § 19, imm. 1 naapertorlugu Danmarkimi naalakkersuisut Folketingimut akisussaaffeqartutik nunanut allanut politikki aquppaat.

  • Namminersorlutik Oqartussaqarneq pillugu Inatsit

    Namminersorlutik Oqartussaqarneq pillugu Inatsimmi kapitali 4-mi Kalaallit Nunaanni nunanut allanut tunngasutigut suliassaqarfiit aaqqiiffigineqarput, tassani aalajangersarneqarpoq qaqugukkut Naalakkersuisut namminersorlutik iliuuseqarsinnaanersut aamma qaqugukkut naalagaaffimmi oqartussaasut oqartussaassuseqarnersut. Aallarniummili aalajangersarneqareerpoq, Naalakkersuisut aamma danskit naalakkersuisui suleqatigiittut naligiillutik. Anguniagaq tassaavoq, Naalakkersuisut sulianut Kalaallit Nunaata soqutigisaannut tunngasunut akuutinneqarnissaat, aamma suliani suli Kalaallit Nunaannit akisussaaffigilerneqarsimanngitsuni. Naalakkersuisut Danmarkimilu naalakkersuisut suleqatigiipput Kalaallit Nunaata soorluttaaq Kunngeqarfiup Danmarkip ataatsimut soqutigisaasa qulakkeerneqarnissaat siunertaralugit.

  • Akisussaaffeqarfiit tamakkiisumik tiguneqarsimasut

    Oqartussaaffiit tamakkiisumik tiguneqareersimasut iluanni Kalaallit Nunaannut attuumassuteqartut taamaallaat pineqartillugit naalagaaffinnik allanik nunanilu tamalaani kattuffinnit isumaqatiginniarsinnaanissamut isumaqatigiissuteqarsinnaanissamullu Naalakkersuisut piginnaatitaapput. Suliassaqarfiit tiguneqarsimasuni taamaallaat Kalaallit Nunaannut Savalimmiunullu attuumassutillit pineqartillugit Savalimmiut suleqatigalugu inuiaat inatsiseqartitaanerat pillugu isumaqatiginninniartoqarsinnaavoq.
    Oqartussaaffinnut Kalaallit Nunaannit tiguneqarsimasunut atatillugu Kalaallit Nunaat nunani tamalaani kattuffinni, Danmarkip ilaasortaaffiginngisaani, ilaasortaalersinnaavoq, imaluunniit kattuffinni taakkunani immikkoortortat allat naalagaaffiunngitsut ilaasortaanissaat akuerineqarsinnaavoq.

    Kalaallit Nunaannut pingaaruteqartunik inuiaat inatsiseqartitaaneranut tunngasutigut isumaqatiginninniartillugu Naalakkersuisut Danmarkimi naalakkersuisunut nalunaartussaatitaapput peqataatitsisussaatitaallutillu. Naalakkersuisut danskit isumaqatiginninniarnissamut aallartitaani nalinginnaasumik peqataasarsinnaatitaapput. Isumaqatigiissutit, taakkunani Kalaallit Nunaata Danmarkillu ataatsimoorlutik isumaqatiginninniarnernut akuuffigisimasaat, danskit naalakkersuisuinit atsiorneqartassapput, sapinngisarlu tamaat Naalakkersuisut peqatigalugit.

    Danmarkimi naalakkersuisut Naalakkersuisut isumaqatiginninniarnissamut piginnaatissinnaavaat Danmarkimi naalakkersuisuinit nunanut allanut Illersornissamullu politikkimut suliassaqarfinnullu Namminersorlutik Oqartussanit tiguneqarsimanngitsunut tunngatillugu piginnaatinneqartunik peqataatitaqartillugit. Taamaakkaluartoq Itillimi nalunaarummi tunngavissatut nalunaarummi ataatsimoorussami Namminersorlutik Oqartussat nunanut allanut Illersornissamullu politikkimut atatillugu Kalaallit Nunaannut pingaaruteqartunut peqataatinneqarput.

    Danmarkimi Inatsisit tunngaviusut aamma Namminersorneq pillugu inatsit tullinnguuttuni nassaarisinnaavatit, taakkulu tassaapput nunanut allanut politikkimut akisussaaffiup avinneqarneranut tunngatillugu inatsisitigut killiliussat,
    Namminersorlutik Oqartussaqarneq pillugu Inatsit
    Danmarkimi Tunngaviusumik inasit

Job i Naalakkersuisut?