Nunani avannarlerni innuttaasut Kalaallit Nunaannukarnermut atatillugu nunamut isersinnaatitaanermut akuersissummik peqartariaqanngillat. Nunamit Danmarkimut isernissamut akuersissuteqartariaqartumit, Kalaallit nunaannullu ingerlaniarlutit, naatsorsuutigineqassaaq, isernissamut akuersissummik peqarnissat (Visum).

Nunat isernissamut akuersissummik peqarnissamik piumasaqaatillit (qallunaatut).

Kalaallit Nunaat Savalimmiullu EU-mut aamma Schengenimut ilaasortaanngillat. EU-mut innuttaasuunngitsunut atuuttoq tassaavoq, taakkua Schengenimut nunamut isernissamut akuersissutaat Kalaallit Nunaannut aamma Savalimmiunut atuunnani. Taamaasilluni Danmarkimut isernissamut akuersissut imaanngilaq Kalaallit Nunannut aamma Savalimminut isersinnaatitsissutaasoq. Taamatuttaarlu nuna allamiumut Kalaallit Nunaanni najugaqarsinnaatitaanermut akuersissut Danmarkimi najugaqarnissamut akuersissutaanngilaq. Kalaallit Nunaat aamma Danmark sumiiffiit angalaffigineqarsinnaasut immikkoorput.

Nunani allamiut Schengenlandimi allami najugaqarnissamut aamma uterlutik angalanissaminnut akuersissutinik pissarsisimasut Danmarkimut isernissaminnut visummeqartariaqanngillat. Schengenlandimut allamut najugaqarsinnaanissamut akuersissuteqarluni iserneq pillugu annertunerusumik atuagaqarit (qallunaatut). Najugaqarsinnaanermut akuersissutit taakku Savalimmiunut aamma Kalaallit Nunaannut isernissamut piginnaatitsinngillat.

Sivisunerusumik Kalaallit Nunaanniinnissaq kissaatigineqarpat imaluunniit Kalaallit Nunaanni sulerusukkaanni, Kalaallit Nunaanni najugaqarsinnaanermut sulisinnaanermullu akuersissummik qinnuteqartoqassaaq.

Naalagaaffeqatigiinnermi Pas-mut aamma nunamut isernissanut akuersissummut (visum) malittarisassat (qallunaatut).

Kalaallit Nunaanni nunanut allanut aqutsisoqarfiup Kalaallit Nunaanni najugaqarnissamut nittartagaa (qallunaatut).

Sulisut avataaneersut (qallunaatut).

Kalaallit Nunaanni oqartussaasut nunamut isersinnaanermut akuersissutinik (visum) tunniussineq ajorput. Taamaattumik nunamut isersinnaanermut aamma pas pillugit paasissutissanut tunngatillugu Udenrigsministeriap nittartagaa (qallunaatut) innersuussutigaarpugut.

Nunanut allanut piguit kaammattussavatsigit, nunani allani danskisut innuttaassuseqarnerit Nunanut allanut Ministeriaqarfiup allattorsimaffiutaanut allaqqullugu. Taamaasiornikkut Nunanut allanut Ministeriaqarfimmut ajornannginnerulissaaq, Nunanut Allanut Pisortaqarfik suleqatigalugu, arlaannik ajornartorsiornartumik pisoqassagaluarpat ikiorsiisinnaanissaq. Allattorsimaffik uani takuuk (qallunaatut).

Siuliani allassimasut pillugit apeqqutissaqaruit, Nunanut allanut Naalakkersuisoqarfimmut attaveqarsinnaavutit, oqarasuaat: +299 345000.

Kommunip angerlarsimaffigisavit avataani katikkusukkuit Kalaallit Nunaani Naalagaaffiup Sinniisa attaveqarfigissavat.