AtuartigukNaalagaaffinngornissamut Nunanullu allanut Naalakkersuisoqarfik
Namminersorlutik Oqartussat ilisimatusarnermik ingerlatsiviat
Namminersorlutik Oqartussat ilisimatusarnermut immikkoortortaanut tikilluarit
Ilisimatusarnermik immikkoortoqarfiup Namminersorlutik Oqartussat ilisimatusarnikkut anguniagaanik aallussisuuvoq, Nunatsinni issittumilu ilisimatusarnermi suleqatigiinerup nukittorsarnissaa anguniarlugu. Ilisimatusarnerrmik suliaqartut pisortallu akornanni attaveqaqatigiinnerat isumasioqatigiinnerni ataatsimeersuarnernilu aaqqissueqataanermikkut peqataanermikkullu ilanngullugit aallutarisussaavaat.
Nunatsinni Ilisimatusarnermik Siunnersuisoqatigiit, Ilisimatusarnermik suliffeqarfiit saammisaqartut, pilersitsinermik nutaaliornermillu sammisaqartullu attaveqarfigisarneri tunngavigalugit, siunnersuineq sulianillu ingerlatsineq, killiffik sumiinersoq takutinniarlugu sukkullu suliniuteqartoqarsinnaanersoq, Naalakkersuisut Inatsisartullu anguniakkanik politikkikkullu aalajangiinissaminnut tunngavissiuullugit.
Ilisimatusarnermik immikkoortortaqarfik Namminersorlutik Oqartussat Ilisimatusarnerup siuarsarnissaanut aningaasaliissutaanut Ilisimatusarnermi Siunnersuisoqatigiit agguaattagaanut ingerlatseqataasarpoq. Aningaasaliissutit ilisimatusartunut nunatsinni ilisimatusarnermik suliffeqarfinnut attuummassuteqartut ilisimatusarnermik ingerlataqarnissaanut tapiissutaasarput.
Tamatuma saniatigut immikkoortoqarfiup nunatsinni issittumilu ilisimatusarneq tamanut saqqumilaartinneqarnissaa suliarisussaavaa, ilaatigut Inussuk aqqutigalugu nutaarsiassiinikkut atuagassiinikkullu.
Inatsisitigut tunngaviusoq – politikkikkut anguniakkat
Immikkoortut uku ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat nr. 5, 29. november 2013-meersumut ilaapput (imm. 2):
Ilisimatusarnermut tunngasuni Namminersorlutik Oqartussat politikkikkut angunigaat tassaavoq Kalaallit Nunaanni tunngaveqartoq aamma inuiaqatigiinnut kalaallinut iluaqutaasoq ilisimatusarneq siuarsassallugu nukittorsassallugulu:
- Ilisimatusarnermi sammineqartut ilisimatusarnerullu annertusarnissaat, taakkununnga ilaalluni ilisimatusarnermik ilinniagaqarneq.
- Ilisimatusarnermut suliniutip ataqatigiissaarneqarnera pingaarnersiorneqarneralu.
- Kalaallit Nunaata nunani tamalaani ilisimatusarnikkut suleqatigiinnermut peqataanissaata nukittorsarnissaa.
- Naalagaaffeqatigiinnerup iluani Kalaallit Nunaata ilisimatusarnikkut suleqatigiinnermi peqataanissaata nukittorsarnissaa.
- Pisortat namminersortullu ilisimatusarneranni suleqatigiinnerup nukittorsarnissaa
- Kalaallini inuiaqatigiinni ilisimatusarnikkut angusat nutaaliornerullu annerusumik atorneqalernissaat, tassani ilanngullugu niuernerpalaartumik ingerlatsilernissamut tunngavissaq.
- Kalaallit ilisimatusarnerat pillugu kikkunnut tamanut annerusumik paasissutissiisarnissaq.
Ilisimatusarneq – ineriartornermut aqqutissaavoq 2022-2030 (Kalaallit Nunaanni ilisimatusarnermut periusissiaq)
Research – the road to progress 2022-2030 (Greenland’s National Research Strategy)
-
Nunatsinni Ilisimatusarnermik Siunnersuisoqatigiit
2024-mi Nunatsinni Ilisimatusarnermik Siunnersuisoqatigiinni ilaasortassatut piukkunneqartunik inassuteqarnissamut aggersaaneq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nunatsinni Ilisimatusarnermik Siunnersuisoqatigiinni ilaasortassatut piukkussanik siunnersuuteqarnissamut matumuuna aggersaavoq.
Nunatsinni Ilisimatusarnermik Siunnersuisoqatigiit 2024-mi nutaanik ilaasortaqalertussaapput. Ilisimatusarfiit, qitiusumik ingerlatsiviit allallu inassuteqarsinnaatitaasut siunnersuisoqatigiinni ilaasortassatut piukkussaminnik siunnersuuteqarsinnaapput. Inassuteqaatit Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi kingusinnerpaamik ulloq 15.10.2023 tiguneqareersimassapput.
Paasisaqarnerorusukkuit (link) (link)Allattoqarfik
Pikialaarfik (“Uddannelsesbygningen”),
Telefon: +299 361200 / +299 222090
Ataas.- Tall. Nal. 9.00-16.00
Mail: nis@nanoq.gl
Allatsi Maliina Jensen, maje@natur.gl
Siunnersuisooqatigiit
Siulittaasoq Josephine Nymand, jony@natur.gl
Siulittaasup tullia Thomas Ingeman-Nielsen, thin@dtu.dk
Morten Meldgaard, mormel@uni.gl
Gert Mulvad, gm@peqqik.gl
Christian Koch Madsen, christian@natmus.gl
Christian Wennecke, cw@banken.gl
Eva Mätzler, evam@nanoq.gl
Aviaja Lyberth Hauptmann, alha@uni.gl
Adresse
Grønlands Forskningsråd
Kivioq 5
3905 Nuussuaq
Post: c/o Grønlands Naturinstitut, PO box 570
3900 Nuuk
Fakturering:
c/o Grønlands Naturinstitut
Att.: Grønlands Forskningsråd
GLN: 5790 00 1954 161 -
Kalaallit Nunaata ilisimatusarneq pillugu naalakkersuinikkut ingerlatsinera
Ilisimatusarneq pilugu naalakkersuinikkut ingerlatsinermi ingerlatat pingaarnertut ingerlatat uku iliuanniippoq ilisimatusarnerup siuarsarnera, ilisimatusarnikkut suleqatigiinneq aamma attaveqarfinnik pilersitsineq, kiisalu ilisimatusarnikkut angusanik ingerlatitseqqinneq.
Ilisimatusarneq pillugu naalakkersuisunikkut ingerlatsinermut Nassuiaatip aamma iliuuseqarnissamut pilersaarutip siunertaraat Kalaallit Nunaanni ilisimatusarneq pillugu anguniakkat allaaserineqarnissaat aamma ilisimatusarnikkut suliniuteqarfinnut arlalinnut siunnersuusiornissaq. Pingaarnertigut isigalugu Kalaallit Nunaanni ilisimatusarneq:- innuttaasut inuuneranni nalillit pitsaanerulersinnerannut iluaqutaassaaq
- inuiaqatigiinni ineriartornermi atorneqassalluni, nunap pisuussutaanik nungusaataanngitsumik ineriartortitsinermut tapersersuissalluni aamma inuiaqatigiinni unamminartunik aaqqiinermi ilaassalluni.
Nassuiaatip ilaatigut Ilisimatusarfinniit aamma Ilisimatusarnermut Siunnersuisoqatigiinniit kaammattuutit suunersut paasissavai, Naalakkersuisunit saqqummiunneqartut anguniakkat piviusunngortinniarlugit. Ilaatigut tamanna pissaaq:
- nammineq ilisimatusarfiutit aqqutigalugit
- Danmarkimi nunanilu allani ilisimatusarfiit suleqatigiiffiillu suleqatiginerisigut
- nunani tamalaani ilisimatusarnikkut suleqatigiinni Kalaallit Nunaata peqataaneratigut.
Namminersorlutik Oqartussat Kalaallit Nunaanni ilisimatusarfinnik arlalinnik pilersitsisimapput:
- Ilisimatusarfik
- Pinngortitaleriffik
- Nunatta Katersugaasivia Allagaateqarfialu
- Kalaallit Nunaanni Naatsorsueqqissaartarfik
- ASIAQ
- Inerisaavik
- Nuummi Dronning Ingridip Napparsimmavia (SANA)
- Center for Arktisk Teknologi (ARTEK)
- Nunani tamalaani ilisimatusarnikkut suleqatigiinneq
Issittumut tunngasunik ilisimatusarnermut nunani tamalaani soqutiginninneq suli annertusiartorpoq, pingaartumik immikkoortut avatangiisit, silap pissusaa, pinngortitamut isumalluutit, inuiaqatigiit ineriartorneri aamma nuna pillugu naalakkersuinikkut ingerlatsinerup iluanni.
Nunat avannarliit saniatigut, Issittumi ilisimatusarnermik soqutiginninnermik takutitsisut naalagaaffiit amerlassusaat amerliartorput, nunanilu taakkunani arlalinni issittumi ilisimatusarfinnik imaluunniit ilisimatusarfinnik issittumi pissutsinik suliaqartunik pilersitsisoqarsimalluni.
Peqatigisaanik Kalaallit Nunaat aamma Danmarki nunani tamalaani attaveqarfinni, suleqatigiiffinni ataatsimiititaliarsuarnilu, issittumi pissutsisunik suliaqartunik arlalinni peqataallutik. -
Arktisk Hub
Arktisk Hub pilersinneqarpoq 2019-imi nunatta Danmarkillu suleqatigiinnissamik isumaqatigiissuteqarnerisa kingorna, issittumi ilisimatusarneq, ilinniartitaaneq nutaaliornerlu pillugit nunani tamalaani suliaqartut assigiinngitsut akimorlugit suleqatigiinnerisa nukittorsarneqarnissaa, taamaalillunilu taakku annertunerusumik Kalaallit Nunaannit aallaaveqarnissaat anuniarlugu.
International Arktisk Hub aallaavittut najukkami, nunatsinni aammalu nunani tamalaani ilisimatusartut akornanni attaveqaqatigiinnernik suleqatigiinnernillu pilersitsisassaaq. Tamatuma saniatigut International Arktisk Hub-imi ilisimatusarfiit ilinniarfiillu aammalu innuttaasut, suliffeqarfiit, politikkikkut aalajangiisartut soqutigisaqartullu akornanni, inuiaqatigiinni kalaallini nungusaataanngitsumik ineriartortitsinissamut iluaqutaasumik attaveqaqatigiinnermik siuarsaanissaq siunertarineqarpoq.
Attaveqarfissaq
Arktisk Hub
Kivioq 2, 3905 Nuussuaq
E-mail: info@arctichub.gl
Anna-Sofie Skjervedal, allaffimmi pisortaq
E-mail: skjervedal@arctichub.gl
Tlf: +299 36 12 89
Siulersuisut
International Arktisk Hub pillugu suleqatigiinnissamut isumaqatigiissut naapertorlugu Naalakkersuisoqarfiit ilisimatusarnermut suliassaqarfeqartut siulersuisuni aallartitaqarlutik peqataassapput kiisalu siulersuisunut ilaasortanik pingasunik allanik toqqaassallutik, taakkua issittumi ilisimatusarnerup aamma inuussutissarsiornerup iluanni suliassaqarfinnut attuumassuteqartunut sinniisorineqassallutik. Ilaasortat ataasiakkaat inuttut piginnaaneqarnerminni siulersuisuni ilaasortaalissapput.
Siulersuisut, ilanngullugu siulittaasoq, ukiunut pingasunut toqqarneqartarpoq. Siulittaasoqarfik ukiut pingasukkaarlugit Kalaallit Nunaanni aamma Danmarkimi nikerartinneqarpoq.
Siulersuisunut siulittaasuuvoq:- Ulrik S. Korsholm, Danmarks Meteorologiske Institut-imi ilisimatusarnermut pisortaq (DK)
Siulersuisunut ilaasortaapput:
- Torben Røjle Christensen, Aarhus Universitet-imi professori (DK)
- Lise-Lotte Terp, Arctic Consensus-imut pisortaq (DK)
- Inoqut Kristensen, Investment adviser og analyst, Greenland Venture
- Inge Høst Seiding, Instituttip pisortaa, Kulturimik, Oqaatsinik Oqaluttuarisaanermillu Ilisimatusarfik
- Astrid Maria Spring Öberg, konsulent, Sulisitsisut
Uddannelses- Forskningsministeriet - utaqqineqarpoq
Ilinniartitaanermut Naalakkersuisoqarfimmit - utaqqineqarpoq
Kalaallit Nunaata aamma Danmarkip akornanni International Arktisk Hub pillugu suleqatigiinnissamut isumaqatigiissut atuaruk uani. -
Ilisimatusartunik naapitsineq
Ilisimatusartunik naapitsineq - Mød forskerne