Aalisarnermut Piniarnermullu Naalakkersuisoqarfik

Aalisarnermut Piniarnermullu Naalakkersuisoqarfimmi aalisarnermut immikkoortortaqarfik, immikkoortortaqarpoq Aalisarnermut immikkoortortaqarfimmik kalaallit aalisarnikkut inuussutissarsiornerannut atatillugu ingerlatsinikkut inerisaanikkullu suliassanik isumaginnittartoq kiisalu aalisarnermut akuersissutinut aamma Inuussutissarsiutinut tapersiisarnermut allaffimmik, sinersissap qanittuani akuersissutinik tunniusisarnermik isumaginnittartoq aamma sinerissap qanittuani akuersissutinik tunniussisarnermut, Aalipi-mik kiisalu Inuussutissarsiutinut tapersiisarnerup ineriartortinneranut tunngasut pillugit kommuninik suleqateqartoq.

Kalaallit Nunaanni aalisarneq pillugu naalaakkersuinikkut anguniakkat pillugit ulluinnarni allaffissorneq, aqutsineq atuutsitsinerlu ulluinnarni Aalisarnermut immikkoortortaqarfiup isumagisarpai. Immikkoortortaqarfiup pisassiissutit aalajangersarneqarnissaannut inassuteqaatit suliarineqartarnerat aamma kalaallit nunallu allamiut umiarsuaatileqatigiiffiinut aalisartuinullu aalisarsinnaanermut akuersissutit tunniuttarnerat akisussaaffigaa. Aqutsinissamik pilersaarusiornerit immikkoortortaqarfimmi suliassat aamma ilagaat Pinngortitaleriffillu suleqatigalugu pisarluni, soorluttaaq aalisarnermik inuussutissarsiuteqartut sulinermut peqataatinneqartut.

Nunat marluk akornanni, altantikup avannaani nunanik allanik EU-millu peqateqarluni, aalisarnermut isumaqatiginninniarnerit Aalisarnermut immikkoortortaqarfiup akisussaaffigaa, aalisagaqatigiit ataatsimoorussat pillugit naalagaaffiit sineriallit isumaqatiginninniarneranni aamma nunat immikkoortuini arlalinni aalisarneq pillugu suliniaqatigiiffiit soorlu NAFO, NEAFC aamma NASCO kiisalu nunat avannarliit suleqatigiinneranni peqataasarluni.

Naalakkersuinikkut suliallit aalajangiisartut qanimut suleqatigineqarmata, immikkoortortap suliaasa ilarpaalussui naalakkersuisumut kiffartuussinernik suliassaqarfimmilu Naalakkersuisut anguniagaannik malitseqartitsinermik ilaqartarput.

Aalisarnermik immikkoortortaqarfiup suliassaqarfiit tulliuttut isumagisarpai:

• Inatsisiliornerit, nuna tamakkerlugu nunallu tamalaat imartaanni aalisarnernik aqutsinerit, tassunga ilanngullugit illersuinissanut atorluaanissanullu periarfissat, aqutsinissamut pilersaarutit aalisarnermillu misileraanerit aamma ilanngullugit.
• Aalisarneq pillugu naalakkersuinikkut anguniakkanut inassuteqaatinut apeqqutinullu tunngatillugu Aalisarnermut Naalakkersuisumik Naalakkersuisunillu tamarmiusunik naalakkersuinermut atuumassuteqartumik kiffartuussineq, matumani upalungaarsimanerit, saqqummiussinerit, tusagassiorfiit, ataatsimiinnerit aamma pisortatigoortumik tikeraarnerit ilanngullugit.
• Nunami namminermi nunallu tamalaat aalisarneq pillugu naalakkersuinikkut anguniagaat pillugit pingaarnertut suliassat, soorlu aalisarneq pillugu periusissanik, naalakkersuinikkut anguniakkanik allaffissornermillu ineriartortitsineq.
• Pisarineqarsinnaasunik tamarmiusunik pisassiissutinillu aqutsineq allaffissornerlu
• Siunnersuisooqatigiit, aalajangiisartut, suleqatigiissitat ataatsimiititaliat aamma Namminersorlutik Oqartussat nunallu tamalaat assigiinngiiaartut ataatsimeersuarneri pillugit Aalisarneq pillugu siunnersuisooqatigiinnut suliassanullu allanut allattoqarfittut atuunneq.
• Nunat tamalaat akornanni nunap immikkoortuinut, nunat marluk aamma nunat tamalaat akornanni isumaqatigiissutinut tunngatillugu Kalaallit Nunaata nunat tamalaat akornanni pisussaaffiiinik atuutsitsineq
• Kalaallit Nunaata nunat immikkoortuini aalisarnermik aqutsinermut suliniaqatigiiffiini ilaasortaaneranik isumaginninneq; NAFO, NEAFC, NASCO aamma Nunat Avannarlerni ministerit siunnersuisoqatigiivi kiisalu Kalaallit Nunaata naalagaaffittut sinerialittut pisussaaffii isumaqatiginninniartarnerilu sinerialittut pisussaaffii isumaqatiginninniartarnerilu,

Aalisarnermut akuersissutinut inuussutissarsiutinullu tapersiisarnermut allaffiup suliassaqarfiit makku isumagisarpai:

• Qinnuteqaatinik akuersissutinik aamma sinerissap qanittuani aalisarmut akuersissutinik tunniussuinernik suliaqarneq
• Aalipi-mut, akuersissutinik tunniussinermut kommunit atortagaat akuersissutinik tunniussinermut atortakkamut tunngatillugu kommunit peqatigalugit ataqatigiissaarine
• Immikkut ittumik akuersissummik qinnuteqaatinik suliaqarneq
• Pisassiissutit niuerutigineqarsinnaasut nammineq pigisat naapertorlugit pisassiissutit niuerutigineqarnerannik suliaqarneq
• Aalisarnermut aningaasaliissutinut immikkoortitanut tapiissutit, aallarteqqinnissamut tapiiffigineqarnissaq aamma ajunaarnersuarmi ikiuineq pillugit qinnuteqaatinik suliaqarneq
• Isaterinermut tapiissutinik qinnuteqaatinik suliaqarneq, matumani isaterinermut ataatsiimiititaliamut allattoqarfittut atuunneq ilanngullugu
• Inuussutissarsiutinut tapiissuteqartarfimmut taarsersugassanut tapiissutit pillugit qinnuteqaatinik suliaqarneq

Attavissaq

Sianerfissaq piffissami:
Aalisarnermut immikkoortortaqarfik aamma aalisarnermut akuersissutinut Inuussutissarsiutinullu tapiissutit allaffiat, oqarasuaatikkut saaffiginninnernut ammasarpoq ullut tamaasa nal. 10-14.