Kalaallit Nunaanni nerisassat ilaasa mingutsinneqarsimaneri pillugit nalunaarusiassamut missingiuut

Nerisassanik aqutsisoqarfiup Kalaallit Nunaanni uumasut nakorsaannit misissuisar-nernut nerisassallu pillugit suliassanik ingerlatsineranut atatillugu aammalu isumannaarumallugu Kalaallit Nunaanni EU-mi inatsisinik naammaginartumik malinnittoqarnera, pisariaqarpoq nerisassat ilaanni mingungitsisoqarsimanerit pillugit Kalaallit Nunaannut atatillugu nalunaarutip nr. 1165, 26. september 2013-imeersup nu-tarterneqarnissaa.

Taamaattumik ilanngunneqarpoq tusarniaassut imaattoq:

• Kalaallit Nunaanni nerisassat ilaasa mingutsinneqarsimaneri pillugit nalunaarusiassamut missingiuut

Nalunaarutissatut missingiuut atorlugu nutarterneqarput nerisassat arlaatigut mingutsinneqarsimasut nioqqutigineqarsinnaanerannut akui pillugit qummut killiliussat (ilanngussaq 1), soorluli tassani aamma erseqqissarneqartoq atuisinnaanermut akoorisinnaanermullu inerteqqusiinissamut aaliangersagaq (§ 6), tassani paatsuugassaanngitsumik ersersinneqarluni, aaliangiussat ilai malillugit nerisassanik tuniniaasoqarsinnaasoq, immikkoortiterneqarsimasunik imal. suliarineqarsimasunik, anguniarlugu pineqartut mingutsitsissutaasunik akoqarnerisa aannikillisarnissaat. Maluginiaqquneqarpoq EU-mi aalisakkanut atatillugu takussutissiami ilanngussaq 1-imi allanneqarsimammata akoorutigineqqartut aaliangersimasut nalinginnaasumik killiliiiffigineqarnerisa avataaniitinneqartut. Taamaallaat ilanngunneqarput aalisakkat immikkut killilersuiffigineqarsimasut, maanna Kalaallit Nunaanni ilanngutissallugit pisariaqartutut nalilerneqartut.

Namminersorlutik Oqartussat qinnuvigineqarput tusarniutaasoq Kalaallit Nunaanni naleqqutsinneqartunut nassiussorneqassasoq, kingornalu tusarniutaassumut akissutit utertinneqartut

Fødevarestyrelsimut nassiunneqassasut. Akissutigineqartunik utertitsinissamut killiliunneqarpoq ulloq 7. april 2023.

Fødevarestyrelsip Kalaallit Nunaannut atatillugu suliassai pillugit annertunerusunik paasiniaasoqarsinnaavoq ataani iserfigisassaq aqqutigalugu:

https://www.foedevarestyrelsen.dk/OmFoedevarestyrelsen/Organisation/Groen-land/Sider/forside.aspx

Qulaani pineqartut pillugit apeqqutissaqartut, tikilluaqquneqarput email-ikkut Fødevarestyrelsimut ugguuna saaffiginninnissamut: 294@fvst.dk