Aalisarnermut Piniarmullu Naalakkersuisoqarfiup nunatsinni aalisarneq piniarnerlu allaffissornikkut ingerlatsineq akisussaaffigivaa, aamma Naalakkersuisut politikikkut aalajangigaannut piviusunngorititissalluni nunattalu nunat tamalaat pisussaaffilersugaannut naapertuutitsissalluni suleqataassallunilu.

Aalisarnermut Piniarnermullu oqartuussaafiup saniatigut Naalakkersuisoqarfiup aamma uumasunut nakorsaqarfik inuussutissalerinermullu oqartussaaffik akisussaaffigivaa, tassanipineqarluni Danskip inuussutissalerinermut oqartussaaffiata ilaa nunatsinnut nuunneqarsimasoq, soorlu nunatta iluani tunisassianik ingerlatsineq.

Naalakkersuisoqarfik oqartussatut aamma akissussaaffeqarpoq Naalakkersuisoqarfiup susassaqarfiinut inatsisiliornermut aamma inatsisinik unioqqutitsisoqarsimanermi eqqartuussissutigoorsinnasunut apeqqutinut.

Aalisarnermut Piniarnermullu Naalakkersuisoqarfiup oqartussaaffiisa ilaat tassaavoq Kalaallit Nunaanni Aalisarsinaanermut Akuersissutinik Nakkutilliisoqarfik, KANUAANA. Taassuma akisussaaffigaa aalisarnerup piniarnerullu nakkutigineqarnera. Tamatumani Issittumi Sakkutooqarfik suleqatigineqarpoq, taassuma sinerissap avataani aalisarneq nakkutigisaralugu.