Aalisarnermut Piniarnermullu Naalakkersuisoqarfik

Inuussutissarsiutinut inerisaanermut tapiissutit, ESU-p, sinerissap qanittuani aalisarnermik ingerlatalinnut inerisaanermut tapiissuteqartarnissamik siunertaqarpoq, matumanilu inussutissarsiortut nutaat ilanngunnissaannik oqilisaasussamik, aalisarnermik unammillernissamullu pitsanngorsaaneq aamma aalisakkanik pisuussutinik aalisarsinnaassutsip ingerlaavartumik naleqqussarsinnaanera pitsaanerulersillugu kiisalu Kalaallit Nunaanni aalisarnermut iluaqutaasumik nutarsaanerit siuarsarlugit

ESU-p ataani uku tapiiffigineqarsinnaapput:

• Sinerissap qanittuani atungassamik angallammik nutaamik atornikumilluunniit pisinermut tapiissutit (6 meterinit anneq)
• Umiatsiaaqqamik pisinermut tapiissutit (6 meterit ataallugit)
• Inuussutissarsiutigalugu aalisartunut pigisat ajoquserneratigut, inuussutissarsiornermi sakkugisat tammarnerisigut imaluunniit napparsimanikkut imaluunniit allatut timikkut ajoquserluni sulisinnaajunnaarnikkut inuussutissarsiutiminnut tunngatillugu annaasaqarsimasunut aallarteqqinnissamut tapiissutit.
• Silap allanngornerata kingunerisaanik allatulluunniit immikkut ittumik ajunaarnersuaqartillugu isertitanik annaasaqarnermi ikiorsiissuteqartoqarsinnaavoq.
• Angallatit pisoqalisimasut isaternissaannut tapiissutit (6 meterinit annerit, 5 BRT / 8 BT)
• ESU-mit taarsigassarsianik akilersornissaannut tapiissutit
• Misileraalluni nutaaliornermut tapiissutit soorlu misileraalluni aalisarnernut, aalisaatinik inerisaanernut kiisalu tunisassiornermi suleriaatsinik inerisaanermut tapiissutit.

ESU-p ataani tapiissuteqarsinnaanerit assigiinngitsut pillugit paasissutissat,matumanilu qanoq qinnuteqartoqassanersoq, qinnuteqarnermut immersugassat sullisseriaaserlu pillugit Inuussutissarsiutitigut tapersiisarnermi immikkoortortaqarfimmi (ESU) (sullissivik.gl) nanisinnaavatit

Attaveqarfik
ESU
Imaneq 1A, 701
Postboks 269
3900 Nuuk
esu@nanoq.gl

Sianerfissaq piffissami:
Aalisarnermut akuersissutinut allaffik kiisalu ESU ulluinnarni nalunaaqutaq quliniit marlut tungaanut oqarasuaatikkut saaffigineqarnissamut ammasarput.