Kalaallit qimmiinik qimuttunik qimmeqarneq illersuinerlu pillugit Inatsisartut Inatsisaat
Tusarniaanerup suunera:Inatsisartut inatsisaat
Saqqummiunneqarpoq:24-01-2025 15:02
Tusarniaanermi killigititaq:28-02-2025 00:00
Naalakkersuisoqarfik:Aalisarnermut Piniarnermullu Naalakkersuisoqarfik
Tusarniaanermi akissutit nassiunneqassapput::apn@nanoq.gl
Matumuuna qulaani taaneqartutut inatsisissatut siunnersuut tusarniutigalugu nassiunneqarpoq, siunertarineqarluni 2025-mi ukiakkut
Inatsisartut ataatsimiinneranni saqqummiunneqarnissaa.
Tusarniutigineqartoq makkunannga ilanngussartaqarpoq:
- Kalaallit qimmiinik qimuttunik qimmeqarneq illersuinerlu pillugit Inatsisartut Inatsisissaattut siunnersuut, oqaaseqaatit ilanngunneqarlutik.
Naalakkersuisoqarfimmit qinnutigineqassaaq tusarniaanerup utertissimaneqarnissaa kingusinnerpaamik
ulloq 28. februarip 2025
Siunnersuummut oqaaseqaatissat uunga e-mailimut nassiunneqassapput apn@nanoq.gl kiisalu uffe@nanoq.gl cc-mut ilanngullugit, imaluunniit allakkatigut, uunga
Aalisarnermut Piniarnermullu Naalakkersuisoqarfik
Imaneq 1A, 701
Postboks 296
3900 Nuuk
Siunnersuutip tunuliaqutaa
Tulliuttuni nassuiarneqassapput siunnersuummut tunuliaqutarineqartut, kiisalu Inatsisartut inatsisaat qimmit qimuttut pillugit qimmeqarneq qitsuuteqarnermullu inatsit 1998-imeersoq kingusinnerusukkut allanngortinneqartup aamma Qimmit qimuttut pillugit inatsisartut inatsisissaata assigiinngissutaat.
Naalakkersuinikkut pingaarutilittut anguniagaavoq qimmit qimuttut pillugit malittarisassat qimmit allat qitsuillu pillugit malittarisassanit avissaartinneqarnissaat. Kalaallit qimmii qimuttut immikkut pisariaqartitsisuupput, uumariaaseqarlutik ileqqoqarlutillu Kalallit Nunaani uumasuullutik atorneqartartut. Kiisalu inatsit aqqutigalugu kalaallit qimmiata qimuttup illersorneqarnissaa piujuarnissaalu illersorneqassapput. Taamaattumik inatsit una aqqutigalugu qimmit qimuttut pillugit namminerisamik malittarisassiortoqarpoq, uumasoqatigiinnut taakkununnga pitsaasumik siunnerfilimmik kiisalu qimmit allat pillugit qitsuillu pillugit inatsisinit avissaartinneqarlutik.
Tamatuma saniatigut ataatsimut isigalugu pisariaqarsimavoq qimmit qimuttut aamma kiisalu qimmit qitsuillu allatigut pissarsiarineqartartut pillugit malittarisassat nutarterneqarnissaat, kiisalu qimmit qitsuillu pillugit inatsisartut inatsisaata nutarterneqarnissaat, taakkualu piffissaq ataaseq atorlugu tamarmik tusarniutigineqassapput.
Siornatigut tusarniaaneq
Inatsisissatut siunnersuutinik marlunnik assingusunik naalakkersuisoqarfimmiit 2022-mi tusarniaasoqarnikuuvoq taakkulu tusarniaanermi oqaaseqaatit inatsisip oqaasertaanut ilanngunneqarput taamatullu oqaasertat missingiutimut pineqartumut ilanngunneqarlutik. Taamaattorli pisariaqarsimavoq inatsisissatut siunnersuutip itinerusumik suliarineqarnissaa. Tamatumani allannguutissat taaneqartut saniatigut tamatuma kingunerisimavaa, inatsisissap allaqqaarnerata aaqqissuuteqqinneqarnissaa, tassami aaqqissuuteqqinneqarnerata kingunerissammagu nalunaarutit aqqutigalugit aalajangersaaneq.
Tamakkua tunngavigalugit Naalakkersuisoqarfimmit inatsisissatut missingiut nutaamik tusarniutigineqarpoq.
Inatsisissatut siunnersuutip pisoqqap aamma nutaap assigiinngissutaat.
Inatsimmik allannguinermi siunertaavoq kalaallit qimmiata qimuttup immikkuullarissup illersorneqarnissaa qulakkiissallugulu pitsaanerusumik atugaqalernissaa. Inatsisip inatsimmit atuuttumik allaanerussutaasut tulliuttuni pingaarnersiorneqassapput.
1. Qimminik qimuttoqarfiit sumiiffissineri.
Qimminik qimuttoqarfiit sumiiffissineri sukaterneqarsimapput imatullu oqaasertalerneqarlutik: Sumiiffik avannarpasissutsip 66-ip avannaaniittoq aamma kippasissutsip 44-p kangianiittoq, taamaattorli Kommune Kujalleq minillugu.
2. Qimussimik apuuteqqaanniunneq
Qimussimik apuuteqqaanniuttarneq pillugu malittarisassat inatsimmiit peerneqarput, taamaattorli Naalakkersuisut taakkua aamma unammilleqatigiittarneq pillugit malittarisassiorsinnaatillugit.
3. Oqaatsip "qimmeq qaasuttoq"-p atuutsilersinneqarnera.
Oqaaseq "qimmeq qaasuttoq" inatsimmi ersarissarneqarpoq, qimminut ulorianarlutillu naatsorsuutigineqarsinnaanngitsunut atorneqarluni. Inatsimmi atuuttumi qimmeq "kiisortoq", atorneqarpoq, kisianni inatsisissatut siunnersuummi taanna annertusineqarluni qimminut allatut ulorianarsinnaasunut atorneqarluni, taakkualu pisortanit qisuariarfigineqartassallutik. Oqaaseq "kiisortoq" oqaasiuvoq annertuumik oqaloriaatsimi nutaami inatsisilerinermilu atorneqanngitsoq. Qimmeq kiisortoq ulorianartuusariaqanngilaq.
4. Qimmit nuunneqarnerini angallanneqarnerinilu piumasaqaatit sukanganerusut
Inatsimmi nutaami piumasaqaataavoq, kommunit akornanni qimmit nuunneqassappata kiisalu piffissami sivisuumi allamiissappata, tamanna nalunaarutigineqassasoq. Tamatumani qulakkeerneqassaaq, nappaatit nakkutigineqarsinnaaneri qimmeqarfinnullu allanut siaruaatinnginnissaat, tassami tuniluuttoqarnissaanut uloriarnartorsiornerit ingalassimaneqarniartussaammata.
5. Angalalluni kalunnerit
Kalunnernik tamakkiisumik atuinermi siunnersuutigineqarpoq, qimmit marlukkaarlugit pitunneqartarnissaat, sapinngisamik aalasarnissaat qimmillu akornanni attaveqaqatigiinnissaat anguniarlugu kalunnerit minnerpaamik 3 meteriunissaat.
6. Qimmiliviit aamma qeqertat qimmiliviit pillugit malittarisassat nutaat
Inatsisitigut pisussaaffinngussaaq, qimmilivissatut tunniunneqarsimasuni qimmit ullormut nakkutigisarnissaat aammalu naammattunik nerisassaqarlutillu imissaqartittarnissaat. Piginnittup paasissutissartaanik allassimasumik allagartalerneqassaaq, taamaalillugu kommunip imaluunniit innuttaasut ajornartorsiortoqalissagaluarpat inuttaasoq attavigisinnaaniassammassuk.
7. Akiuussutissanik tunniussisarnermut paasissutissat aamma ID-mik nalunaaqutsersuineq
Inatsimmi ingerlateqqinneqarpoq, Naalakkersuisut akiuussusersuinermut ID-millu nalunaaqutsersuinermut pilersaarutaat qimmit qimuttut tamarmik malissagaat, tamannalu akiuussusersuisarneq pillugu nalunaarummi atuutsilersinnaassasoq. Nalunaarut inatsisip atuutilernera peqatigalugu atuutilissasoq naatsorsuutigineqarpoq, pineqartumilu patajaannerusumik nalimmassaataassalluni. Piginnittoq tassaavoq uumasuutiminik ID-mut nalunaaqutsiinissamut akiuussuserneqarnissaanullu akisussaasoq, kommuniullunilu qimminut nalunaarsuinerit eqqortuunerinik qulakkeerinnittussaq.
8. Qimmitineqarfii, qimminut inissiisarfinnik il.il pilersitsineq ingerlatsinermullu piumasaqaatit
Suliniut nutaaq tassaavoq qulaani pineqartut uumasunut nakorsaaneqarfimmit akuerineqartussaaneri, tamakkulu pillugit Naalakkersuisut malittarisassiortussaaneri. Tamakkua saniatigut Naalakkersuisut uumasunut napparsimmaviit aamma uumasunut nakkutilliisoqarfiit pillugit malittarisassiussapput.
Kalaallit qimmiata qimuttup ilisaritinnera
Inatsisip nutaap kalaallit qimmiat qimuttoqersarissanngilaa, taamaattorli aaqqissuussaanerusumik suussusersineqarnerat pillugu siunertaqarluni. Ilisarititsinermi pisoqqani paasinnittarnerup malinneqarneranit aammalu ileqqunik sumiuussusersiornermillu ilisarititsinermiit Inatsimmi nutaami sananeqaatsikkut genitigullu eqqornerusumik killiliiniartoqarpoq, tassani takutinniarneqarluni kalaallit qimmiat qimuttoq sananeqaatsimigut immikkuullarilluinnartuusoq qimminit qimuttunit allanit allaanerusoq.
Peqatigisaanillu uumasoqatigiit ID-mik ilisarnaasiinikkut, akiuussusersuinikkut, aamma piaqqiorsimasut malinnaaffigineqarneri nukittorsarneqassapput, taamaaliornikkut uumasoqatigiit piujuartinnissaannut nalunaarsueqqissaarnikkut ilisimatuussutsikkullu malinnaaffigineqarlutik.
Malittarisassat pingaarnertut siunertaraat kalaallit qimmii qimuttut illersorneqarnissaat, ukiuni kingullerni ilaatigut nappaalanerit kiisalu inooriaatsit silallu pissusaata allanngorneri, qamuteralannik atuinerulernerit, qimusserneq akigalugu kiisalu sikuusarnerata sivikilliartornera pissutigalugit ikiliartuinnarsimasut illersornissaat. Kalaallit qimmiata qimuttup nukittorsarneqarnissaa kiisalu qimussertarnikkut ileqqut siunnersuut aqqutigalugu illersorneqassapput
Inatsisartut ataatsimiinneranni saqqummiunneqarnissaa.
Tusarniutigineqartoq makkunannga ilanngussartaqarpoq:
- Kalaallit qimmiinik qimuttunik qimmeqarneq illersuinerlu pillugit Inatsisartut Inatsisissaattut siunnersuut, oqaaseqaatit ilanngunneqarlutik.
Naalakkersuisoqarfimmit qinnutigineqassaaq tusarniaanerup utertissimaneqarnissaa kingusinnerpaamik
ulloq 28. februarip 2025
Siunnersuummut oqaaseqaatissat uunga e-mailimut nassiunneqassapput apn@nanoq.gl kiisalu uffe@nanoq.gl cc-mut ilanngullugit, imaluunniit allakkatigut, uunga
Aalisarnermut Piniarnermullu Naalakkersuisoqarfik
Imaneq 1A, 701
Postboks 296
3900 Nuuk
Siunnersuutip tunuliaqutaa
Tulliuttuni nassuiarneqassapput siunnersuummut tunuliaqutarineqartut, kiisalu Inatsisartut inatsisaat qimmit qimuttut pillugit qimmeqarneq qitsuuteqarnermullu inatsit 1998-imeersoq kingusinnerusukkut allanngortinneqartup aamma Qimmit qimuttut pillugit inatsisartut inatsisissaata assigiinngissutaat.
Naalakkersuinikkut pingaarutilittut anguniagaavoq qimmit qimuttut pillugit malittarisassat qimmit allat qitsuillu pillugit malittarisassanit avissaartinneqarnissaat. Kalaallit qimmii qimuttut immikkut pisariaqartitsisuupput, uumariaaseqarlutik ileqqoqarlutillu Kalallit Nunaani uumasuullutik atorneqartartut. Kiisalu inatsit aqqutigalugu kalaallit qimmiata qimuttup illersorneqarnissaa piujuarnissaalu illersorneqassapput. Taamaattumik inatsit una aqqutigalugu qimmit qimuttut pillugit namminerisamik malittarisassiortoqarpoq, uumasoqatigiinnut taakkununnga pitsaasumik siunnerfilimmik kiisalu qimmit allat pillugit qitsuillu pillugit inatsisinit avissaartinneqarlutik.
Tamatuma saniatigut ataatsimut isigalugu pisariaqarsimavoq qimmit qimuttut aamma kiisalu qimmit qitsuillu allatigut pissarsiarineqartartut pillugit malittarisassat nutarterneqarnissaat, kiisalu qimmit qitsuillu pillugit inatsisartut inatsisaata nutarterneqarnissaat, taakkualu piffissaq ataaseq atorlugu tamarmik tusarniutigineqassapput.
Siornatigut tusarniaaneq
Inatsisissatut siunnersuutinik marlunnik assingusunik naalakkersuisoqarfimmiit 2022-mi tusarniaasoqarnikuuvoq taakkulu tusarniaanermi oqaaseqaatit inatsisip oqaasertaanut ilanngunneqarput taamatullu oqaasertat missingiutimut pineqartumut ilanngunneqarlutik. Taamaattorli pisariaqarsimavoq inatsisissatut siunnersuutip itinerusumik suliarineqarnissaa. Tamatumani allannguutissat taaneqartut saniatigut tamatuma kingunerisimavaa, inatsisissap allaqqaarnerata aaqqissuuteqqinneqarnissaa, tassami aaqqissuuteqqinneqarnerata kingunerissammagu nalunaarutit aqqutigalugit aalajangersaaneq.
Tamakkua tunngavigalugit Naalakkersuisoqarfimmit inatsisissatut missingiut nutaamik tusarniutigineqarpoq.
Inatsisissatut siunnersuutip pisoqqap aamma nutaap assigiinngissutaat.
Inatsimmik allannguinermi siunertaavoq kalaallit qimmiata qimuttup immikkuullarissup illersorneqarnissaa qulakkiissallugulu pitsaanerusumik atugaqalernissaa. Inatsisip inatsimmit atuuttumik allaanerussutaasut tulliuttuni pingaarnersiorneqassapput.
1. Qimminik qimuttoqarfiit sumiiffissineri.
Qimminik qimuttoqarfiit sumiiffissineri sukaterneqarsimapput imatullu oqaasertalerneqarlutik: Sumiiffik avannarpasissutsip 66-ip avannaaniittoq aamma kippasissutsip 44-p kangianiittoq, taamaattorli Kommune Kujalleq minillugu.
2. Qimussimik apuuteqqaanniunneq
Qimussimik apuuteqqaanniuttarneq pillugu malittarisassat inatsimmiit peerneqarput, taamaattorli Naalakkersuisut taakkua aamma unammilleqatigiittarneq pillugit malittarisassiorsinnaatillugit.
3. Oqaatsip "qimmeq qaasuttoq"-p atuutsilersinneqarnera.
Oqaaseq "qimmeq qaasuttoq" inatsimmi ersarissarneqarpoq, qimminut ulorianarlutillu naatsorsuutigineqarsinnaanngitsunut atorneqarluni. Inatsimmi atuuttumi qimmeq "kiisortoq", atorneqarpoq, kisianni inatsisissatut siunnersuummi taanna annertusineqarluni qimminut allatut ulorianarsinnaasunut atorneqarluni, taakkualu pisortanit qisuariarfigineqartassallutik. Oqaaseq "kiisortoq" oqaasiuvoq annertuumik oqaloriaatsimi nutaami inatsisilerinermilu atorneqanngitsoq. Qimmeq kiisortoq ulorianartuusariaqanngilaq.
4. Qimmit nuunneqarnerini angallanneqarnerinilu piumasaqaatit sukanganerusut
Inatsimmi nutaami piumasaqaataavoq, kommunit akornanni qimmit nuunneqassappata kiisalu piffissami sivisuumi allamiissappata, tamanna nalunaarutigineqassasoq. Tamatumani qulakkeerneqassaaq, nappaatit nakkutigineqarsinnaaneri qimmeqarfinnullu allanut siaruaatinnginnissaat, tassami tuniluuttoqarnissaanut uloriarnartorsiornerit ingalassimaneqarniartussaammata.
5. Angalalluni kalunnerit
Kalunnernik tamakkiisumik atuinermi siunnersuutigineqarpoq, qimmit marlukkaarlugit pitunneqartarnissaat, sapinngisamik aalasarnissaat qimmillu akornanni attaveqaqatigiinnissaat anguniarlugu kalunnerit minnerpaamik 3 meteriunissaat.
6. Qimmiliviit aamma qeqertat qimmiliviit pillugit malittarisassat nutaat
Inatsisitigut pisussaaffinngussaaq, qimmilivissatut tunniunneqarsimasuni qimmit ullormut nakkutigisarnissaat aammalu naammattunik nerisassaqarlutillu imissaqartittarnissaat. Piginnittup paasissutissartaanik allassimasumik allagartalerneqassaaq, taamaalillugu kommunip imaluunniit innuttaasut ajornartorsiortoqalissagaluarpat inuttaasoq attavigisinnaaniassammassuk.
7. Akiuussutissanik tunniussisarnermut paasissutissat aamma ID-mik nalunaaqutsersuineq
Inatsimmi ingerlateqqinneqarpoq, Naalakkersuisut akiuussusersuinermut ID-millu nalunaaqutsersuinermut pilersaarutaat qimmit qimuttut tamarmik malissagaat, tamannalu akiuussusersuisarneq pillugu nalunaarummi atuutsilersinnaassasoq. Nalunaarut inatsisip atuutilernera peqatigalugu atuutilissasoq naatsorsuutigineqarpoq, pineqartumilu patajaannerusumik nalimmassaataassalluni. Piginnittoq tassaavoq uumasuutiminik ID-mut nalunaaqutsiinissamut akiuussuserneqarnissaanullu akisussaasoq, kommuniullunilu qimminut nalunaarsuinerit eqqortuunerinik qulakkeerinnittussaq.
8. Qimmitineqarfii, qimminut inissiisarfinnik il.il pilersitsineq ingerlatsinermullu piumasaqaatit
Suliniut nutaaq tassaavoq qulaani pineqartut uumasunut nakorsaaneqarfimmit akuerineqartussaaneri, tamakkulu pillugit Naalakkersuisut malittarisassiortussaaneri. Tamakkua saniatigut Naalakkersuisut uumasunut napparsimmaviit aamma uumasunut nakkutilliisoqarfiit pillugit malittarisassiussapput.
Kalaallit qimmiata qimuttup ilisaritinnera
Inatsisip nutaap kalaallit qimmiat qimuttoqersarissanngilaa, taamaattorli aaqqissuussaanerusumik suussusersineqarnerat pillugu siunertaqarluni. Ilisarititsinermi pisoqqani paasinnittarnerup malinneqarneranit aammalu ileqqunik sumiuussusersiornermillu ilisarititsinermiit Inatsimmi nutaami sananeqaatsikkut genitigullu eqqornerusumik killiliiniartoqarpoq, tassani takutinniarneqarluni kalaallit qimmiat qimuttoq sananeqaatsimigut immikkuullarilluinnartuusoq qimminit qimuttunit allanit allaanerusoq.
Peqatigisaanillu uumasoqatigiit ID-mik ilisarnaasiinikkut, akiuussusersuinikkut, aamma piaqqiorsimasut malinnaaffigineqarneri nukittorsarneqassapput, taamaaliornikkut uumasoqatigiit piujuartinnissaannut nalunaarsueqqissaarnikkut ilisimatuussutsikkullu malinnaaffigineqarlutik.
Malittarisassat pingaarnertut siunertaraat kalaallit qimmii qimuttut illersorneqarnissaat, ukiuni kingullerni ilaatigut nappaalanerit kiisalu inooriaatsit silallu pissusaata allanngorneri, qamuteralannik atuinerulernerit, qimusserneq akigalugu kiisalu sikuusarnerata sivikilliartornera pissutigalugit ikiliartuinnarsimasut illersornissaat. Kalaallit qimmiata qimuttup nukittorsarneqarnissaa kiisalu qimussertarnikkut ileqqut siunnersuut aqqutigalugu illersorneqassapput