Tusarniaaneq Inuutissarsiutinik ilinniartitsinerit aamma inuutissarsiutinik ilinniartitsinerup iluani pikkorissaasarnerit pillugit Inatsisartut inatsisissaattut siunnersuut pillugu tusarniaaneq
Tusarniaanerup suunera:Inatsisartut inatsisaat
Saqqummiunneqarpoq:19-12-2023 09:17
Tusarniaanermi killigititaq:18-01-2024 00:00
Naalakkersuisoqarfik:Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Tusarniaanermi akissutit nassiunneqassapput::ikin@nanoq.gl
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup matumuuna nassiuppaa Inuutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaasarnerit pillugit Inatsisartut inatsisissatut siunnersuut illup iluani tusarniaassutigineqartoq.
Siunnersuut suliarineqalerpoq Naalakkersuisut ataatsimiinnerminni ulloq 23. oktober 2023 aalajangernerisa kinguninnguatigut, suliaqartoqarnissaanik Inuutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaasarnerit pillugit Inatsisartut inatsisissaattut siunnersuummik nutaamik suliaqartoqarnissaanik, siunnerfigalugu UPA 2024-imi Inatsisartunut saqqummiussisoqarnissaa.
Naalakkersuisut tamatumunnga atatillugu aalajangerput siunnersuummi aqutsinermik aaqqissuussinermik nutaamik pilersitsisoqassasoq, siunnerfigalugu qitiusumik ilinniarfiit aammaartumik qitiusumik allaffissuaqarnerup oqartussaatitaanerata iluani inissisimalissasut, inatsisinillu atortitsinikkut Namminersorlutik Oqartussat allaffissornikkut aaqqissuussaanerisa iluaniilissasut, assersuutigalugu assigalugit ilinniarnertuunngorniarfiit siulersuisoqanngitsumik aaqqissuussaasut.
Naalakkersuisut ilutigisaanik aalajangerput siunnersuummi aalajangersakkamik ilanngussisoqassasoq, sungiusaammik suliffeqarfinni sulisitsisarnerit ataqatigiissaarneqarnerannik aaqqissuussinermik ingerlatsinermillu, qularnaarumallugu suliffeqarfinnut namminernut ornigulluni sungiusaammik suliffissanik pilersitsiniartoqartalernissaa.
Kiisalu Naalakkersuisut aamma aalajangerput suliatigut ilisimasanik tunniussisoqartarnera, taaneqartoq - faglige input - qitiusumik ilinniarfinnut anngunneqartarnissaat sulissutigineqassasoq, ilinniartitaanernut siunnersuisoqatigiinngortussat aqqutigalugit. Naalakkersuisut tamatumunnga atatillugu aalajangerput Inuutissarsiutinik ilinniartitsinernut inatsimmi pisinnaatitsissut siunnersuisoqatigiinnik aamma ataatsimiititalianik pilersitsisarnissanik annertusineqassasoq, ilinniartitaanernik suliassaqarfimmut tamarmiusumut, taamalu aalajangersagaliortoqarsinnaalluni ilinniartitaanermut siunnersuisoqatigiit pillugit, suliaqarsinnaasussanik inassuteqaatinik ilinniartitaanerni suliassaqarfimmut atatillugu. Kiisalu aamma aalajangiunneqarpoq siunnersuut suliarineqassasoq ataatsimoortutut nutaatut.
Tamatumunnga atatillugu aqutsinermik aaqqissuussinermut nutaamut tunngatillugu oqaatigineqassaaq suliassat aamma akisussaaffik ilinniartitaanernik ingerlatsiviit pineqartut aningaasaqarnerannut, aningaasartuutissanut missingersuusiortarnerannut aamma aningaasaliissutinik atuisarnerannut nuunneqassammat naalakkersuisoqarfimmut suliassanut akisussaasuusumut, taamalu siulersuisunit isumagineqarunnaassalluni. Qitiusumik ilinniarfiit ingerlatsinerat, matumani aamma periusissiat, anguniakkat aamma naammassisassanut pilersaarutit taamaasillutik ilinniartitaanerni politikkikkut qitiusumik anguniakkanut atasumik aaqqissuunneqarsinnaalissapput. Taamaaliornikkut pilersinneqassaaq toqqaannarnerusumik pisariinnerusumillu ataqatigiissitsineq, ilinniartitaanerni politikkikkut pingaartitanut takorluukkannullu, tamatumani aamma inuiaqatigiinni isorineqartunut ajornartorsiutinut, sungiusaammik ilinniagaqartut suliffissaannut aamma inuusuttuaqqanut immikkut sullinneqartussatut siunnerfiusunut, aammalu qitiusumik ilinniarfiit ingerlatsinerannut, matumanissaaq periusissiaannut, anguniagaannut aamma naammassisassanut pilersaarutaannut, kiisalu qularnaarneqarluni qitiusumik ilinniarfinni aningaasatigut aqutsinerup naammassisaqarfiulluarnerulernissaa.
Nutaaliornerit eqqaaneqartut pingasuusut saniatigut siunnersuutip aaqqissuussaanerni, imarisaanii aamma ilusilersorneqarnerani annertunerusutigut Inatsisaat maanna atuuttoq tunngavigineqarpoq.
Siunnersuummi tunuliaqutaasut, siunertaasut aamma siunnersuutip imarisai pillugit innersuunneqassapput ilanngullugit nassiunneqartut siunnersuummut oqaaseqaatit.
Oqaaseqaateqartoqarniarpat oqaaseqaatit Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut nassiunneqareersimassapput kingusinnerpaamik ulloq 18. januar 2024.
Oqaaseqaatit nassiuteqquneqarput naalakkersuisoqarfiup pisortatigoortumik mail adressianut: ikin@nanoq.gl, periarfissaavortaaq Naalakkersuisoqarfiup allakkanut adressia:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Postbox 1029, 3900 Nuuk.
Siunnersuut suliarineqalerpoq Naalakkersuisut ataatsimiinnerminni ulloq 23. oktober 2023 aalajangernerisa kinguninnguatigut, suliaqartoqarnissaanik Inuutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaasarnerit pillugit Inatsisartut inatsisissaattut siunnersuummik nutaamik suliaqartoqarnissaanik, siunnerfigalugu UPA 2024-imi Inatsisartunut saqqummiussisoqarnissaa.
Naalakkersuisut tamatumunnga atatillugu aalajangerput siunnersuummi aqutsinermik aaqqissuussinermik nutaamik pilersitsisoqassasoq, siunnerfigalugu qitiusumik ilinniarfiit aammaartumik qitiusumik allaffissuaqarnerup oqartussaatitaanerata iluani inissisimalissasut, inatsisinillu atortitsinikkut Namminersorlutik Oqartussat allaffissornikkut aaqqissuussaanerisa iluaniilissasut, assersuutigalugu assigalugit ilinniarnertuunngorniarfiit siulersuisoqanngitsumik aaqqissuussaasut.
Naalakkersuisut ilutigisaanik aalajangerput siunnersuummi aalajangersakkamik ilanngussisoqassasoq, sungiusaammik suliffeqarfinni sulisitsisarnerit ataqatigiissaarneqarnerannik aaqqissuussinermik ingerlatsinermillu, qularnaarumallugu suliffeqarfinnut namminernut ornigulluni sungiusaammik suliffissanik pilersitsiniartoqartalernissaa.
Kiisalu Naalakkersuisut aamma aalajangerput suliatigut ilisimasanik tunniussisoqartarnera, taaneqartoq - faglige input - qitiusumik ilinniarfinnut anngunneqartarnissaat sulissutigineqassasoq, ilinniartitaanernut siunnersuisoqatigiinngortussat aqqutigalugit. Naalakkersuisut tamatumunnga atatillugu aalajangerput Inuutissarsiutinik ilinniartitsinernut inatsimmi pisinnaatitsissut siunnersuisoqatigiinnik aamma ataatsimiititalianik pilersitsisarnissanik annertusineqassasoq, ilinniartitaanernik suliassaqarfimmut tamarmiusumut, taamalu aalajangersagaliortoqarsinnaalluni ilinniartitaanermut siunnersuisoqatigiit pillugit, suliaqarsinnaasussanik inassuteqaatinik ilinniartitaanerni suliassaqarfimmut atatillugu. Kiisalu aamma aalajangiunneqarpoq siunnersuut suliarineqassasoq ataatsimoortutut nutaatut.
Tamatumunnga atatillugu aqutsinermik aaqqissuussinermut nutaamut tunngatillugu oqaatigineqassaaq suliassat aamma akisussaaffik ilinniartitaanernik ingerlatsiviit pineqartut aningaasaqarnerannut, aningaasartuutissanut missingersuusiortarnerannut aamma aningaasaliissutinik atuisarnerannut nuunneqassammat naalakkersuisoqarfimmut suliassanut akisussaasuusumut, taamalu siulersuisunit isumagineqarunnaassalluni. Qitiusumik ilinniarfiit ingerlatsinerat, matumani aamma periusissiat, anguniakkat aamma naammassisassanut pilersaarutit taamaasillutik ilinniartitaanerni politikkikkut qitiusumik anguniakkanut atasumik aaqqissuunneqarsinnaalissapput. Taamaaliornikkut pilersinneqassaaq toqqaannarnerusumik pisariinnerusumillu ataqatigiissitsineq, ilinniartitaanerni politikkikkut pingaartitanut takorluukkannullu, tamatumani aamma inuiaqatigiinni isorineqartunut ajornartorsiutinut, sungiusaammik ilinniagaqartut suliffissaannut aamma inuusuttuaqqanut immikkut sullinneqartussatut siunnerfiusunut, aammalu qitiusumik ilinniarfiit ingerlatsinerannut, matumanissaaq periusissiaannut, anguniagaannut aamma naammassisassanut pilersaarutaannut, kiisalu qularnaarneqarluni qitiusumik ilinniarfinni aningaasatigut aqutsinerup naammassisaqarfiulluarnerulernissaa.
Nutaaliornerit eqqaaneqartut pingasuusut saniatigut siunnersuutip aaqqissuussaanerni, imarisaanii aamma ilusilersorneqarnerani annertunerusutigut Inatsisaat maanna atuuttoq tunngavigineqarpoq.
Siunnersuummi tunuliaqutaasut, siunertaasut aamma siunnersuutip imarisai pillugit innersuunneqassapput ilanngullugit nassiunneqartut siunnersuummut oqaaseqaatit.
Oqaaseqaateqartoqarniarpat oqaaseqaatit Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut nassiunneqareersimassapput kingusinnerpaamik ulloq 18. januar 2024.
Oqaaseqaatit nassiuteqquneqarput naalakkersuisoqarfiup pisortatigoortumik mail adressianut: ikin@nanoq.gl, periarfissaavortaaq Naalakkersuisoqarfiup allakkanut adressia:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Postbox 1029, 3900 Nuuk.