Timmissat pillugit nalunaarutip nutarternera pillugu tusarniaaneq
Matumuuna nassiunneqarpoq: Timmissanik illersuineq piniarnerlu pillugit Namminer¬sor-lutik Oqartussat nalunaarutaat nr. xx, xx.xx 2023-meersoq tusarniutigineqarluni.
Nalunaarut atuuttoq nutarterneqartoq tassaavoq: Timmissanik illersuineq piniarnerlu pillugit Namminersorlutik Oqartussat nalunaarutaat nr. 17, 28. oktober 2019-imeersoq.
Oqaaseqaataasinnaasut nassiuteqquneqarput uunga: APN@nanoq.gl imaluunniit qarasaasiatigut attavinnut periarfissaqanngikkaanni Fax normu 34 63 55, kingusinnerpaamillu nassiuteqquneqarput tallimanngorneq 21. April 2023.
Timmissanut nalunaarutip nutarterneranut tunngaviuvoq Inatsisartut kissaatigimmassuk mitit pillugit allannguisoqassasoq. Pineqarluni mitit piniagaaffii aamma mannissarsinnaanermut tunngasut.
Erseqqissaatigineqassaaq matumani taamaallaat mitit allannguiffiginiarneqarmata, timmissat allat soorlu appat massakkut allannguiffineqassanngillat. Timmissanut allanut tunngatillugu siunnersuutinik nassiussisoqarsinnaavoq, taakkulu nalunaarut kingusinnerusukkut tulliani nutarteqqinneqalerpat nalilersorneqassapput.
Nalunaarutip suliarineqarneranut pingaarnertut allannguutaasut ukuupput:
• § 4, imm. 1 litra 2, zone 2 aamma zone 3-p killeqarfia nikisinneqarpoq, Avannaata Kommuniata aamma Kommune Qeqertaliup killeqarfia malillugu.
• § 4, imm. 1 litra 4 aamma 5. Maannakkut zone 4 (Kangia) avinneqarpoq zone-t marlunngorlugit Tasiilap aqutsiveqarfia zone 4 taavalu Ittoqqortoormiit zone 5-iulerluni.
Mitit piniagaaffii ullormullu pisassat § 7:
- Imm. 2 mitit piniagaaffii sivitsorneqarput:
- Zone 1: 15. sept.-imiit 30. april-ip tungaanut, upernaakkut piniagaaffii: 01.05 – 15.06
- Zone 2, 3, 4 aamma 5: 15. Septembarimiit 31. Maj ilanngullugu
- Imm. 3. Miternut ullormut pisassat zone 1, 2, 4 aamma 5-imi atorunnaarsinneqarput, taamaattoq Ilulissat aqutsiveqarfiani (zone 2) ullormut pisassat allanngortinneqanngillat, Ilulissat aqutsiveqarfiani inuussutissarsiutigalugu piniarnermut allagartalli ullormut 40-t sunngiffimmi aallaaniarsinnaanermut allagartallit ullormut 10-t pisarisinnaavaat.
| Zone 1 | Zone 2 | Zone 3 | Zone 4 | |
| Nalunaarut nr. 17 af 28. oktober 2019-imeersoq | 15.10-30.04 01.05-31.05 | 15.10-30.04 | 15.10-30.03 | 15.10-30.04 |
Mitit piniagaaffissai siunnersuutigineqartut:
| Zone 1 | Zone 2 | Zone 3 | Zone 4 | |
| Bekendtgørelse af xx.yy.2023 | 15.09-30.04 01.05-15.06 |
15.09-31.05 | 15.09-31.05 | 15.09-31.05 |
Mannissarneq § 11:
- Imm. 2 Inuit piniarnermut allagartallit zone-ni tamani mitit manniinik nammineq atugassatut mannissaqqusaapput piffissami 1. April-imiit 15. Juni ilanngullugu.
- Imm. 3. Zone 1-imi inuit piniarnermut allagartallit ileqqutoqqat malillugit manniusiornermut mitit manniinik mannissaqqusaassapput, piffissami 15. Juni-miit 25. Juni ilanngullugu.
- § 12, imm. 1 aamma 3-mi qilanngaq nuunneqarpoq litra 2-miit litra 1-imut, tassa 1000 meterinik illersugaaffiusumut, nassuiarneqarneralu oqilisarneqarluni.
Allannguutini allat taaneqarsinnaapput nalunaarut kapitalilersorneqarpoq. § 10, imm. 1. Tulukkat aamma naajat anginerit marluk, naajarujussuaq aamma naajarluk, misileraataasumik killeqanngitsumik piniarneqarsinnaaneri, ukiuni tallimani sivitsorneqarpoq, nalunaarutip atuutilersinneqarneraniit. Kiisalu § 20 tamakkerlugu peerneqarpoq
