Unammilleqatigiinneq pillugu Inatsisartut inatsisaata allanngortinnissaa pillugu Inatsisartut inatsisaanut siunnersuummut tusarniut
(Niuerfinnik misissuineq, niuerfimmut aalajangersimasumut unammilleqatigiinneq pillugu misissuineq, Unammilleqatigiinnermut Ataatsimiititaliap toqqaasarnera, toqqaanermut malittarisassat aamma atorfeqaannarsinnaaneq, suliffeqarfiit suliami paasissutissat nammineq suliffeqarfimminut tunngasunut takunnissinnaatitaanerat, piffissaliussamik taamaatitsineq il.il.)
Matumuuna siunnersuutip qulaani taaneqartup tusarniaanissaanut nassiunneqarpoq.
Tusarniummut akissummik nassiussinissamut killigititaavoq: 15. decembari 2025.
Tusarniummut oqaaseqaatit e-mailikkut uunga nassuinneqaqquneqarput: aua@nanoq.gl assilineqarneralu lekn@nanoq.gl
Imaqarniliugaq:
Unammilleqatigiinneq pillugu inatsimmut allannguutit pillugit siunnersuutigineqarput:
- niuerfinnik niuerfimmullu aalajangersimasumut unammilleqatigiinneq pillugu misissuisinnaanissamik periarfissamik atulersitsineq
- unammilleqatigiinnermut oqartussaasup suliaqarnermini paasissutissanik noqqaanissamik periarfissai amerlineqarneri
- Unammilleqatigiinnermut Ataatsimiititaliami ilaasortaq atuisartoqarnermut tunngassuteqartunut ilisimasaqartumik toqqaasarnerup allanngortinneqarnera
- Unammilleqatigiinnermut Ataatsimiititaliap toqqaasarnermik malittarisassai
- ataatsimiititaliap atuuffeqarfia qaangerneqareeraluartoq, ataatsimiititaliamik nutaamik toqqaasoqarnissaata tungaanut maanna ataatsimiititaliap atuutiinnarnissaanut qulakkeerinninneq
- suliffeqarfiit kattunnerannik sulianik immikkuullarissumik piffissarititanik taamaatitsineq
- suliffeqarfiit suliami paasissutissat nammineq suliffeqarfimminut tunngasunut takunnissinnaatitaanerat pillugu malittarisassanik erseqqissaaneq
- paasissutissanik illersuineq