Sermip erngullu niuernermi atorneqarneri pillugit Inatsisartut inatsisissaattut siunnersuut
Tusarniaanerup suunera:Inatsisartut inatsisaat
Saqqummiunneqarpoq:20-06-2025 11:04
Tusarniaanermi killigititaq:15-08-2025 16:00
Tusarniaanermi akissutit nassiunneqassapput::isiin@nanoq.gl
Sermip erngullu niuernermi atorneqarneri pillugit Inatsisartut inatsisissaattut siunnersuut kiisalu inatsisissatut siunnersuummut nassuiaatit ilanngussatut ilanngunneqartut Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup tamanut tusarniutigalugit matumuuna nassiuppai.
Tusarniummut akissutinik kingusinnerpaamik nassitsivissaavoq: sisamanngorneq 17. juli 2025.
Tusarniut Naalakkersuit tusarniaavianni aamma takuneqarsinnaavoq.
Eqikkaaneq:
• Sermip erngullu niuernermi atorneqarneri pillugit malittarisassat atuuttut siunnersuutitigut allanngortinniarneqarput. Piumasaqaatit atuuttorpaaluit siunnersuutitigut ilassuteqarfigineqarlutik ingerlateqqinneqassapput. Akuersissuteqartarnerup sannaa allanngortinneqassaaq, akuersissutillu pillugit aalajangiinissamut aalajangersimasumik piumasaqaateqalissalluni. Taassumap saniatigut akuersissutinik qinnuteqarnissamut malittarisassat siunnersuummut ilanngunneqarput, qinnuteqartariaatsimullu malittarisassat massakkut atuuttut allanngortinneqarlutik.
• Taassumap saniatigut pinngortitamut kingunissaanik naliliinerit aamma avatangiisitigut kiisalu inuiaqatigiinni eqqarsaatigisassat suliap suliarineqarneranut ilanngunneqartarnissaannik piumasaqaat siunnersuummut ilanngunneqarpoq. Taamaalilluni immikkoortut ilaannut siunnersuut ersarissaanerullunilu allaffissornikkut naleqqussaaneruvoq, ilutigisaanillu immikkoortut allat malittarisassiuunneqartariaasiat tunngaviusumik allanngortinneqarluni.
• Imermik pilersuinermut sermip, erngullu niuernermi atorneqarnerinut imaluunniit imermut imermik pilersuinermik ingerlatsiviit sinnitut pigisaannut Inatsisartut inatsisissaat atuutinngilaq. Taakkununnga tunngatillugu attuumassutilimmik inatsimmik allannguisoqarnialerpat, immikkoortunut taakkununnga inatsimmi immikkut inatsisiliortoqassaaq.
• Sermip erngullu niuernikkut iluaqutigineqarnissaat pillugu Inatsisartut inatsisaat atuuttoq, siunnersuutitigut atorunnaarsinneqassaaq. Akuersissutit tunniunneqareersut, atuutiinnassaput.
Tusarniummut akissutinik kingusinnerpaamik nassitsivissaavoq: sisamanngorneq 17. juli 2025.
Tusarniut Naalakkersuit tusarniaavianni aamma takuneqarsinnaavoq.
Eqikkaaneq:
• Sermip erngullu niuernermi atorneqarneri pillugit malittarisassat atuuttut siunnersuutitigut allanngortinniarneqarput. Piumasaqaatit atuuttorpaaluit siunnersuutitigut ilassuteqarfigineqarlutik ingerlateqqinneqassapput. Akuersissuteqartarnerup sannaa allanngortinneqassaaq, akuersissutillu pillugit aalajangiinissamut aalajangersimasumik piumasaqaateqalissalluni. Taassumap saniatigut akuersissutinik qinnuteqarnissamut malittarisassat siunnersuummut ilanngunneqarput, qinnuteqartariaatsimullu malittarisassat massakkut atuuttut allanngortinneqarlutik.
• Taassumap saniatigut pinngortitamut kingunissaanik naliliinerit aamma avatangiisitigut kiisalu inuiaqatigiinni eqqarsaatigisassat suliap suliarineqarneranut ilanngunneqartarnissaannik piumasaqaat siunnersuummut ilanngunneqarpoq. Taamaalilluni immikkoortut ilaannut siunnersuut ersarissaanerullunilu allaffissornikkut naleqqussaaneruvoq, ilutigisaanillu immikkoortut allat malittarisassiuunneqartariaasiat tunngaviusumik allanngortinneqarluni.
• Imermik pilersuinermut sermip, erngullu niuernermi atorneqarnerinut imaluunniit imermut imermik pilersuinermik ingerlatsiviit sinnitut pigisaannut Inatsisartut inatsisissaat atuutinngilaq. Taakkununnga tunngatillugu attuumassutilimmik inatsimmik allannguisoqarnialerpat, immikkoortunut taakkununnga inatsimmi immikkut inatsisiliortoqassaaq.
• Sermip erngullu niuernikkut iluaqutigineqarnissaat pillugu Inatsisartut inatsisaat atuuttoq, siunnersuutitigut atorunnaarsinneqassaaq. Akuersissutit tunniunneqareersut, atuutiinnassaput.