"Ilinniarnertuunngorniarneq pillugu Inatsisartut inatsisaata allanngortinnera pillugu Inatsisartut inatsisaannut siunnersuut"
Tusarniaanerup suunera:Inatsisartut inatsisaat
Saqqummiunneqarpoq:18-06-2024 15:47
Tusarniaanermi killigititaq:16-07-2024 00:00
Naalakkersuisoqarfik:Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Tusarniaanermi akissutit nassiunneqassapput::ikin@nanoq.gl
Matumuuna Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup "Ilinniarnertuunngorniartarneq pillugu Inatsisartut inatsisaata allanngortinneqarnera pillugu Inatsisartut inatsisaannut siunnersuut" tamanut tusarniutigaa. Tamatuma saniatigut tusarniaanermut atortussat tusarniaanermut nittartakkami www.naalakkersuisut.gl-imi takuneqarsinnaapput.
Siunnersuutip tunuliaqutaa
Siunnersuuteqarnermut tunuliaqutaapput: Timersornermik sammiveqartumik ilinniartitaanermi piumasaqaatit ilaneqarnissaanut ersarissumik inatsisitigut tunngavissaqarnissamut aalajangersaasoqarnissaa, aammalu siunissami ilinniartitaanerni ukiunik pingasunik sivisussuseqarnerusuni piumasaqaatit ilasariaqarsinnaanerat qulakkeernissaa.
Timersornermik sammiveqartumik ilinniartitaanermut qinnuteqartunik toqqaanissamut GUX-Nuuk suleriaatsimik suliaqarnikuuvoq. Timersornermik sammiveqartumik ilinniagaqarusuttut ilinniarnertuunngorniarfinni ilinniarusuttut allat assigalugit qinnuteqassapput piumasaqaatinillu naammassinnillutik. Tamatuma kingorna piumasaqaatit GUX-Nuup aammalu Elite Sport Greenlandip nittartagaanni allaqqasut naapertorlugit qinnuteqartut akornanni toqqaasoqartarpoq. Suleriaaserlu taanna nalunaarutinngorlugu suliarineqarniarpoq, taamaasilluni ilinniartitaanerni ukiut pingasut sipporlugit sivisussuseqartuni piumasaqaatit suut naammassineqassanersut ersarinnerulissapput.
Timersornermik sammiveqartumik ilinniartitaaneq pillugu GUX-Nuup nittartagaani allaqqavoq, ilinnialernissamut akuerisaassagaanni qinnuteqartoq kajumippasissumik qinnuteqassasoq, qinnuteqaatimilu qinnuteqartoq sooq timersornermik sammivilimmik ilinniagaqarusunnersoq nassuiarneqassasoq. Tamatuma saniatigut qinnuteqartup sungiusaasuata oqaaseqaataa aamma qinnuteqaatimut ilanngunneqassaaq, tassani qinnuteqartup timersortartutut inissisimaffia, angusai siunissamilu angusinnaasai sungiusaasumit nassuiarneqassallutik. Aatsaat tamatuma kingorna qinnuteqartut nalilersorneqassapput, timersornermillu sammiveqartumik ilinniartitaanermut ilinnialertussat toqqarneqarlutik. Timersornermik sammiveqartumik ilinniartitaanermut neqeroorfigineqanngitsut ilinniartitaanermut allamut akuersaarneqarnissaminut neqeroorfigineqassapput.
Peqatigalugu ilinniakkat ukiuni sisamani ingerlasut eqqarsaatigalugit ukiut sisamassaanni ilinniarneq 4.G-mik aammalu semesterit kingulliit marluk arferngup-aappaattut aamma arferngup-pingajuattut taaneqartarnissaat inatsisitigut inississallugu pissusissamisoorsorineqarpoq.
Tusarniaassutigineqartumut oqaaseqaataajunnartussat Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfimmit kingusinnerpaamik 16. juli 2024-mi tiguneqareersimassapput. Oqaaseqaatit e-mailikkut ikin@nanoq.gl-imut aammalu ataani atsiortumut, amas@nanoq.gl-imut, nassiuteqquneqarput.
Siunnersuutip tunuliaqutaa
Siunnersuuteqarnermut tunuliaqutaapput: Timersornermik sammiveqartumik ilinniartitaanermi piumasaqaatit ilaneqarnissaanut ersarissumik inatsisitigut tunngavissaqarnissamut aalajangersaasoqarnissaa, aammalu siunissami ilinniartitaanerni ukiunik pingasunik sivisussuseqarnerusuni piumasaqaatit ilasariaqarsinnaanerat qulakkeernissaa.
Timersornermik sammiveqartumik ilinniartitaanermut qinnuteqartunik toqqaanissamut GUX-Nuuk suleriaatsimik suliaqarnikuuvoq. Timersornermik sammiveqartumik ilinniagaqarusuttut ilinniarnertuunngorniarfinni ilinniarusuttut allat assigalugit qinnuteqassapput piumasaqaatinillu naammassinnillutik. Tamatuma kingorna piumasaqaatit GUX-Nuup aammalu Elite Sport Greenlandip nittartagaanni allaqqasut naapertorlugit qinnuteqartut akornanni toqqaasoqartarpoq. Suleriaaserlu taanna nalunaarutinngorlugu suliarineqarniarpoq, taamaasilluni ilinniartitaanerni ukiut pingasut sipporlugit sivisussuseqartuni piumasaqaatit suut naammassineqassanersut ersarinnerulissapput.
Timersornermik sammiveqartumik ilinniartitaaneq pillugu GUX-Nuup nittartagaani allaqqavoq, ilinnialernissamut akuerisaassagaanni qinnuteqartoq kajumippasissumik qinnuteqassasoq, qinnuteqaatimilu qinnuteqartoq sooq timersornermik sammivilimmik ilinniagaqarusunnersoq nassuiarneqassasoq. Tamatuma saniatigut qinnuteqartup sungiusaasuata oqaaseqaataa aamma qinnuteqaatimut ilanngunneqassaaq, tassani qinnuteqartup timersortartutut inissisimaffia, angusai siunissamilu angusinnaasai sungiusaasumit nassuiarneqassallutik. Aatsaat tamatuma kingorna qinnuteqartut nalilersorneqassapput, timersornermillu sammiveqartumik ilinniartitaanermut ilinnialertussat toqqarneqarlutik. Timersornermik sammiveqartumik ilinniartitaanermut neqeroorfigineqanngitsut ilinniartitaanermut allamut akuersaarneqarnissaminut neqeroorfigineqassapput.
Peqatigalugu ilinniakkat ukiuni sisamani ingerlasut eqqarsaatigalugit ukiut sisamassaanni ilinniarneq 4.G-mik aammalu semesterit kingulliit marluk arferngup-aappaattut aamma arferngup-pingajuattut taaneqartarnissaat inatsisitigut inississallugu pissusissamisoorsorineqarpoq.
Tusarniaassutigineqartumut oqaaseqaataajunnartussat Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfimmit kingusinnerpaamik 16. juli 2024-mi tiguneqareersimassapput. Oqaaseqaatit e-mailikkut ikin@nanoq.gl-imut aammalu ataani atsiortumut, amas@nanoq.gl-imut, nassiuteqquneqarput.