Matumuuna Kalaallit Nunaanni sulisilluni ajoqusersinnaanermut sillimmasiisarneq pillugu inatsit naapertorlugu nalunaarutit pingasut tusarniaassutigineqarneri nassiunneqarput
Sullivinnik Nakkutilliisoqarfiup matumuuna nalunaarutit tulliuttut tusarniutigalugit nassiuppai:
- Kalaallit Nunaanni sulisilluni ajoqusersinnaanermut isumannaarineq pillugu inatsit malillugu inuussutissarsiornermi nappaatigilikkat nalunaarutigineqarnissaat pillugu nalunaarut (siusinnerusukkut Kalaallit Nunaanni sulisilluni ajoqusersinnaanermut sillimmasiisarneq pillugu inatsit naapertorlugu nakorsat aamma kigutit nakorsaasa inuussutissarsiutip nappaatigilersittagaanik Arbejdsskadestyrelsimut nalunaaruteqartussaatitaanerat pillugu nalunaarut)
- Kalaallit Nunaanni sulisilluni ajoqusersinnaanermut sillimmasiisarneq pillugu inatsit malillugu napparsimasut katsorsarneqarnerannut atortutigullu ikiorsiissutinut aningaasartuutit akilerneqarnissaat pillugit nalunaarut
- Kalaallit Nunaanni sulisilluni ajoqusersinnaanermut isumannaarineq pillugu inatsimmut nalunaarut malillugu suliffimmut suliffimmillu angallassinermi sulisilluni ajoqusersinnaanermut isumannaarinninneq pillugu nalunaarut (siusinnerusukkut Kalaallit Nunaanni suliffimmut suliffimmillu ingerlanneqarnermi sulisilluni ajoqusersinnaanermut isumannaarineq pillugu nalunaarut)
Suliassaqarfimmi nalunaarutini attuuttooreersuni nutarterinerit, naleqqussaanerit kiisalu oqaatsitigut aaqqissuussinermut tunngasunik aaqqiinerit pingaarnertut pineqarput. Qallunaat nalunaarutaanni nutarterinernut kingullernut, nutarterinerit, Kalaallit Nunaanni pissutsit malillugit naleqqussaanerit allannguutigalugit, pingaarnertut naapertuupput. Nutarterinerit ilaatigut 2016-imi Arbejdsmarkedets Erhverssikring-ip pilersinneqarnerata aamma kingunerisaanik pipput.
Kalaallit Nunaanni sulisilluni ajoqusersinnaanermut isumannaarineq pillugu inatsimmut nalunaarut malillugu suliffimmut suliffimmillu angallassinermi sulisilluni ajoqusersinnaanermut isumannaarinninneq pillugu nalunaarut taamaattoq nutaamik oqaasertaliorneqarpoq, taamaalilluni suliassaqarfimmi qallunaat nalunaarutaannut, Kalaallit Nunaanni pissutsit malillugit naleqqussaanerit allannguutigalugit, naapertuutilerluni. Nalunaarut taanna inatsiseqartitsinermi pissutsit pillugit imaqarnermigut erseqqissaanernik ataasiakkaanik imaqarpoq, taakkulu ataatsimut isigalugit ajoqusersimasut inatsisitigut inissisimanerannik allannguinngillat.
Sullivinnik Nakkutilliisoqarfiup oqaaseqaateqartoqassappat oqaaseqaatit kingusinnerpaamik ulloq 3. Juni 2024 tiguneqarnissaat noqqaassutigissavaa.
Tusarniaanermut akissutit Sullivinnik Nakkutilliisoqarfimmut, adressimut uunga at@at.dk-mut aamma uunga Tor Even Münter-imut tem@at.dk-mut nassiunneqaqquneqarput.