Naalakkersuisut Siulittaasuata Naalakkersuisoqarfia

Naalakkersuisut aktiaateqarluni ingerlatseqatigiiffinni Namminersorlutik Oqartussani pigineqartuni aqutsisut, Namminersorlutik Oqartussat aktiaataannik pitsaasumik aqutsisinnaanermik Namminersorlutillu Oqartussat soqutigisaannik naammassinnissinnaanermik piginnaasaqarnissaasa qulakkeernissaat pingaartippaat.

Sulisussarsiortarfik nBoard suleqatigalugu nittartagaq www.bestyrelser.gl atorneqarpoq, matumanilu aktiaateqarluni ingerlatseqatigiiffinni Namminersorlutik Oqartussanit pigineqartuni siulersuisunik
sulisussarsiortarnerup pitsanngorsarnissaa siunertaavoq.

Quppersagaq Namminersorlutik Oqartussat aktiaateqarluni ingerlatseqatigiiffiutaanut aalajangersimasumut arlalinnulluunniit siulersuisunngorusuttunut qinnuteqarsinnaasunullu atungassiaavoq, tassanilu nammineerluni ilisaritinnissaq aamma piginnaasanut misilittakkanullu paasissutissat nalunaarsornissaat taamaallaat piumasaqaataapput.