Sulisunik Ineriartortitsinermut Immikkoortortaqarfimmi Namminersorlutik Oqartussani Aqutsinissamut tunngavissaq naapertorlugu sulianik ineriartortitsisoqartarlunilu suliaqartoqarpoq, tassunga ilanngullugit pikkorissarnertut allanilluunniit suliaqartutut ittunik piginnaanernik ineriartortitsinerit.

Taamatuttaaq Sulisunik Ineriartortitsinermut Immikkoortortaqarfimmi siunnerfeqarluartumik sulisussarsiortarnerit sulisunillu tigumminniinnarnissat ineriartortinneqartarput suliarineqartarlutillu, soorlu kalaallit suliffinni qaffakkiartornissaat pillugit nittarsaassinerit aamma ilinniagaqarnissanik nittarsaassinerit.

Tamatuma sanitigut Sulisunik Ineriartortitsinermut Immikkoortortaqarfik tassani aalajangersimasumik suliffeqarluni aalajangersimasumik attuumassutilik Qitiusumik allaffeqarfimmi immikkoortortaqarfinnut tamanut aqutsisunik sulisunillu tunngavissiisunut tunniussaqartarpoq, taamaaliornikkut ulluinnarni sulinerni pitsaanerusumik inuuneqarnissaq kajumissuseqarnissarlu anguniarlugit.

Sulisunik Ineriartortitsinermut Immikkoortortaqarfik Namminersorlutik Oqartussani ilinniartunut tamanut ataqatigiissaarisutut immikkoortortaqarfiuvoq aammalu ilitsersuisut ilinniartullu katersuutsittarlugillu sammisaqartittarpaat.

Sulisunik Ineriartortitsinermut Immikkoortortaqarfimmi Kalaallit Nunaanni Pisortani Piginnaasanik Ataatsimut Ineriartortitsisarneq (FOKU) aamma Nunani Avannarlerni paarlaasseqatigiittarneq pillugu aaqqissuussineq, Nordisk udvekslingsordning (TJUT), isumagineqarput.