Greenland Anorthosite Mining-ip anorthosit-inut suliassaa pillugu tusarniaalluni ataatsimiititsinerit pisussat allanngorteqaqinneqarnerat

Piffissami 20.-22. januar 2025 Greenland Anorthosite Mining-ip anorthosit-inut suliassaa pillugu VSB-imut aamma VVM-imut nassuiaatinut missingiutit pillugit tusarniaalluni ataatsimiititsinerit ingerlanneqassapput.

Qeqertarsuatsiaani, Paamiuni aamma Nuummi ornigullutik takkuttunik tusarniaalluni ataatsimiititsinissat pilersaarutigineqaraluarput. 

Ingerlasussanik piareersaanermik pissuteqartumik ataatsimiinnissaq, Paamiuni ulloq 21. januar 2025 ingerlanneqartussaagaluartoq, taamaatiinnarneqarpoq.

Qeqertarsuatsiaani Paamiunilu tusarniaalluni ataatsimiititsinerit ataatsimoortumik qarasaasiatigoortumik ataatsimiinnertut ingerlanneqassapput. Piffissaliussat nutaat matuma kinguliani takussutissiami allassimapput.

Tusarniaanermut nittartagaq
Suliassaq pillugu, tusarniaanermut najoqqutassat il.il. annertunerusumik atuarsinnaavatit uani Naalakkersuisut tusarniaanermut nittartagaat .

Qulequtaq taanna pillugu siusinnerusukkut nutaarsiassanut linki

• 20.12.2024 : Greenland Anorthosite Mining-ip anorthosit-inut suliassaanut VSB-imut aamma VVM-imut nassuiaatinut missingiutit tamanut ammasumik tusarniaassutigineqarnerat
• 21.07.2022 : Qeqertarsuatsiaat eqqaanni anorthosit-inut suliassamut VSB-imut aamma VVM-imut suliakkiissutinut najoqqutassat Naalakkersuisut akueraat
  

Attaveqarfissaq
Tusagassiortunit saaffiginninnerit: Naalakkersuisoqarfimmut pisortaaneq, Jørgen T. Hammeken-Holm, 346800
Saaffiginninnerit allat: Aatsitassanut Ikummatissanullu Aqutsisoqarfik, mlsa@nanoq.gl