AtuartigukGreenland Anorthosite Mining-ip anorthosit-isiorfissaanut VSB-imut aamma VVM-imut nassuiaatinut missingiutit tamanut ammasumik tussarniaassutigineqarnerat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Greenland Anorthosite Mining-ip anorthosit-isiorfissaanut VSB-imut aamma VVM-imut nassuiaatinut missingiutit tamanut ammasumik tusarniaassutiginissaasa aallartinneqarnissaa, Naalakkersuisut akueraat. Tamanut ammasumik tusarniaaneq ulloq 19. februar 2025 tikillugu ingerlasussaavoq.
Piffissami tusarniaaffiusumi Qeqertarsuatsiaani, Paamiuni Nuummilu tamanut ammasumik tusarniaalluni ataatsimiititsinerit ingerlanneqassapput. Nuummi tusarniaalluni ataatsimiititsineq toqqaannartumik malinnaaffigineqarsinnaatinneqassasoq naatsorsuutigineqarpoq, taamaalillutik innuttaasut internet-ikkut ataatsimiinneq malinnaaffigisinnaassallugu.
Suliassaq, tusarniaanermut najoqqutassat, tusarniaalluni ataatsimiititsinissat il.il. pillugit annertunerusut atuarsinnaavatit Naalakkersuisut tusarniaanermut nittartagaanni.
Attaveqarfissaq
Tusagassiortunit saaffiginnissutit: Naalakkersuisoqarfimmut pisortaaneq, Jørgen T. Hammeken-Holm, 346800
Saaffiginnissutit allat: Aatsitassanut Ikummatissanullu aqutsisoqarfik, mlsa@nanoq.gl