Greenland Anorthosite Mining-ip anorthosit-inut suliassaa pillugu tusarniaalluni ataatsimiititsinerit pisussat allanngortinneqarnerat

Piffissami 20.-22. januar 2025 Greenland Anorthosite Mining-ip anorthosit-inut suliassaa pillugu VSB-imut aamma VVM-imut nassuiaatinut missingiutit pillugit tusarniaalluni ataatsimiititsinerit ingerlanneqassapput.

Qeqertarsuatsiaani, Paamiuni aamma Nuummi tusarniaalluni ataatsimiititsinissat pilersaarutigineqarput. Maannakkut silap qanoq innissaanik nalunaarutit ajoraluartumik piffissaliussap iluani sumiiffiit akornanni angalanissaq akornuserpaa. Taamaattumik tusarniaalluni ataatsimiititsinissat imatut allanngortinneqarput:

Nuummi ataatsimiinnissaq pilersaarutigineqartutut ingerlanneqassaaq
Paamiuni ataatsimiinnissaq video atorlugu ataatsimiinnertut ingerlanneqassaaq. Innuttaasunut takkussimasunut Paamiuni katersortarfimmi skærmersuaqassaaq.
Qeqertarsuatsiaani ataatsimiinnissaq nal. 16:00-mut siuartinneqarpoq

Nuummi ataatsimiititsinermit toqqaannartumik malinnaatitsineq
Nuummi ataatsimiititsinermi toqqaannartumik malinnaatitsisoqassaaq. Ingerlatseqatigiiffiup YouTube-mi aallakaatitsisarfiinut linkit matuma kingulianiittut aqqutigalugit angerlarsimafferniit malinnaasinnaavutit.

Oqaluttut oqaatsit atugai: https://www.youtube.com/@GAM-GRL/streams
Nutserisoqarluni: https://www.youtube.com/@greenlandanorthosite/streams

Tusarniaanermut nittartagaq
Suliassaq pillugu, tusarniaanermut najoqqutassat il.il. annertunerusumik atuarsinnaavatit uani Naalakkersuisut tusarniaanermut nittartagaat.

Qulequtaq taanna pillugu siusinnerusukkut nutaarsiassanut linki

Attaveqarfissaq
Tusagassiortunit saaffiginninnerit: Naalakkersuisoqarfimmut pisortaaneq, Jørgen T. Hammeken-Holm, 346800
Saaffiginninnerit allat: Aatsitassanut Ikummatissanullu Aqutsisoqarfik, mlsa@nanoq.gl