Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaat pillugu tusarniaassut
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:09-02-2026 15:20
Tusarniaanermi killigititaq:09-03-2026 16:00
Tusarniaanermi akissutit nassiunneqassapput::apn@nanoq.gl;katk@nanoq.gl
Matumuuna aalisarnermi akuersissutit pillugit Namminersorlutik Oqartussat nalunaarutissaattut siunnersuut tusarniutigineqarluni nassiunneqarpoq.
Tusarniutigineqartoq makkunannga ilanngussartaqarpoq:
• Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutissaannut siunnersuut
Siunnersuummut oqaaseqaatit kingusinnerpaamik Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmeeriissapput: 10. Marsi 2026 nal. 16.00
Tusarniaanermut oqaaseqaatit e-mail-ikkut ukununnga nassiuteqquneqarput APN@nanoq.gl aamma cc. uunga katk@nanoq.gl imaluunniit allakkatigut uunga:
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Imaneq 1A, 701
Postboks 269
3900 Nuuk
Siunnersuuteqarnermi tunngavigineqartoq
Siunnersuut Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaata nr. 10, 4. februar 2025-meersup nutarternissaanut tunngavoq. Nalunaarutip kiisalu aalisarneq pillugu inatsisip atuutsilernerini ineriartornerit siunertamut tulluutinngitsut ilaasa nalimmassarneqarnissaat, aamma aalisarsinnaanermut akuersissutinik pisassiissutinillu aqutsinermi politikikkut allannguinissamik kissaatit siunnersuutip siunertarai.
Siunnersuut una nalunaarummut atuuttumut annerusumik nutarterineruvoq tunngaviusunik allannguinernik ilaqarani, taamaattoq aalajangersakkat arlallit kiisalu kapisilinniarneq pillugu nalunaarummi nalunaaruteqartussaatitaaneq pillugu aalajangersakkat ilai ilanngunneqarput.
Aalajangersakkat immikkut ittut erseqqissaanerillu
• Nassuiaatit nutarterneqarput amerlanersaat aalisarnermut inatsimmi allassimareersut taamaattumillu inatsisinit pineqareermata.
• Akuersissutip imarisaanut piumasaqaatit aalisarnermut inatsimmiipput, taamaattumillu atorunnaarsinneqarput (siornatigut § 5)
• Umiatsiaararsortunut aalisarsinnaanermut akuersissuteqarnissamut piumasaqaat (angallatinut 6 meter l.o.a.-nut naannernulluunniit) inummit tunniunneqartumit atorneqartussaavoq aamma aalisarnermi pisanillu tunisinermi peqataasussaatitaanermik piumasaqaat kiisalu pisanik tuniniaaneq nalunaarummit peerneqarlutik, tassa CVR-imik angallatillu nalunaarsuinermik atuutilersitsinermi aalisarnermik pitsaanerusumik nakkutilliinissaq qulakkeerinnittussaassammat. Taakkua saniatigut aalisartut tamarmik ingerlatseqatigiiffittut nalunaarsorneqarput, inuttut ataasiakkaatuunngitsoq, taamaalilluni aalisarnermi tunisinermilu najuuttussaatitaaneq piumasaqaataajunnaarluni. (siusinnerusukkut § 6.)
• Siornatigut § 8-aasimasoq, tassa aalisarnernut aaqqissuussanut PNNP-iunngitsunut attuumassuteqannginnissamut tunngasoq Aalisarneq pillugu inatsimmi § 28, imm.-mik issuaaneruvoq, taamaammallu marloqiusamik inatsisiliortoqannginniassammat peerneqarluni.
• Angallatinut piumasaqaatit massakkut erseqqissaassutigineqarput, angallatit 9,4 meter l.o.a.-nik annerit kisimik pineqartut aamma naalakkersuisoqarfimmit akuerisaasutut nalunaarsorneqareersimanngitsut. (§ 8)
• Angallatinut piumasaqaatinik killilersuinermut tunngasoq peerneqarpoq, taakku Umiartorneq pillugu aqutsiviup oqartussaaffianiikkamik (siornatigut § 10, imm. 3-iusimasoq).
• Sinerissap qanittuani aalisariutit § 10-mi killiliussaqarnerata allanngortinneqarnera. Sinerissap qanittuani aqutsiveqarfinni tamani sinerissap qanittuani angallatit 24 meterinik angissuseqalerput, siornatigut 17 meterinik angissuseqarsimasut, aamma aqutsiveqarfimmi 47-mi qaleralinniarneq ilanngullugu, tassani siornatigut 15 meterinik angissuseqalernissaq killilerneqarsimavoq.
• Sinerissap qanittuani qaleralinniarnissamut akuersissutinik 18-init 29-nut ukiulinnut tunniussisarnissamik piumasaqaat peerneqarpoq. Sinerissap qanittuani aalisarsinnaanermut akuersissuteqarnissamut angallatinut 6 meter l.o.a.-nut minnernulluunniit (umiatsiaaqqanut) § 16 (siornatigut § 18-iusimasoq) malillugu aalisarnerni tamani massakkut periarfissaqarput.
• Qassinik ukioqarnissamut piumasaqaat peerneqarmat, aalisariummi sulisimagaanni qassinik ukioqarnissamut piumasaqaammik immikkut akuerineqarsinnaaneq pillugu § 19-iusimasoq aamma peerneqarpoq.
• Qaanaami Tunumilu najugaqartut § 15-imi piumasaqaatit tamakkiisumik maleruagassaanngitsutut isigineqalerput, immikkut akuersissummik qinnuteqartoqartariaqarnatik (§ 16).
• § 21-mi avataasiortunut pisassiissutinik PNNP-mik atuinngitsunut agguaasseqqittarnermut tunngasumik immikkoortumik ilanngussisoqarpoq. Taamaaliornermi nalunaarummi agguaasseqqinnissamut pisinnaatitsilerpoq Naalakkersuisunit ukiut tamaasa tunniunneqassaarluni. Suleriaaseq allanngortinneqanngilaq.
• Inuussutissarsiutiginagu saarullinniarneq pillugu § 21 atuarneqarsinnaanerulersinniarlugu erseqqissarneqarpoq.
• Kapisilinniarneq pillugu nalunaarummi §§ 27-32 ilanngunneqartut massakkut peerneqarput.
• § 37-imi uiluinniarnernut aalisarsinnaanermut siornatigut tunngasoq Aalisarneq pillugu teknikkikkut aaqqiivigineqarnissaa pillugu nalunaarummut nuunneqarpoq, suliassartai tassaniimmata taamaammallu nalunaarummit tassannga peerneqarluni.
• §§ 36-44-mi umiarsuarmut attartortitsineq nassuiarneqarpoq.
Aammattaaq inatsisitigut oqaatsitigullu allannguutit arlallit ilanngunneqarput, taakkulu ataqatigiinnerulersitsipput nalunaarullu atuaruminarnerulersillugu.
Tusarniutigineqartoq makkunannga ilanngussartaqarpoq:
• Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutissaannut siunnersuut
Siunnersuummut oqaaseqaatit kingusinnerpaamik Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmeeriissapput: 10. Marsi 2026 nal. 16.00
Tusarniaanermut oqaaseqaatit e-mail-ikkut ukununnga nassiuteqquneqarput APN@nanoq.gl aamma cc. uunga katk@nanoq.gl imaluunniit allakkatigut uunga:
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Imaneq 1A, 701
Postboks 269
3900 Nuuk
Siunnersuuteqarnermi tunngavigineqartoq
Siunnersuut Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaata nr. 10, 4. februar 2025-meersup nutarternissaanut tunngavoq. Nalunaarutip kiisalu aalisarneq pillugu inatsisip atuutsilernerini ineriartornerit siunertamut tulluutinngitsut ilaasa nalimmassarneqarnissaat, aamma aalisarsinnaanermut akuersissutinik pisassiissutinillu aqutsinermi politikikkut allannguinissamik kissaatit siunnersuutip siunertarai.
Siunnersuut una nalunaarummut atuuttumut annerusumik nutarterineruvoq tunngaviusunik allannguinernik ilaqarani, taamaattoq aalajangersakkat arlallit kiisalu kapisilinniarneq pillugu nalunaarummi nalunaaruteqartussaatitaaneq pillugu aalajangersakkat ilai ilanngunneqarput.
Aalajangersakkat immikkut ittut erseqqissaanerillu
• Nassuiaatit nutarterneqarput amerlanersaat aalisarnermut inatsimmi allassimareersut taamaattumillu inatsisinit pineqareermata.
• Akuersissutip imarisaanut piumasaqaatit aalisarnermut inatsimmiipput, taamaattumillu atorunnaarsinneqarput (siornatigut § 5)
• Umiatsiaararsortunut aalisarsinnaanermut akuersissuteqarnissamut piumasaqaat (angallatinut 6 meter l.o.a.-nut naannernulluunniit) inummit tunniunneqartumit atorneqartussaavoq aamma aalisarnermi pisanillu tunisinermi peqataasussaatitaanermik piumasaqaat kiisalu pisanik tuniniaaneq nalunaarummit peerneqarlutik, tassa CVR-imik angallatillu nalunaarsuinermik atuutilersitsinermi aalisarnermik pitsaanerusumik nakkutilliinissaq qulakkeerinnittussaassammat. Taakkua saniatigut aalisartut tamarmik ingerlatseqatigiiffittut nalunaarsorneqarput, inuttut ataasiakkaatuunngitsoq, taamaalilluni aalisarnermi tunisinermilu najuuttussaatitaaneq piumasaqaataajunnaarluni. (siusinnerusukkut § 6.)
• Siornatigut § 8-aasimasoq, tassa aalisarnernut aaqqissuussanut PNNP-iunngitsunut attuumassuteqannginnissamut tunngasoq Aalisarneq pillugu inatsimmi § 28, imm.-mik issuaaneruvoq, taamaammallu marloqiusamik inatsisiliortoqannginniassammat peerneqarluni.
• Angallatinut piumasaqaatit massakkut erseqqissaassutigineqarput, angallatit 9,4 meter l.o.a.-nik annerit kisimik pineqartut aamma naalakkersuisoqarfimmit akuerisaasutut nalunaarsorneqareersimanngitsut. (§ 8)
• Angallatinut piumasaqaatinik killilersuinermut tunngasoq peerneqarpoq, taakku Umiartorneq pillugu aqutsiviup oqartussaaffianiikkamik (siornatigut § 10, imm. 3-iusimasoq).
• Sinerissap qanittuani aalisariutit § 10-mi killiliussaqarnerata allanngortinneqarnera. Sinerissap qanittuani aqutsiveqarfinni tamani sinerissap qanittuani angallatit 24 meterinik angissuseqalerput, siornatigut 17 meterinik angissuseqarsimasut, aamma aqutsiveqarfimmi 47-mi qaleralinniarneq ilanngullugu, tassani siornatigut 15 meterinik angissuseqalernissaq killilerneqarsimavoq.
• Sinerissap qanittuani qaleralinniarnissamut akuersissutinik 18-init 29-nut ukiulinnut tunniussisarnissamik piumasaqaat peerneqarpoq. Sinerissap qanittuani aalisarsinnaanermut akuersissuteqarnissamut angallatinut 6 meter l.o.a.-nut minnernulluunniit (umiatsiaaqqanut) § 16 (siornatigut § 18-iusimasoq) malillugu aalisarnerni tamani massakkut periarfissaqarput.
• Qassinik ukioqarnissamut piumasaqaat peerneqarmat, aalisariummi sulisimagaanni qassinik ukioqarnissamut piumasaqaammik immikkut akuerineqarsinnaaneq pillugu § 19-iusimasoq aamma peerneqarpoq.
• Qaanaami Tunumilu najugaqartut § 15-imi piumasaqaatit tamakkiisumik maleruagassaanngitsutut isigineqalerput, immikkut akuersissummik qinnuteqartoqartariaqarnatik (§ 16).
• § 21-mi avataasiortunut pisassiissutinik PNNP-mik atuinngitsunut agguaasseqqittarnermut tunngasumik immikkoortumik ilanngussisoqarpoq. Taamaaliornermi nalunaarummi agguaasseqqinnissamut pisinnaatitsilerpoq Naalakkersuisunit ukiut tamaasa tunniunneqassaarluni. Suleriaaseq allanngortinneqanngilaq.
• Inuussutissarsiutiginagu saarullinniarneq pillugu § 21 atuarneqarsinnaanerulersinniarlugu erseqqissarneqarpoq.
• Kapisilinniarneq pillugu nalunaarummi §§ 27-32 ilanngunneqartut massakkut peerneqarput.
• § 37-imi uiluinniarnernut aalisarsinnaanermut siornatigut tunngasoq Aalisarneq pillugu teknikkikkut aaqqiivigineqarnissaa pillugu nalunaarummut nuunneqarpoq, suliassartai tassaniimmata taamaammallu nalunaarummit tassannga peerneqarluni.
• §§ 36-44-mi umiarsuarmut attartortitsineq nassuiarneqarpoq.
Aammattaaq inatsisitigut oqaatsitigullu allannguutit arlallit ilanngunneqarput, taakkulu ataqatigiinnerulersitsipput nalunaarullu atuaruminarnerulersillugu.