Inuussutissanik nioqqutissat ilaannik meqqilersuisarneq il.il. pillugit Ka-laallit Nunaannut nalunaarummut missingiut pillugu tusarniaaneq

Kalaallit Nunaanni veterinær- og fødevareområde-mut (uumasut nakorsaannik- aamma inuussutissanik nioqqutissanut suliassaqarfimmik) Fødevarestyrelsen-ip suliassamik isumaginninnissaanut atatillugu aammalu Kalaallit Nunaata EU-mi inatsisinik atuuttunik eqqortitsinissaa qulakkeerumallugu, inuussutissanik nioqqu-tissat ilaannik meqqilersuisarneq il.il. pillugit Kalaallit Nunaannut nalunaarut nr. 826, 2. juli 2015-imeersoq kukkunersiussallugu pisariaqarpoq.

Taamaattumik kakkiussaq tusarniaatissatut nassiunneqarpoq:

• Inuussutissanik nioqqutissat ilaannik meqqilersuisarneq il.il. pillugit Kalaa-llit Nunaannut nalunaarummut kukkunersiukkamut missingiut

Nalunaarut, aaqqissuisoqarnikkut allaannguutit saniasigut, ilaatigut tulliuttunik nutarteriffiuvoq:

- Akugitinneqartut pingaarnerit sananeqarfiinik meqqilersuineq pillugu peqqussummi 2018/775-imi aalajangersakkat. Inuussutissamik nioqqu-tissap nuna sananeqarfia imaluunniit aggerfia allassimappat inuussutissa-millu nioqqutissami akugitinneqartup pingaarnerup assiginngippagu, akugitinneqartup pingaarnerup pineqartup nuna sananeqarfia imaluunniit aggerfia taamatuttaaq allanneqassaaq imaluunniit minnerpaamik inuussu-tissamik nioqqutissamiit allaanerusutut allanneqassalluni. Qaqugukkut aammalu qanoq tunisassiami akugitinneqartoq(tut) pingaarneq(nerit) meqqilerneqartassasut nalunaarummi allassimavoq.

- Inuussutissartaqassutsimut nassuiaammik meqqilersuineq pillugu inuus-sutissanik nioqqutissanut paasissutissanut peqqussummi aalajangersakkat (1169/2011). Inuussutissartaqassutsimut nassuiaat pinngitsuugassaanngit-soq nukissap nalinga aamma orsup annertussusaa, orsoq kinertoq (tunnoq, punneq ass.), kulhydrat-i, sukkut ilaqutaat, protein-i aamma tarajoq pil-lugit ilisimatitsissutaavoq. Inuussutissamik nioqqutissat sorliit inuussutis-sartaqassutsimik nassuiaammik meqqilersugaanissat aammalu inuussutis-sartaqassutsimut nassuiaat qanoq ilusilersugaassasoq nalunaarummi ilaatigut allassimapput.

- Inuussutissanik nioqqutissanut paasissutissanut peqqussutip qallunaatuua pillugu iluarsisat marluupput ilaatillugit tassaasut ”sivikinnerpaamik uuma tungaanut atorsinnaavoq” imaalillugu ”una sioqqullugu pitsaanerpaavoq” allanngortinneqarpoq.

- Karrinik tunisassiat gluten-ertallit eqqarsaatigalugit missingiummi ilann-gussaq 1, nr. 1-imi peqqussutip 78/2014-ip kingunerisaanik allannguutit ataasiakkaat aammalu ilanngussaq 2, immikkoortoq 2.1., nr. 3 eqqarsaati-galugu, tunisassiaq aamminni kolesterol-eqassuserminnik naleqqussaanis-samik pisariaqartitsinngitsunut inunnut naatsorsuussaannginnera pillugu paasissutissat.

- EU-mi eqqartuussinerni allakkianut innersuussinerit peerneqarput, aam-malu innersuussutigineqartut EU-mi eqqartuussinerni allakkiani aalajan-gersakkat nalunaarummut ikkussuunneqarput.

- EØS-ip iluani tuniniagassatut aalajangigaasuni inuussutissanik nioqqutis-sani vin-i Kalaallit Nunaanni atugaanngimmat, aammalu tamatumunnga peqatigitillugu tamakkiisumik imaluunniit ilaannakortumik uumasunik inuussutissanik nioqqutissamik sananeqaateqarluniluunniit ilagimmassuk, Vin-iliornermut tunisassiat kategori-ivi pillugit ilanngussaq peerneqarpoq.

- Inuussutissanik nioqqutissat tungusunnillisaatit pillugit ilassutitut paasis-sutissat ilanngussaq 2-mi aalajangersakkat peerneqarput, EØS-ip iluani tu-niniagassatut aalajangigaasuni inuussutissanik nioqqutissani tungusun-nitsuliisarneq Kalaallit Nunaanni atugaanngimmat, aammalu tamatu-munnga peqatigitillugu tamakkiisumik imaluunniit ilaannakortumik uumasunik inuussutissanik nioqqutissamik sananeqaateqarluniluunniit ilagimmassuk.

Kalaallit Nunaanni peqataasunut attuumassutilinnut tusarniaassut nassi-uteqqullugu Namminersorlutik Oqartussat qinnuigineqarput, tusarniaanermullu akissutit Fødevarestyrelsen-imut uterteqqullugit. Kingusinnerpaamik ulloq 08/12/2025 tusarniaanermut akissutaasinnaasunik tiguneqarnissaq Fødevaresty-relsen-imit inussiarnersumik noqqaassutigineqarpoq. Tusarniaanermut akissutit, ‘journalnummer: 2025-06292’-imik nalunaaqutserlugit teg@fvst.dk-mut kiisalu chake@fvst.dk-mut nassiuteqqullugit qinnutigineqarpoq.

Kalaallit Nunaanni Fødevarestyrelsen-ip suliassai pillugit atuarnerugit.

Qulaani allassimasunut apeqqutissaqassagussi teg@fvst.dk-mut kiisalu chake@fvst.dk -mut attaveqarnissassinnut tikilluaqqusaavusi.