Uunga siunnersuummut missingiut: Aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx 2025-meersoq aamma Uunga siunnersuummut missingiut: Aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat nr. xx, xx. xxx 2025-meersoq
Tusarniaanerup suunera:Inatsisartut inatsisaat
Saqqummiunneqarpoq:02-07-2025 09:12
Tusarniaanermi killigititaq:30-07-2025 00:00
Tusarniaanermi akissutit nassiunneqassapput::asn@nanoq.gl
Matumuuna ”Uunga siunnersuut: Aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xxxx 2025-meersoq” aamma ”Uunga siunnersuut: Aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat nr. xx, xx. xxx 2025-meersoq” 2025-mi ukiaanerani ataatsimiinnermi saqqummiunneqarnissaa siunertaralugu tusarniaassutigalugu nassiunneqarpoq.
Siunnersuutit marluk taakkua ataatsimoortillugit tusarniaassutigalugit nassiunneqarput, tassami imarisamikkut aalajangersakkat aatsitassanut tunngasunik suliaqarneq pillugu Inatsisartut inatsisaanni aamma aatsitassat pillugit ingerlatallu tamatumunnga pingaarutillit pillugit inatsisartut inatsisaanni (aatsitassanut ikummatissanullu inatsit) allanngortinneqartussatut kissaatigineqartut assigiimmata.
Tunngaviusoq aamma siunertaq
Aatsitassanut oqartussap aaqqissuussaanera ullumikkut inatsimmi maleruagassiivigineqarpoq. Taamaalilluni aqutsisoqarfinnik marlunnik, Aatsitassanut Ikummatissanullu Aqutsisoqarfimmik aamma Aatsitassanik Suliassaqarfinnut Avatangiisinut Aqutsisoqarfimmik, aatsitassanut suliassaqarfiup allaffissornikkut ulluinnarni aqunneqarneranik isumaginnittussanik, pilersitsisoqassasoq inatsimmi aalajangerneqarpoq. Aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni taamatut aaqqissuussaanissaq pillugu aalajangersagaqarpoq. Maannakkut inatsisitigut inissisimaneq suliassanik suliarinninnerup eqaatsuutinnissaanut akornusiivoq, taamaattumillu aaqqissuussaanerup inatsimmi aalajangerneqartumik maleruagassiivigineqarnerata atorunnaarsinneqarnissaa kissaatigineqarpoq.
Allannguutissatut siunnersuutigineqartuni taakkunani aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput. Aalajangersakkat taakkua atorunnaarsinneqarnissaannut siunertaavoq, aatsitassanut suliassaqarfiup allaffissornikkut aqunneqarnerata eqaannarulersissinnaalernissaa. Oqaatigineqarpoq Aatsitassanut Ikummatissanullu Aqutsisoqarfiup suliassaasa akisussaaffiisalu allanngortinnissaannut inatsimmi tunngavissaq 2025-mut aningaasanut inatsimmi oqaasertaliussameereermat.
Aqutsisoqarfiit atuutsiinnarnissaannut imaluunniit taamaaqataanik siunertalinnik immikkoortortanik nutaanik pilersitsinissamut, siunnersuutit akornusiinngillat. Aqutsisoqarfiit inatsimmi maleruagassiivigineqarunnaaginnartussaapput. Aqutsisoqarfiit atuutsiinnarneqarnerat imaluunniit taamaaqataannik immikkoortortanik nutaanik pilersitsineq, nalunaarummik, immikkoortortat taakkua suliassaannut akisussaaffiinullu erseqqinnerusumik aalajangersaaviusumik, atuutsitsilernikkut pisinnaapput. Aqutsisoqarfiit imaluunniit immikkoortortat taamaaqatai aatsitassanut suliassaqarfiup allaffissornikkut aqunneqarnerata ilaanik suliaqassanersoq, Naalakkersuisut Siulittaasuannit aalajangerneqartussaavoq, takuuk Inatsisartut Naalakkersuisullu pillugit Inatsisartut inatsisaanni § 23, imm. 1.
Pinngortitamut avatangiisinullu suliassaqarfimmi aalajangiinerit naammagittaalliuutigineqarnissaannut periarfissap atuutsiinnarnissaa kissaatigineqarmat, pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerat pillugu aalajangersakkanik aalajangersaanissamut Naalakkersuisut pisussaaffilerneqassasut siunnersuutigineqarpoq.
Tamatuma saniatigut ataatsimoortumik oqartussat suliarinnittarnerannut tunngaviusoq (tunngaviusoq one door) atuutsiinnarneqarpoq. Oqartussamut inatsimmi toqqarneqartumut taarsiullugu siunnersuutigineqarpoq, immikkoortortamik, pisinnaatitsissummik pigisaqartunut allanullu Inatsisartut inatsisaanni pineqartunut ilaasunut tunngatillugu aatsitassanut suliassaqarfik pillugu allaffissornikkut attaveqaqatigiinnermik isumaginnittussamik, Naalakkersuisut toqqaassasut.
Kiisalu aatsitassanut tunngasunik suliaqarneq pillugu Inatsisartut inatsisaanni § 53-imi kukkusumik innersuussineq naqqinneqarpoq.
Allannguutit annertuut
Siunnersuutini inatsisinut atuuttunut sanilliullugu annertuumik allannguutit makkuupput:
Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput.
Tamatuma saniatigut allanngortitsinissaq siunertarineqanngilaq. Ataatsimoortumik akuutitsiviusumik suliassanik suliarinnittarneq pillugu tunngaviusoq aamma pisinnaatitsissummik pigisaqartut oqartussamik ataasiinnarmik attaveqaqateqartarnissaat pillugu tunngaviusoq, atuutsinnarneqarput.
Pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerannut periarfissaqarneq aalajangiusimaannarneqarpoq. Taamaattoq nalinginnaasumik naammagittaalliorfissaqarnissaq pineqanngissinnaavoq. Aatsitassanik Suliassaqarfinnut Avatangiisinut Aqutsisoqarfik atorunnaarsinneqassappat, arlaannaannulluunniit attuumassuteqanngitsumik naammagittaalliortarfimmik pilersitsisoqartussaassaaq.
Piffissamut killigititaq
Tusarniaanermut akissuteqaatit nassiuteqquneqarput uunga asn@nanoq.gl assilinera uunga bosd@nanoq.gl kingusinnerpaamik 30. juli 2025.
Siunnersuutit marluk taakkua ataatsimoortillugit tusarniaassutigalugit nassiunneqarput, tassami imarisamikkut aalajangersakkat aatsitassanut tunngasunik suliaqarneq pillugu Inatsisartut inatsisaanni aamma aatsitassat pillugit ingerlatallu tamatumunnga pingaarutillit pillugit inatsisartut inatsisaanni (aatsitassanut ikummatissanullu inatsit) allanngortinneqartussatut kissaatigineqartut assigiimmata.
Tunngaviusoq aamma siunertaq
Aatsitassanut oqartussap aaqqissuussaanera ullumikkut inatsimmi maleruagassiivigineqarpoq. Taamaalilluni aqutsisoqarfinnik marlunnik, Aatsitassanut Ikummatissanullu Aqutsisoqarfimmik aamma Aatsitassanik Suliassaqarfinnut Avatangiisinut Aqutsisoqarfimmik, aatsitassanut suliassaqarfiup allaffissornikkut ulluinnarni aqunneqarneranik isumaginnittussanik, pilersitsisoqassasoq inatsimmi aalajangerneqarpoq. Aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni taamatut aaqqissuussaanissaq pillugu aalajangersagaqarpoq. Maannakkut inatsisitigut inissisimaneq suliassanik suliarinninnerup eqaatsuutinnissaanut akornusiivoq, taamaattumillu aaqqissuussaanerup inatsimmi aalajangerneqartumik maleruagassiivigineqarnerata atorunnaarsinneqarnissaa kissaatigineqarpoq.
Allannguutissatut siunnersuutigineqartuni taakkunani aatsitassanut ikummatissanullu inatsimmi aamma aatsitassanut tunngasunik suliaqarneq pillugu Inatsisartut inatsisaanni Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput. Aalajangersakkat taakkua atorunnaarsinneqarnissaannut siunertaavoq, aatsitassanut suliassaqarfiup allaffissornikkut aqunneqarnerata eqaannarulersissinnaalernissaa. Oqaatigineqarpoq Aatsitassanut Ikummatissanullu Aqutsisoqarfiup suliassaasa akisussaaffiisalu allanngortinnissaannut inatsimmi tunngavissaq 2025-mut aningaasanut inatsimmi oqaasertaliussameereermat.
Aqutsisoqarfiit atuutsiinnarnissaannut imaluunniit taamaaqataanik siunertalinnik immikkoortortanik nutaanik pilersitsinissamut, siunnersuutit akornusiinngillat. Aqutsisoqarfiit inatsimmi maleruagassiivigineqarunnaaginnartussaapput. Aqutsisoqarfiit atuutsiinnarneqarnerat imaluunniit taamaaqataannik immikkoortortanik nutaanik pilersitsineq, nalunaarummik, immikkoortortat taakkua suliassaannut akisussaaffiinullu erseqqinnerusumik aalajangersaaviusumik, atuutsitsilernikkut pisinnaapput. Aqutsisoqarfiit imaluunniit immikkoortortat taamaaqatai aatsitassanut suliassaqarfiup allaffissornikkut aqunneqarnerata ilaanik suliaqassanersoq, Naalakkersuisut Siulittaasuannit aalajangerneqartussaavoq, takuuk Inatsisartut Naalakkersuisullu pillugit Inatsisartut inatsisaanni § 23, imm. 1.
Pinngortitamut avatangiisinullu suliassaqarfimmi aalajangiinerit naammagittaalliuutigineqarnissaannut periarfissap atuutsiinnarnissaa kissaatigineqarmat, pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerat pillugu aalajangersakkanik aalajangersaanissamut Naalakkersuisut pisussaaffilerneqassasut siunnersuutigineqarpoq.
Tamatuma saniatigut ataatsimoortumik oqartussat suliarinnittarnerannut tunngaviusoq (tunngaviusoq one door) atuutsiinnarneqarpoq. Oqartussamut inatsimmi toqqarneqartumut taarsiullugu siunnersuutigineqarpoq, immikkoortortamik, pisinnaatitsissummik pigisaqartunut allanullu Inatsisartut inatsisaanni pineqartunut ilaasunut tunngatillugu aatsitassanut suliassaqarfik pillugu allaffissornikkut attaveqaqatigiinnermik isumaginnittussamik, Naalakkersuisut toqqaassasut.
Kiisalu aatsitassanut tunngasunik suliaqarneq pillugu Inatsisartut inatsisaanni § 53-imi kukkusumik innersuussineq naqqinneqarpoq.
Allannguutit annertuut
Siunnersuutini inatsisinut atuuttunut sanilliullugu annertuumik allannguutit makkuupput:
Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarput.
Tamatuma saniatigut allanngortitsinissaq siunertarineqanngilaq. Ataatsimoortumik akuutitsiviusumik suliassanik suliarinnittarneq pillugu tunngaviusoq aamma pisinnaatitsissummik pigisaqartut oqartussamik ataasiinnarmik attaveqaqateqartarnissaat pillugu tunngaviusoq, atuutsinnarneqarput.
Pinngortitamut avatangiisinullu tunngasut pillugit aalajangiinerit naammagittaalliuutigineqarsinnaanerannut periarfissaqarneq aalajangiusimaannarneqarpoq. Taamaattoq nalinginnaasumik naammagittaalliorfissaqarnissaq pineqanngissinnaavoq. Aatsitassanik Suliassaqarfinnut Avatangiisinut Aqutsisoqarfik atorunnaarsinneqassappat, arlaannaannulluunniit attuumassuteqanngitsumik naammagittaalliortarfimmik pilersitsisoqartussaassaaq.
Piffissamut killigititaq
Tusarniaanermut akissuteqaatit nassiuteqquneqarput uunga asn@nanoq.gl assilinera uunga bosd@nanoq.gl kingusinnerpaamik 30. juli 2025.