Kunngip peqqussutaatigut imarsiortunik atorfinitsitsisarneq assigiissaallu pillugit Kalaallit Nunaannut inatsisip atuutilernissaa pillugu aammalu Kunngip peqqussutaatigut Kalaallit Nunaannut imarsiornermi isumannaallisaanermut inatsisit assigiinngitsut allannguutaasa atuutilersinneqarnissaat pillugu tamanut tusarniaaneq
Tusarniaanerup suunera:Naalagaaffiup inatsisai
Saqqummiunneqarpoq:01-07-2025 13:40
Tusarniaanermi killigititaq:15-08-2025 00:00
Tusarniaanermi akissutit nassiunneqassapput::box909@nanoq.gl
Imarsiornermut Qullersaqarfiup Ineqarnermut Attaveqaasersuutinullu Naalakkersuisoqarfik suleqatigalugu Kunngip Peqqussutaatigut Kalaallit Nunaannut imarsiortunik atorfinitsitsisarneq assigiissaallu pillugit inatsisinik atuutilersussanik suliaqaleruttorpoq.
Imarsiortunik atorfinitsitsinermut tunngasut assigiissaallu pillugit inatsimmi imarsiortunik aalisartunillu atorfinitsitsisarnermi inatsisinut tunngasut nalimmassarneqarput isumaginninnermullu inatsisitut ilisarnaateqarluni, tamatumani siullertut pingaarnertullu imarsiortup suliffeqarneranut tunngasut illersornissaannik siunertaqarpoq. Inatsit siornatigut Kalaallit Nunaanni atuutilersinneqarnikuunngilaq.
Inatsit tusarniaanermut uunga ilanngunneqartoq tamarmiulluni Kunngip Peqqussutaatigut Kalaallit Nunaannut atuutilersinneqassasoq nalilerneqarpoq. Aalajangersakkat annikitsuinnarmik naleqqussarneqarsimapput, taakku pissutsinik kalaallinut atuuttunik tunngavilersorneqarsimapput. Assersuutigalugu kalaallit maleruagassaannut innersuussinerit pineqarput, pissutigalugu danskit inatsisaat inatsimmi innersuussutigineqartut Kalaallit Nunaannut atuuttuunngimmata.
Eqikkaaneq suliarineqarpoq, pingaarnertut imarsiortunik atorfinitsitsisarneq assigiissaallu pillugit inatsimmi nalimmassaaneq tamakkiisumik nassuiaatigineqarpoq. Eqikkaaneq tusarniaanermut uunga aamma ilanngunneqarpoq.
Kalaallit Nunaannut imarsiortunik atorfinitsitsisarneq assigiissaallu pillugit inatsisip atuutilersinneqarnissaanut atatillugu imarsiornermi isumannaallisaaneq pillugu aalajangersakkanik ataasiakkaanik atuutilersitsinissaq aamma pisariaqarpoq. Uani pineqarput imarsiornermi isumannaallisaaneq pillugu §§ 20 a aamma 20 b.
Imarsiornermi isumannaallisaaneq pillugu inatsimmi § 20 a, imm. 1 naapertorlugu Imarsiornermut Qullersaqarfiup imarsiortunik atorfinitsitsinermut assigiissaanullu tunngasut, tassungalu atatillugu maleruagassat kiisalu inatsisit allat naapertorneqarnissaannik ilaatigut nakkutilliisarpoq. Aalajangersagaq siornatigut Kalaallit Nunaannut atuutilersinneqarnikuuvoq, taamaattumik Imarsiornermut Qullersaqarfiup umiarsuarnut Kalaallit Nunaannit pigineqartuni imarsiortunik atorfinitsitsinermut assigiissaanullu tunngasut pillugit inatsimmi maleruagassat naapertorneqarnissaannik aamma nakkutilliisarnissaa qulakkeerniarlugu tassuuna aalajangersagaq atuutilersinneqaqqissaaq.
Imarsiornermi isumannaallisaaneq pillugu inatsimmi § 20 b naapertorlugu imarsiornermi isumannaallisaaneq pillugu inatsimmi sinaakkusiussat iluanni aalajangersakkat malillugit allagartanik imarsiortunillu atorfinitsitsisarneq assigiissaallu pillugit uppernarsaatinik allanik tunniussinermik isumaginnittarpoq. Aalajangersagaq siornatigut Kalaallit Nunaannut atuutilersinneqarnikuunngilaq, pissutigalugu aalajangersagaq imarsiortunik atorfinitsitsinermut assigiissaanullu inatsimmut toqqaannartumik attuumassuteqarmat. Inatsit maanna atuutilersinneqalerpoq, pissutigalugu umiarsuarnut Kalaallit Nunaannit pigineqartunut allagartanik assigiissaanillu tunniussisarnissaq aamma periarfissaassammat.
Taamaattumik peqqussummik annikinnerusumik suliaqartoqarpoq, tassuuna § 20 a-mut allannguutit atuutilersinneqassapput kiisalu § 20 b siullermeerluni atuutilersinneqassaaq. Peqqussut tusarniaanermut uunga ilanngunneqarpoq.
Imarsiornermut Qullersaqarfiup peqqussutinut marluusunut oqaaseqaataasinnaasunik nassiussinissassinnik qinnuigaasi. Oqaaseqaatit Ineqarnermut, Attaveqaasersuutinut Isorliunerusunullu Naalakkersuisoqarfimmut e-mailimut uunga box909@nanoq.gl ilanngullugit emtjn@nanoq.gl aamma stni@nanoq.gl nassiunneqassapput, Naalakkersuisoqarfiup tusarniaanermit akissuteqaatit ataatsimoortut Imarsiornermut Qullersaqarfimmut ingerlateqqissavai.
Oqaaseqaatit kingusinnerpaamik ulloq 15/08/2025 tiguneqareersimassapput.
Peqqussutit imarisaat pillugit apeqqutissaqassagussi ataani atsiortumut imaluunniit Ineqarnermut Attaveqaasersuutinullu Naalakkersuisoqarfimmut attaviginninnissassinnut tikilluaqqusaavusi.
Imarsiortunik atorfinitsitsinermut tunngasut assigiissaallu pillugit inatsimmi imarsiortunik aalisartunillu atorfinitsitsisarnermi inatsisinut tunngasut nalimmassarneqarput isumaginninnermullu inatsisitut ilisarnaateqarluni, tamatumani siullertut pingaarnertullu imarsiortup suliffeqarneranut tunngasut illersornissaannik siunertaqarpoq. Inatsit siornatigut Kalaallit Nunaanni atuutilersinneqarnikuunngilaq.
Inatsit tusarniaanermut uunga ilanngunneqartoq tamarmiulluni Kunngip Peqqussutaatigut Kalaallit Nunaannut atuutilersinneqassasoq nalilerneqarpoq. Aalajangersakkat annikitsuinnarmik naleqqussarneqarsimapput, taakku pissutsinik kalaallinut atuuttunik tunngavilersorneqarsimapput. Assersuutigalugu kalaallit maleruagassaannut innersuussinerit pineqarput, pissutigalugu danskit inatsisaat inatsimmi innersuussutigineqartut Kalaallit Nunaannut atuuttuunngimmata.
Eqikkaaneq suliarineqarpoq, pingaarnertut imarsiortunik atorfinitsitsisarneq assigiissaallu pillugit inatsimmi nalimmassaaneq tamakkiisumik nassuiaatigineqarpoq. Eqikkaaneq tusarniaanermut uunga aamma ilanngunneqarpoq.
Kalaallit Nunaannut imarsiortunik atorfinitsitsisarneq assigiissaallu pillugit inatsisip atuutilersinneqarnissaanut atatillugu imarsiornermi isumannaallisaaneq pillugu aalajangersakkanik ataasiakkaanik atuutilersitsinissaq aamma pisariaqarpoq. Uani pineqarput imarsiornermi isumannaallisaaneq pillugu §§ 20 a aamma 20 b.
Imarsiornermi isumannaallisaaneq pillugu inatsimmi § 20 a, imm. 1 naapertorlugu Imarsiornermut Qullersaqarfiup imarsiortunik atorfinitsitsinermut assigiissaanullu tunngasut, tassungalu atatillugu maleruagassat kiisalu inatsisit allat naapertorneqarnissaannik ilaatigut nakkutilliisarpoq. Aalajangersagaq siornatigut Kalaallit Nunaannut atuutilersinneqarnikuuvoq, taamaattumik Imarsiornermut Qullersaqarfiup umiarsuarnut Kalaallit Nunaannit pigineqartuni imarsiortunik atorfinitsitsinermut assigiissaanullu tunngasut pillugit inatsimmi maleruagassat naapertorneqarnissaannik aamma nakkutilliisarnissaa qulakkeerniarlugu tassuuna aalajangersagaq atuutilersinneqaqqissaaq.
Imarsiornermi isumannaallisaaneq pillugu inatsimmi § 20 b naapertorlugu imarsiornermi isumannaallisaaneq pillugu inatsimmi sinaakkusiussat iluanni aalajangersakkat malillugit allagartanik imarsiortunillu atorfinitsitsisarneq assigiissaallu pillugit uppernarsaatinik allanik tunniussinermik isumaginnittarpoq. Aalajangersagaq siornatigut Kalaallit Nunaannut atuutilersinneqarnikuunngilaq, pissutigalugu aalajangersagaq imarsiortunik atorfinitsitsinermut assigiissaanullu inatsimmut toqqaannartumik attuumassuteqarmat. Inatsit maanna atuutilersinneqalerpoq, pissutigalugu umiarsuarnut Kalaallit Nunaannit pigineqartunut allagartanik assigiissaanillu tunniussisarnissaq aamma periarfissaassammat.
Taamaattumik peqqussummik annikinnerusumik suliaqartoqarpoq, tassuuna § 20 a-mut allannguutit atuutilersinneqassapput kiisalu § 20 b siullermeerluni atuutilersinneqassaaq. Peqqussut tusarniaanermut uunga ilanngunneqarpoq.
Imarsiornermut Qullersaqarfiup peqqussutinut marluusunut oqaaseqaataasinnaasunik nassiussinissassinnik qinnuigaasi. Oqaaseqaatit Ineqarnermut, Attaveqaasersuutinut Isorliunerusunullu Naalakkersuisoqarfimmut e-mailimut uunga box909@nanoq.gl ilanngullugit emtjn@nanoq.gl aamma stni@nanoq.gl nassiunneqassapput, Naalakkersuisoqarfiup tusarniaanermit akissuteqaatit ataatsimoortut Imarsiornermut Qullersaqarfimmut ingerlateqqissavai.
Oqaaseqaatit kingusinnerpaamik ulloq 15/08/2025 tiguneqareersimassapput.
Peqqussutit imarisaat pillugit apeqqutissaqassagussi ataani atsiortumut imaluunniit Ineqarnermut Attaveqaasersuutinullu Naalakkersuisoqarfimmut attaviginninnissassinnut tikilluaqqusaavusi.