Umiarsualivinnut anginernut umiarsualiviit killeqarfiinut missingiusiaq pillugu tusarniaanermi allakkat

Inoqarfinnut tulliuttunut umiarsualiviit killeqarfiinut missingiusianik Ineqarnermut Attaveqaasersuutinullu Naalakkersuisoqarfik suliaqarnikuuvoq:

- Aasiaat
- Ilulissat
- Kangerlussuaq
- Maniitsoq
- Nanortalik
- Narsaq
- Narsarsuaq
- Nuuk
- Paamiut
- Qaqortoq
- Qasigiannguit
- Qeqertarsuaq
- Sisimiut
- Upernavik
- Uummannaq

Umiarsualiviit killeqarfiit akuersissutigineqassagaluarpata, umiarsualiviup akisussaaffittut suliassaqarfiisa aamma immap akornanni siunissamik inatsiseqarnikkut killeqarfimmik taakku pilersitsissapput. Umiarsualiivit killeqarfiisa siunertaraat, Imarsiornermut Aqutsisoqarfiup aamma Ineqarnermut Attaveqaatilersuinermullu Naalakkersuisoqarfiup akornanni oqartussaasutut akisussaaffimmik agguataarinissaq. Imarsiornermut Aqutsisoqarfiup Kalaallit Nunaata imartaani imaq akisussaaffigaa, matumani naalagaaffiup pigisai umiarsualiveqarfiit naalakkersuisoqarfiup akisussaaffigalugit. Tamatuma saniatigut nunap immikkoortuini umiarsualivinnut oqartussaasup atuuffiisa sunniuteqarfigisaanik pisortatigoortunngortitsinissaq killeqarfiit siunertaraat.

Inatsiseqarnikkut killeqarfik ilaatigut aalajangiisuussaaq, umiarsualiviup maleruagassaasa sumut atuunnerannut, umiarsuit umiusimasut peerneqarnissaannut oqartussaasup qanoq agguataarinissaanut kiisalu uuliakoornerup salinnissaanut tunngatillugu oqartussaasut agguataarinerannut.

Taamaattumik killeqarfinnut missingiusiat, taakku akuerineqarnissaat sioqqullugu, pillugit isummasi naalakkersuisoqarfiup tusarumavaa.

Killeqarfinnut missingiusiaq allakkanut ukununnga PDF-inngorlugu kiisalu word-inngorlugu kakkiunneqarpoq, taakkunai umiarsualifiit killeqarfiinut sumiiffilersuutit nassuiarneqarlutik.

Missingiusianut oqaaseqaataasinnaasut e-mail atorlugu nassiuteqquneqarput uunga stni@naoq.gl kingusinnerpaamik ulloq 15. februar 2025-mi.