Meeqqat tapersersorneqarnissaannut Inatsisartut Inatsisaata allanngortinnissaanut Inatsisartut Inatsisaat
Tusarniaanerup suunera:Inatsisartut inatsisaat
Saqqummiunneqarpoq:11-04-2023 11:51
Tusarniaanermi killigititaq:05-05-2023 00:00
Naalakkersuisoqarfik:Meeqqanut, Inuusuttunut Ilaqutariinnullu Naalakkersuisoqarfik
Tusarniaanermi akissutit nassiunneqassapput::iian@nanoq.gl, assilinera evaj@nanoq.gl
Tunuliaqutaasoq
Inatsisissatut siunnersuummi matumani ilaatigut massakkut inuiaqatigiinni ineriartornermut inatsiseqartitsinerit naleqqussarnissaat siunertaavoq. Inatsisini atuuttuni aalajangersakkat ilaat erseqqissaaffigineqassapput, ilaqutariinnut sullissiviit ilaqutariinnullu illuutit pilersinnissaannut ingerlannissaannullu inatsisitigut tunngavissamik eqqussisoqassaaq kiisalu meeqqanut sulianik suliarinnittarnerup digitaliseeriiffiginissaanut tunngavissamik eqqussisoqassaaq.
Siunnersuummi aalajangersakkat arlallit erseqqissaaffiusut takuneqarsinnaapput. Taakkunannga ilaatigut meeqqap utaqqiisaasumik inissaanik nasaarniartarnissamut kommunalbestyrelsip inissisimanerata pisussaaffeqarneratalu erseqqissaaffigineqarnera taaneqarpoq. Tamanna atuuttussanngortarpoq Isumaginninnermut Aqutsisoqarfik kommunalbestyrelsip aalajangeereernerata kinguninnguatigut meeqqamut inissamik neqeroorsinnaanngikkaangat. Isumaginninnermulli Aqutsisoqarfik inissamik tulluartumik nassaartarnissamut suli pisussaaffeqarpoq. Siunnersuummittaaq angajoqqaat tapersersuisarnissaannut iliuusissatullu pilersaarummut pisinnaatitaaffeqarnerat erseqqissaaffigineqarpoq, matumani meerartik angerlarsimaffiup avataanut inissinneqarsimappat. Angajoqqaanut iliuusissatut pilersaarut meeqqamut iliuusissatut pilersaarummut ataqatigiissillugu suliarineqassaaq, tassanilu meeqqap angerlarsimaffiani isumassuisarnerup nukittorsarnissaanut angajoqqaat tapersersuiffiginissaat siunertaavoq, taamaaliornikkut meeraq angerlartinneqarsinnaassammat, matumani angerlarsimaffimmi isumassuinermut atugassarititat akuerisinnaappassuk aamma meeqqap angerlarsimaffiup avataani inissinneqarnerata nalaani suliaq naammassereersimappat.
Illoqarfinni anginerpaani 16-ini ilaqutariinnut sullissiviit pilersinneqarsimapput, taakkualu ilaqutariinnut atugarliortunut ikiuiniarnermi annertoorujussuarmik suliaqarput. Illoqarfiit ilaanni ilaqutariinnut sullissiviit taakkutuaapput suliassaqarfimmut tunngatillugu najukkani neqeroorsinnaasut. Ilaqutariinnut sullissiviit neqeroorutinik sammisassanillu arlalinnik neqeroortarput, soorlu ilaqutariinnut katsorsaanerit, siunnersuinerit, ajornartoornermi ikiuunnerit, terapi ilaqutariinnullu aqqutissiuussinerit.
Kommunini meeqqanut inuusuttunullu suliassaqarfimmi sulianik suliarinnittarnerup kivitsiffiginissaat Naalakkersuisut piffissami sivisuumi pingaartitarisimavaat. Tamatumani iliuusissat ilagisinnaavaat sulianik suliarinnittarnerup tapersersuiffigalugulu digitaliseerernissaa, taamaaliornikkullu nunarput tamakkerlugu sulianik suliarinnittartut sulianik suliaqarnissaminni sakkussanik eqqortunik atuisarnissaat qulakkeerlugu.
Isumaginninnermut Aqutsisoqarfik sulianik suliarinnittarnermut atortumut pikkorissaanernik ingerlatsisimavoq. Sulianik suliarinnittarnermut atortut kommuninut tamanut tunngatillugu assigiimmata ilaqutariit nuussimappata imaluunniit meeqqat kommuninut allanut inissinneqarsimappata sulianik avitseqatigiittarneq kommuninut ajornannginnerulissaaq. Tamatuma saniatigut ilaatigut Inatsisartut Ombudsmandiannut, Isumaginninnermut Naammagittaalliuuteqartarfimmut, Meeqqat illersuisuannut Naalakkersuisullu Nakkutilliiartortartuinut paasissutissanik pisariaqartunik pissarsiniartarneq ajornannginnerulissaaq.
Sulianik suliarinnittarnermut atortumik ataatsimoorussamik kommunit atuiuarnissaat qulakkeerniarlugu aalajangersakkamik ilanngussisoqarpoq, tassanilu kommunit pisortani IT-mut aaqqissuussamik ataatsimoorussamik atuisarnissaminnut pisussaaffilerneqarput.
Kisitsisinut tunngatillugu aalajangersakkamik ilanngussisoqarpoq, tassanilu kommunit kisitsisitigut paasissutissanik Naalakkersuisut piumasaannik nassuississallutik pisussaaffilerneqarput.
Tusarniaanermut atatillugu ataatsimut taasassat
Oqaaseqaataasinnaasut Meeqqanut, Inuusuttunut Ilaqutariinnullu Naalakkersuisoqarfimmut iian@nanoq.gl atorlugu aammalu assilinera Eva Jørgensenimut evaj@nanoq.gl-imut ilanngullugu kingusinnerpaamik ulloq 5. maj 2023 nassiunneqassapput.
Ilanngussat:
1. Uunga siunnersuut: Meeqqat tapersersorneqarnissaannut Inatsisartut inatsisaata allanngortinnera pillugu Inatsisartut inatsisaat.
2. Siunnersuummut nassuiaatit.
Inatsisissatut siunnersuummi matumani ilaatigut massakkut inuiaqatigiinni ineriartornermut inatsiseqartitsinerit naleqqussarnissaat siunertaavoq. Inatsisini atuuttuni aalajangersakkat ilaat erseqqissaaffigineqassapput, ilaqutariinnut sullissiviit ilaqutariinnullu illuutit pilersinnissaannut ingerlannissaannullu inatsisitigut tunngavissamik eqqussisoqassaaq kiisalu meeqqanut sulianik suliarinnittarnerup digitaliseeriiffiginissaanut tunngavissamik eqqussisoqassaaq.
Siunnersuummi aalajangersakkat arlallit erseqqissaaffiusut takuneqarsinnaapput. Taakkunannga ilaatigut meeqqap utaqqiisaasumik inissaanik nasaarniartarnissamut kommunalbestyrelsip inissisimanerata pisussaaffeqarneratalu erseqqissaaffigineqarnera taaneqarpoq. Tamanna atuuttussanngortarpoq Isumaginninnermut Aqutsisoqarfik kommunalbestyrelsip aalajangeereernerata kinguninnguatigut meeqqamut inissamik neqeroorsinnaanngikkaangat. Isumaginninnermulli Aqutsisoqarfik inissamik tulluartumik nassaartarnissamut suli pisussaaffeqarpoq. Siunnersuummittaaq angajoqqaat tapersersuisarnissaannut iliuusissatullu pilersaarummut pisinnaatitaaffeqarnerat erseqqissaaffigineqarpoq, matumani meerartik angerlarsimaffiup avataanut inissinneqarsimappat. Angajoqqaanut iliuusissatut pilersaarut meeqqamut iliuusissatut pilersaarummut ataqatigiissillugu suliarineqassaaq, tassanilu meeqqap angerlarsimaffiani isumassuisarnerup nukittorsarnissaanut angajoqqaat tapersersuiffiginissaat siunertaavoq, taamaaliornikkut meeraq angerlartinneqarsinnaassammat, matumani angerlarsimaffimmi isumassuinermut atugassarititat akuerisinnaappassuk aamma meeqqap angerlarsimaffiup avataani inissinneqarnerata nalaani suliaq naammassereersimappat.
Illoqarfinni anginerpaani 16-ini ilaqutariinnut sullissiviit pilersinneqarsimapput, taakkualu ilaqutariinnut atugarliortunut ikiuiniarnermi annertoorujussuarmik suliaqarput. Illoqarfiit ilaanni ilaqutariinnut sullissiviit taakkutuaapput suliassaqarfimmut tunngatillugu najukkani neqeroorsinnaasut. Ilaqutariinnut sullissiviit neqeroorutinik sammisassanillu arlalinnik neqeroortarput, soorlu ilaqutariinnut katsorsaanerit, siunnersuinerit, ajornartoornermi ikiuunnerit, terapi ilaqutariinnullu aqqutissiuussinerit.
Kommunini meeqqanut inuusuttunullu suliassaqarfimmi sulianik suliarinnittarnerup kivitsiffiginissaat Naalakkersuisut piffissami sivisuumi pingaartitarisimavaat. Tamatumani iliuusissat ilagisinnaavaat sulianik suliarinnittarnerup tapersersuiffigalugulu digitaliseerernissaa, taamaaliornikkullu nunarput tamakkerlugu sulianik suliarinnittartut sulianik suliaqarnissaminni sakkussanik eqqortunik atuisarnissaat qulakkeerlugu.
Isumaginninnermut Aqutsisoqarfik sulianik suliarinnittarnermut atortumut pikkorissaanernik ingerlatsisimavoq. Sulianik suliarinnittarnermut atortut kommuninut tamanut tunngatillugu assigiimmata ilaqutariit nuussimappata imaluunniit meeqqat kommuninut allanut inissinneqarsimappata sulianik avitseqatigiittarneq kommuninut ajornannginnerulissaaq. Tamatuma saniatigut ilaatigut Inatsisartut Ombudsmandiannut, Isumaginninnermut Naammagittaalliuuteqartarfimmut, Meeqqat illersuisuannut Naalakkersuisullu Nakkutilliiartortartuinut paasissutissanik pisariaqartunik pissarsiniartarneq ajornannginnerulissaaq.
Sulianik suliarinnittarnermut atortumik ataatsimoorussamik kommunit atuiuarnissaat qulakkeerniarlugu aalajangersakkamik ilanngussisoqarpoq, tassanilu kommunit pisortani IT-mut aaqqissuussamik ataatsimoorussamik atuisarnissaminnut pisussaaffilerneqarput.
Kisitsisinut tunngatillugu aalajangersakkamik ilanngussisoqarpoq, tassanilu kommunit kisitsisitigut paasissutissanik Naalakkersuisut piumasaannik nassuississallutik pisussaaffilerneqarput.
Tusarniaanermut atatillugu ataatsimut taasassat
Oqaaseqaataasinnaasut Meeqqanut, Inuusuttunut Ilaqutariinnullu Naalakkersuisoqarfimmut iian@nanoq.gl atorlugu aammalu assilinera Eva Jørgensenimut evaj@nanoq.gl-imut ilanngullugu kingusinnerpaamik ulloq 5. maj 2023 nassiunneqassapput.
Ilanngussat:
1. Uunga siunnersuut: Meeqqat tapersersorneqarnissaannut Inatsisartut inatsisaata allanngortinnera pillugu Inatsisartut inatsisaat.
2. Siunnersuummut nassuiaatit.