Imarisassat tusarnaarlugit atuarlugitPeqqissutsimut inunnullu Innarluutilinnut Naalakkersuisoqarfik
Inatsisilerinermut Inunnullu Innarluutilinnut tunngasuni Immikkoortortaqarfik
Inatsisilerinermut Inunnullu Innarluutilinnut tunngasuni Immikkoortortaqarfik naalakkersuisoqarfimmi sulianut inatsisilerinermut tunngasuni taavalu peqqissutsimut inunnullu innarluutilinnut tunngasuni pingaarnertut sulianut akisussaavoq, aamma aalakoornartulinnik imigassaarniarsinnaanermut akuersissutilinnut nakkutilliinermut tunngasuni.
Naalakkersuisoqarfimmi inatsisilerinermik sulianik aamma ingerlatsiviullunilu Naalakkersuisumut Naalakkersuisunullu naalakkersuisoqarfiup suliassaqarfiinut attuumassutilinnut tunngasuni siunnersuisarfiuvoq. Naalakkersuisoqarfiup immikkoortortaanut allanut inatsisitigut aamma ikorfartuiffiuvoq.
Suliassaqarfii
Immikkoortortaqarfiup suliassaqarfii tamatigoortuusut ilaatigut makkuupput:
- Naalakkersuisut politikkikkut anguniagaat Inatsisartunillu inatsisitigut akuerisat naapertorlugit, peqqissutsimut inunnullu innarluutilinnut tunngasuni inatsisilerineq
- Sulianut soorlu peqqinnissaqarfimmut, tupanut, imigassanut aalakoornartulinnut, aanngajaarniutinut, naammagittaalliuutinut, taarsiiffigineqarnissamut kiisalu inunnut innarluutilinnut tunngasuni inatsisilerinermi siunnersuineq
- Peqqissutsimut tunngasuni suliassaqarfimmi ineriartortitsinissaq taavalu inatsisit malittarisassallu imminnut ataqatigiissuunissaannik qulakkeerinninnissaq anguniarlugit suleqatigiissitani immikkoortortat assigiinngitsuneersunik inuttalersukkani suleqataaneq
- Oqartussaaffinnut nunatta tigumminngisaanut tunngasuni sulianik danskit naalakkersuisui peqatigalugit ataqatigiissaarineq
- Aalakoornartulinnik imigassaarniarsinnaanermut sassaalliisinnaanermulluunniit akuersissutilinnik inunnik suliffeqarfinnillu nakkutilliineq
-
Suliassaqarfiit
Immikkoortortaqarfik inunnik innarluutilinnik isumaginninnermut tunngasuni inatsisilerinermik ilitsersuinermillu aamma suliaqarfiuvoq, kiisalu inuit innarluutillit pillugit oqaaseqartartoq pillugu inatsisilerinermut tunngasuni taavalu inuit innarluutillit pisinnaatitaaffii pillugit Naalagaaffiit Peqatigiit isumaqatigiissutaannut tunngasuni.
Taamatuttaaq inunnut innarluutilinnut tunngasuni siunnersuinermik pikkorissaanermillu taavalu misissueqqissaarnermik, periusissiornermik, nassuiaasiornermik, tusagassiorfinnut nalunaaruteqarnermik, tusarniaanermi akissuteqarnermik kiisalu innuttaasut saaffiginnissutaannut akissuteqarnermik suliaqarfiuvoq. Taakku saniatigut aningaasanut inatsimmut, naalakkersuisoqarfinnik allanik inunnut innarluutilinnut tunngasuni suleqateqarnermut kiisalu Tilioq-mik suliatigullu susassareqatigiinnik allanik suleqateqarnermut tunngasunik suliaqarfiuvoq.
Aammattaaq Pissassarfimmut kiisalu innuttaasunut innarluutilinnut Danmarkimiittunut tunngasuni, pineqaatissinneqarnikkut Danmarkimiitinneqartunut aamma tunngasuni, allaffissornermik suliaqarfiuvoq.