Peqqissutsimut inunnullu Innarluutilinnut Naalakkersuisoqarfik

Siunertaq suliassaallu
Peqqinnissaq pillugu siunnersuisoqatigiit ullutsinni pissutsit innuttaasut peqqissusaannut sunniuteqartut pillugit nassuiaasiornissaq, kiisalu Kalaallit Nunaanni Peqqinnissaqarfiup ineriartorneranik nalilersuisarnissaq pingaarnertut suliassaraat. Taamatuttaaq misissueqqissaarlutillu nalunaarusiortassapput, Naalakkersuisunullu apeqqutinut peqqissutsimut tunngasunik siunnersuisassallutik.

Peqqinnissaq pillugu siunnersuisoqatigiit 2024-mi oktobarimi pilersinneqarput, Naalakkersuisunullu arlaannaatigut attuumassuteqaratik.

Siunnersuisoqatigiit katitigaanerat
Peqqinnissaq pillugu siunnersuisoqatigiit tallimanik siulersuisoqarput, ataatsimik siulittaasoqarput siulittaasumullu sisamanik tullersorteqarput. Tamatuma saniatigut tallimanik Nunatsinni Nakorsaaneqarfimmit, sulisut kattuffiinit¹ , napparsimasut peqatigiiffiinit² , Ilisimatusarfimmit aamma kommuninit innersuussanik ilaasoqartarput.

Siulersuisuni ilaasortassatut toqqakkat ukiuni sisamani atuuttarput.

Siulersuisut
Siulersuisuni maanna ilaasortat ukuupput:

• Kjeld Møller Pedersen, (siulittaasoq)
• Ingelise Olesen (siulittaasumut tullersorti)
• Henning Bundgaard (Siulittaasumut tullersorti)
• Inuuti Fleischer (Siulittaasumut tullersorti)
• Ulla M. Wewer (Siulittaasumut tullersorti)

Siulersuisut siunnersuutinik pingaarnersiugassanik imalimmik ukiumoortumik nalunaarusiortarput. Siunnersuisoqatigiit nalunaarutaannik, tamatumani politikkerinut, tusagassiorfinnut qaammarsaaneq isumasioqatigiissitsinermik aaqqissuussineq siulersuisut aamma akisussaaffigaat.

Ilaasortat sinneri
Siunnersuisoqatigiinni ilaasortat sinneri nalunaarusiamut tapersiillutillu siulersuisunut siunnersuisarput.

Siunnersuisoqatigiinni ilaasortat sinneri maanna ukuupput:

• Paneeraq Noahsen, Nunatsinni Nakorsaaneqarfik sinnerlugu
• Ken Jensen, kattuffiit sinnerlugit
• Nina Møller, Napparsimasut peqatigiiffii sinnerlugit
• Nivi Willumsen, Ilisimatusarfik sinnerlugu
• Palu P. Eriksen, kommuni

Immikkut sinniisuutitat
Peqqinnissaqarfiup qullersaqarfia, Peqqissutsimut inunnullu Innarluutilinnut Naalakkersuisoqarfik, Aningaasaqarnermut Akileraartarnermullu Naalakkersuisoqarfik, Meeqqanut, Inuusuttunut Ilaqutariinnullu Naalakkersuisoqarfik, Ilinniartitaanermut, Kulturemut, Timersornermut Ilageeqarnermullu Naalakkersuisoqarfik kiisalu Isumaginninnermut, Suliffeqarnermut Nunamullu Namminermut Naalakkersuisoqarfik Peqqinnissaq pillugu Siunnersoqatigiinni immikkut sinniisuutitaqarput.

Immikkut sinniisuutitat Peqqinnissaq pillugu Siunnersoqatigiinnut siunnersuisussaatitaapput.

Nalunaarusiat

Peqqinnissaq pillugu siunnersoqatigiit 2025-mut ukiumoortumik nalunaarusiaat uani aaneqarsinnaavoq.

Attavissaq allaffissornikkullu sullinneqarnerat
Peqqinnissaq pillugu siunnersoqatigiinnut sundhedsraadet@nanoq.gl-imut allalluni saaffiginnissuteqartoqarsinnaavoq.

Peqqinnissaq pillugu siunnersoqatigiit Peqqissutsimut inunnullu Innarluutilinnut Naalakkersuisoqarfimmit allaffissornikkut sullinneqarput.

_____________________________________________________________

¹SIK, Nakorsat Peqatigiiffiat, AK, Kigutit Nakorsaasa Peqatigiiffiat aamma PPK
²Sugisaq, Neriuffik, Peqatigiiffik Uummatit aamma ISI