Aningaasaqarnermut Akileraartarnermullu Naalakkersuisoqarfik

Akileraarusiinermik Aalajangiisartut naammagittaalliortarfiupput, akileraarutit akitsuutillu pillugit suliat Akileraartarnermut Aqutsisoqarfimmit aalajangerneqartut pillugit naammagittaalliuutigineqartut naammagittaalliortarfimmit suliarineqartarput,

- Taamaattorli tamatumani pineqanngillat pineqaatissiissutit pillugit suliat (akiliisitsissutit) imaluunniit arsaarinnissutit pillugit suliat
- imaluunniit suliamik suliarinninneq pillugu apeqqutit
- imaluunniit allagaatinik takunnissinnaatitaaneq pillugu aalajangiinerit

Akileraarusiinermik Aalajangiisartut Akileraartarnermut Aqutsisoqarfimmut attuumassuteqanngillat aamma Aningaasaqarnermut Akileraartarnermullu Naalakkersuisoqarfiup ataani inissisimapput.

Akileraarusiinermik Aalajangiisartut arfineq-marluupput, ukiuni sisamani atuuttussatut toqqarneqarsimallutik. Akileraarusiinermik Aalajangiisartuni siulittaasoq Naalakkersuisunit toqqarneqartarpoq. Kattuffiit AK, KNAPK, NUSUKA, GE, SIK aamma kommunit ataatsimoorlutik inassuteqarnerisa kingorna ilaasortat taakkulu sinniisaat Naalakkersuisunit toqqarneqartarput.

Maannakkut Akileraarusiinermik Aalajangiisartuni toqqarneqartut piffissami 1. januar 2023-miit 31.december 2026-mut atuuffeqassapput, aamma ilaasortat ukuupput:

• Palle Høy (siulittaasoq)
• Dina Olsen (tiulittaasup tullia)
• Lars Dahl (siulittaasup pingajua)
• Kristina Nordby (ilaasortaq)
• Dora Drechsel (ilaasortaq)
• Jokum Zeeb (ilaasortaq)
• Alida Rafelsen (ilaasortaq)

Attavigiuk:

Akileraarusiinermik Aalajangiisartut
Imaneq 4
Postboks 1037
3900 Nuuk

E-mail: oed@nanoq.gl
Akileraarusiinermik Aalajangiisartut oqarasuaatikkut (+299) 260330-imut sianerluni pissarsiarineqarsinnaapput
Ataasinngornermi sisamanngornermi nal. 11-miit 13-imut