AtuartigukAningaasaqarnermut Akileraartarnermullu Naalakkersuisoqarfik
Inatsisilerinermut Nunalu tamakkerlugu pilersaarusiornermut immikkoortortaqarfik
Immikkoortortaqarfik Nunalu tamakkerlugu pilersaarusiornermut immikkoortortaqarfikumik aamma Inatsisilerinermut immikkoortortaqarfikumik kattutsitsivoq.
Immikkoortortaqarfik inatsisinik, nalunaarutinik, ilitsersuutinik il.il. naalakkersuisoqarfiup suliassaqarfiani suliaqartarpoq.
Immikkoortortaqarfik Naalakkersuisumut, pisortat ataaniittunut, kommuninut il.il. siunnersuisarpoq siunnersiueqatiginnittarlunilu, tamatumalu saniatigut Akileraarusiinermi Aalajangiisartunut allatseqarfiulluni. Immikkoortortaqarfik naalakkersuisoqarfiup suliassaqarfiinut tunngatillugu Naalagaaffiup pisortaanik attaveqarpoq.
Tamatuma saniatigut immikkoortortaqarfik piujuartitsisumik ineriartortitsinermut aamma SDG 2030 agendamik – Naalagaaffiit Peqatigiit nunarsuarmut anguniagaannik nuna tamakkerlugu ataqatigiissaarinermik ilapittuivoq.
Politikikkut aalajangiisartunik qanimut suleqatigiinneq ingerlanneqarpoq, taamaammallu immikkoortortaqarfiup annertumik suliai tassaapput Naalakkersuisumik sullissineq Naalakkersuisullu politikiannik suliarinninneqqinneq
-
Suliassaqarfiit
- Ilaatigut akileraartarnermut, akitsuutinut aamma akiliisitsiniartarnermik inatsisinut, aningaasaqarnermut inatsisiliornernut aamma nuna tamakkerlugu pilersaarusiornermut tunngatillugu inassutinut aamma apeqqutinut tunngatillugu Aningaasaqarnermut Akileraatarnermullu Naalakkersuisumik Naalakkersuisunillu ataatsimut politikikkut sullissisarneq.
- Akileraarusiinermi Aalajangiisartunut
- Nuna tamakkerlugu pilersaarusiornermut inatsisini kiisalu akileraartarnermi, akitsuutini akiliisitsiniartarnernilu maalaarutinik suliarinninneq.
- Nuna allanngutsaaliukkami nunaminertanik akuersissusiortarneq,
- Kommuninik nuna tamakkerlugu pilersaarusiornermut tunngatillugu ilitsersuineq.
- Kommuninik nuna tamakkerlugu pilersaarusiornermut oqartussanik nakkutilliineq
-
Ukununnga tunngasunut inatsiseqarneq
- Akileraartarneq aamma akitsuutit
- Akitsuusersuutit
- Akiliisitsiniartarneq
- Nunatta karsiata aamma kommunit missingersuutaat, tamakkiisumillu missingersuutinik aqutsinerat
- Pinerlunnikkut aningaasanik malunnarunnaarsaasarneq
- Soraarnerussutisiaqarnissamut pinngitsoorani ilaanissaq
- Aningaasaqarnermut inatsiseqarneq (naalagaaffiup pisortaqarfii suleqatigalugit)
- Nuna tamakkerlugu pilersaarusiornermi aamma nunaminertanik atuinermi inatsiseqarneq