Meeqqanut inussuttunullu kiisalu inunnut innarluutilinnut tunngasut nassuiaatit, periusissiat piitsaaliuinerillu kiisalu katsorsaanermi suliniutit.

Susassaqarfiit: Suli atualinngitsut, Meeqqat inuusuttullu atugarliortut, Ilaqutariit meerartallit, Pitsaaliuineq, Meeqqanut inuusuttunullu isumaginninneq, Meeqqat Illersuisuat meeqqallu pillugit siunnersuisoqatigiit Inuillu innarluutillit Illersuisuat.

Inatsisit:

Isumaginninnermut inatsisit: Meeqqat tapersersorneqarnissaannut inatsit, Inuit innarluutillit tapersersorneqarnissaannut inatsit kiisalu Kalaallit Nunaanni Danmarkimilu ulloq unnuarlu najugaqarfinnik neqerooruteqartarneq pillugu nalunaarut.

Meeqqat pillugit Oqaaseqartartoq aamma Meeqqat pillugit Siunnersuisoqatigiit pillugit inatsit kiisalu Inuit Innarluutillit pillugit Oqaaseqartartumut inatsit.

Isumaqatigiissutit: Meeqqat Pisinnaatitaaffii pillugit NP Isumaqatigiissutaat aamma Inuit Innarluutillit Pisinnaatitaaffii pillugit NP Isumaqatigiissutaat. Meeqqat pillugit NP Ataatsimiititaliarsuani kiisalu Inuit Innarluutillit pillugit NP Ataatsimiititaliarsuani naalagaaffiup Danmarkip nalunaaruteqarneranut misissuineranullu peqataanermik isumaqatigiissutinut kinguneqarput.

Aqutsisunut Allattoqarfik:

Immikkoortortaqarfiup naalakkersuisoqarfimmi nalinginnaasumik sullissineq sulisunullu HRimut suliassaqarfik kiisalu nutsigassat attaveqaqatigiinnermilu suliassat isumagisarivai, tassunga ilanngullugit Naalakkersuisup, Naalakkersuisut Inatsisartullu atugassaasa pitsaassusaannik qulakkeerinninneq. Aammattaaq allattoqarfiup naalakkersuisoqarfimmi pisortamut kiffartuussinerit assigiinngitsut, ataatsimiinnernut il. il. atatillugu ataqatigiissaarinerit isumagisarai.

Suliassaqarfiit assigiinngitsut akornanni suliniutinut malittarinninnermullu immikkoortortaqarfik:

Meeqqanut inuusuttunullu tunngatillugu isumaginninnikkut aaqqissuusseqqinnernut, pitsaaliuineq pillugu suliassaqarfimmut kiisalu innarluutillit pillugit suliassaqarfimmut atatillugu periusissat ineriartortitsinermullu suliassat immikkoortortaqarfiup isumagisarai.

Inatsisilerinermut immikkoortortaqarfik:

Immikkoortortaqarfimmi meeqqanut, inuusuttunut inunnullu innarluutilinnut isumaginninnikkut inatsiseqarnermut tunngasunik inatsisiliornermik, matumani nalunaarutinik ilitsersuutinillu il.il. suliaqarnerit suleqataaffigineqarput.
Tamatuma saniatigut immikkoortortaqarfik politikikkut suliaqartunut allakkiornernik, nalunaarusiornernik inatsisilerinermilu apeqqutinut tunngasunik suliaqarnernik kiffartuussisarpoq. Kiisalu suli atualinngitsunut suliassaqarfimmi inatsisiliornermut tunngasut suliarineqartarput aamma inatsisiliornermi suliassat meeqqat pillugit oqaaseqartartuannut meeqqallu pillugit siunnersoqatigiivinut kiisalu utoqqaat pillugit oqaaseqartartuannut tunngassutillit suliarineqartarlutik.

Isumaginninnermut Aqutsisoqarfik:

Suliassaqarfik:

Isumaginnittoqarfimmi ingerlatsinermut ineriartortitsinermullu suliassat Isumaginninnermut Aqutsisoqarfiup isumagisarpai: Nuna tamakkerlugu meeqqanut inuusuttunullu paaqqinnittarfiit aamma inunnut innarluutilinnut ulloq unnuarlu neqeroorutit ingerlanneqarnerat, kommuninik suleqateqarluni isumaginninnikkut suliffeqarfiit allilerneqarnerat, inuttut atugarliortunut pitsaaliuineq katsorsaanerlu, kommuninut, suliffeqarfinnut il.il. ilitsersuinerit pikkorissartitsinerillu.

Isumaginninnermut Aqutsisoqarfik meeqqat tapersersorneqarnissaannut inatsit kiisalu inuit innarluutillit tapersersorneqarnissaannut inatsit naapertorlugit tapiissutit pillugit suliani inunnut kommunit aggorsimanerisa avataani najugalinnut isumaginnittoqarfiuvoq.

Isumaginninnermut Aqutsisoqarfiup meeqqanut inuusuttunullu kiisalu innarluutilinnut suliassaqarfiup iluani isumaginninnikkut aaqqissuusseqqinnermut suliassat aqutsinermut tunngasut taamatuttaaq suliassat kommuninit ikorfartorneqartut aamma isumagisarai.