Meeqqanut Inuusuttunullu Naalakkersuisoqarfik

Meeqqanut tarnimikkut erloqissutilinnut ulloq unnuarlu angerlarsimaffik nutaaq Nuummi sananeqalerpoq

Inatsisartut Aningaasaqarnermut Akileraartarnermullu Ataatsimiititaliaata meeqqat tarnimikkut erloqissutilinnut ulloq unnuarlu angerlarsimaffiup Nuummiittussap sananeqarnissaanut aningaasanik atugassanngortitsinissamut Naalakkersuisut qinnuteqaataat akueraat.

Siusissukkut suliniuteqarneq aamma Ujartuilluni sulineq pillugu isumasioqatigiisitsineq

Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede, “Siusissukkut suliniuteqarneq aamma Ujartuilluni sulineq” pillugit isumasioqatigiisitsiniarluni Narsamiippoq.

Meeqqanut Inuusuttunullu Naalakkersuisoqarfimmit saqqummersitat

Saqqummersitat uani atuarneqarsinnaapput

Naalakkersuisut Inuit Innarluutillit Pisinnaatitaaffii pillugit Naalagaaffiit Peqatigiit Isumaqatigiissutaata malinneqarnissaanut iliuusissatut pilersaarut 2024-2034 saqqummersippaat

Inuit Innarluutillit Pisinnaatitaaffii pillugit Naalagaaffiit Peqatigiit Isumaqatigiissutaata malinneqarnissaanut iliuusissatut pilersaarut 2024-2034 saqqummersinneqaqqammersup, innarluutillit pillugit nassuiaat 2022-meersoq aallaavigaa suliniuteqarfigisassallu 10-t salliunneqarput

Inatsisilerinermut immikkoortortaqarfik

Immikkoortortaqarfimmi meeqqanut, inuusuttunut inunnullu innarluutilinnut isumaginninnikkut inatsiseqarnermut tunngasunik inatsisiliornermik, matumani nalunaarutinik ilitsersuutinilu il.il. suliaqarnerit suleqataaffigineqarput.
Tamatuma saniatigut immikkoortortaqarfik politikikkut suliaqartunut allakkiornernik, nalunaarusiornernik inatsisilerinermilu apeqqutinut tunngasunik suliaqarnernik kiffartuussisarpoq. Kiisalu suli atualinngitsunut suliassaqarfimmi inatsisiliornermut tunngasut suliarineqartarput aamma inatsisiliornermi suliassat meeqqat pillugit oqaaseqartartuannut meeqqallu pillugit siunnersoqatigiivinut kiisalu utoqqaat pillugit oqaaseqartartuannut tunngassutillit suliarineqartarlutik.

Attavissaq

Imaneq 4

Postboks 260

3900 Nuuk

(+299) 34 50 00

iian@nanoq.gl