AtuartigukKalaallit Nunaanni aatsitassarsiorluni suliassaq EU-mit immikkut maluginiarneqarpoq
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
EU-Kommissionip GreenRoc Strategic Materials PLC-ip grafit-isiorluni suliassaa periusissatut suliniutitut taagorneqartutut toqqarsinnaagaa, Naalakkersuisut ulloq 24. april 2025 akueraat. Ulloq 4. juni 2025 suliniutit katillugit 13-it EU-kommissionimit toqqarneqartut atii tamanut saqqummiunneqarput.
GreenRoc-ip suliassaa, Naalakkersuisut Kalaallit Nunaata nunarsuarmi mingutsitsinngitsumut allanngoriartortitsinermut aatsitassanik pisariaqartinneqartunik akisussaassusilimmik pilersuisunngornissaanik anguniagaqarnerannut assersuutissaalluarpoq, aammalu suliassap toqqagaanera periusissatigut suleqatigiinnermut, Kalaallit Nunaata 2023-mi Den Europæiske Union-imut isumaqatigiissutigisaanut, pissusissamisoortumik nangissutigitinneqarpoq. Suleqatigiinnermi siunertaavoq, Kalaallit Nunaanniit EU-mut aatsitassanut aningaasarsiorfinnik piujuartussanik ineriartortitsinissaq. Taamaattumik Naalakkersuisut EU-kommissionip aalajangiinerata tapersersornissaa ajornartinngilaat aammalu ingerlatseqatigiiffik immikkut ataqqiniarneqarneranik pilluaqqullugu.
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq oqarpoq: “Toqqaaneq Kalaallit Nunaata aatsitassanut suliassaqarfimmi pingaaruteqariartuinnarneranik erseqqissaavoq aammalu nunatsinni nunap iluanut tunngatillugu ersarinnerulersitsilluni. Aatsitassat pisariaqartinneqartut pillugit suliassanut kajungernarnerusunik aningaasalersuinermut atugassaqartitsilernissap pisariaqartinneqarnera, ukiuni kingullerni Naalakkersuisut arlaleriarlutik oqaatigisarpaat. Suliassat pitsaasorpassuupput, kisianni nunarsuarmi aningaasalersuinissaq unammillernartuusimalluni, taamatullu nunanit allanit unammillerneqarusunnginnerup aammalu niuerfinni qalliuniarnerup aqqutissaq suliassanut arlalinnut suli sivisunerulersippaat. EU-kommissionip suliassanut immikkut pingaaruteqartunut tapersersuinissamik isumassarsiaa nutaanik aqqutissarsiornissamut piumassuseqarnermik takutitsivoq aammalu nuannersorujussuulluni.”
Pissusiviusut:
Periusissatigut suliniutitut toqqaanerup kingunerisaanik suliassaq EU-Kommissionimit, nunanit EU-mi ilaasortaasunit aammalu aningaasalersuinermut sullissivinnit ataqatigiissaakkamik tapersiivigineqarsinnaalissaaq – ilaatigut aningaasalersuisussarsinissamut periarfissat, aammalu pisisartunngorsinnaasunik attaveqarnissaq, ajornannginnerulerlutik.
Pissusiviusut:
GreenRoc-ip suliassaa Kalaallit Nunaata kujataani Amitsumi inissisimavoq. Suliassami grafit-inik piiaanissaq siunnerfigineqarpoq, taakkua ilaatigut biilit innaallagiamoortut batteriivinik tunisassiornermut atorneqartarput. GreenRoc-ip Kalaallit Nunaanni piiaanissamut akuersissummik qinnuteqaataa ulloq 27. juni tikillugu tamanut ammasumik tusarniaassutigineqarpoq (https://naalakkersuisut.gl/Hoeringer/2025/05/2305_amitsoq?sc_lang=da)
Kalaallisuuanut linki:
(https://naalakkersuisut.gl/Hoeringer/2025/05/2305_amitsoq?sc_lang=kl-GL)
Paasisaqarnerorusukkuit naalakkersuisoqarfimmi pisortaq Jørgen T. Hammeken-Holm, joeh@nanoq.gl-ikkut imaluunniit oqarasuaatikkut angallattakkakkut +299 346846-ikkut attaveqarfigiuk.
GreenRoc-ip suliassaa, Naalakkersuisut Kalaallit Nunaata nunarsuarmi mingutsitsinngitsumut allanngoriartortitsinermut aatsitassanik pisariaqartinneqartunik akisussaassusilimmik pilersuisunngornissaanik anguniagaqarnerannut assersuutissaalluarpoq, aammalu suliassap toqqagaanera periusissatigut suleqatigiinnermut, Kalaallit Nunaata 2023-mi Den Europæiske Union-imut isumaqatigiissutigisaanut, pissusissamisoortumik nangissutigitinneqarpoq. Suleqatigiinnermi siunertaavoq, Kalaallit Nunaanniit EU-mut aatsitassanut aningaasarsiorfinnik piujuartussanik ineriartortitsinissaq. Taamaattumik Naalakkersuisut EU-kommissionip aalajangiinerata tapersersornissaa ajornartinngilaat aammalu ingerlatseqatigiiffik immikkut ataqqiniarneqarneranik pilluaqqullugu.
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq oqarpoq: “Toqqaaneq Kalaallit Nunaata aatsitassanut suliassaqarfimmi pingaaruteqariartuinnarneranik erseqqissaavoq aammalu nunatsinni nunap iluanut tunngatillugu ersarinnerulersitsilluni. Aatsitassat pisariaqartinneqartut pillugit suliassanut kajungernarnerusunik aningaasalersuinermut atugassaqartitsilernissap pisariaqartinneqarnera, ukiuni kingullerni Naalakkersuisut arlaleriarlutik oqaatigisarpaat. Suliassat pitsaasorpassuupput, kisianni nunarsuarmi aningaasalersuinissaq unammillernartuusimalluni, taamatullu nunanit allanit unammillerneqarusunnginnerup aammalu niuerfinni qalliuniarnerup aqqutissaq suliassanut arlalinnut suli sivisunerulersippaat. EU-kommissionip suliassanut immikkut pingaaruteqartunut tapersersuinissamik isumassarsiaa nutaanik aqqutissarsiornissamut piumassuseqarnermik takutitsivoq aammalu nuannersorujussuulluni.”
Pissusiviusut:
Periusissatigut suliniutitut toqqaanerup kingunerisaanik suliassaq EU-Kommissionimit, nunanit EU-mi ilaasortaasunit aammalu aningaasalersuinermut sullissivinnit ataqatigiissaakkamik tapersiivigineqarsinnaalissaaq – ilaatigut aningaasalersuisussarsinissamut periarfissat, aammalu pisisartunngorsinnaasunik attaveqarnissaq, ajornannginnerulerlutik.
Pissusiviusut:
GreenRoc-ip suliassaa Kalaallit Nunaata kujataani Amitsumi inissisimavoq. Suliassami grafit-inik piiaanissaq siunnerfigineqarpoq, taakkua ilaatigut biilit innaallagiamoortut batteriivinik tunisassiornermut atorneqartarput. GreenRoc-ip Kalaallit Nunaanni piiaanissamut akuersissummik qinnuteqaataa ulloq 27. juni tikillugu tamanut ammasumik tusarniaassutigineqarpoq (https://naalakkersuisut.gl/Hoeringer/2025/05/2305_amitsoq?sc_lang=da)
Kalaallisuuanut linki:
(https://naalakkersuisut.gl/Hoeringer/2025/05/2305_amitsoq?sc_lang=kl-GL)
Paasisaqarnerorusukkuit naalakkersuisoqarfimmi pisortaq Jørgen T. Hammeken-Holm, joeh@nanoq.gl-ikkut imaluunniit oqarasuaatikkut angallattakkakkut +299 346846-ikkut attaveqarfigiuk.