AtuartigukFolketingip qimarnguinnik pilersitsinissamut aningaasat qulakkeerpai
Nassiussisuuvoq: Meeqqanut, Inuusuttunut Naalakkersuisoqarfik
Nakuuserfigineqarsimasut sumiiffimmi najugaqarfigisaminni qimaaffissaqarsinnaaniassammata, qimarnguinnik amerlanerusunik pilersitsinissaq pillugu Naalakkersuisut kommunillu ataatsimut tunngavissaminnik nassaassapput.
Ullumi sineriak tamakkerlugu qimarnguinnik katillugu qulingiluanik peqarpoq, taamaakkaluartoq innuttaasoqarpoq inoqarfinni illoqarfigisaminni toqqissisimasumut qimaaffissaqanngitsunik.
Tamanna tunngavigalugu, Folketingimut ilaasortap Aaja Chemnitzip, Atlantikup Avannaamiuinut Aningaasaliissutaatigut aningaasat 10,5 mio. kronit qulakkeersimavai.
Taamaattumik, sapinngisamik ukioq 2024-mi, sumi qimarnguinnik pilersitsisoqarnissaa paasiniarlugu Naalakkersuisut kommuninik qanimut oqaloqateqassapput:
”Arnat meeqqallu nakuuserfigineqarsimasut qimarnguinnut saaffiginninnissaminnik periarfissaqarput, kisianni ajoraluartumik illoqarfinni tamani qimaaffigisinnaasanik peqanngilaq. Taamaattumik aningaasat taakkua, Folketingimut ilaasortap Aaja Chemnitzip danskit aningaasanut inatsisaannit qulakkeersimasai atorlugit, sineriak tamakkerlugu illoqarfinni assigiinngitsuni sorlerni qimarnguffissanik navianartoqanngitsunik toqqissisimanartunillu pilersitsisoqassanersoq pillugu Naalakkersuisut kommunillu ataatsimut tunngavissarsiussapput”, taama oqarpoq Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede.
Qanigisariinni nakuusertarnerup akiorneqarnissaa pillugu iliuusissatut pilersaarut 2023-2027-mi suliniuteqarfigisassanit pioreersunit suliniuteqarfigisaq ataaseq tassaavoq Qimarnguinnik amerlanerusunik pilersitsineq patajaallisaanerlu, suliniuteqarfigisamut pineqartumut aningaasat taakku sunniutaalluassapput.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.
Ullumi sineriak tamakkerlugu qimarnguinnik katillugu qulingiluanik peqarpoq, taamaakkaluartoq innuttaasoqarpoq inoqarfinni illoqarfigisaminni toqqissisimasumut qimaaffissaqanngitsunik.
Tamanna tunngavigalugu, Folketingimut ilaasortap Aaja Chemnitzip, Atlantikup Avannaamiuinut Aningaasaliissutaatigut aningaasat 10,5 mio. kronit qulakkeersimavai.
Taamaattumik, sapinngisamik ukioq 2024-mi, sumi qimarnguinnik pilersitsisoqarnissaa paasiniarlugu Naalakkersuisut kommuninik qanimut oqaloqateqassapput:
”Arnat meeqqallu nakuuserfigineqarsimasut qimarnguinnut saaffiginninnissaminnik periarfissaqarput, kisianni ajoraluartumik illoqarfinni tamani qimaaffigisinnaasanik peqanngilaq. Taamaattumik aningaasat taakkua, Folketingimut ilaasortap Aaja Chemnitzip danskit aningaasanut inatsisaannit qulakkeersimasai atorlugit, sineriak tamakkerlugu illoqarfinni assigiinngitsuni sorlerni qimarnguffissanik navianartoqanngitsunik toqqissisimanartunillu pilersitsisoqassanersoq pillugu Naalakkersuisut kommunillu ataatsimut tunngavissarsiussapput”, taama oqarpoq Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede.
Qanigisariinni nakuusertarnerup akiorneqarnissaa pillugu iliuusissatut pilersaarut 2023-2027-mi suliniuteqarfigisassanit pioreersunit suliniuteqarfigisaq ataaseq tassaavoq Qimarnguinnik amerlanerusunik pilersitsineq patajaallisaanerlu, suliniuteqarfigisamut pineqartumut aningaasat taakku sunniutaalluassapput.
Sukumiisumik paasisaqarusukkuit naalakkersuisup allattaa Rosa Thorsen e-mailikkut rose@nanoq.gl imaluunniit oqarasuaatikkut: +299 34 50 00 attavigiuk.