AtuartigukAalisakkanit naleqarnerulersitsineq pillugu misissueqqissaarneq aamma tunisisarnermut periusissatut pilersaarut saqqummiunneqarput
Nassiussisuuvoq: Aalisarnermut Piniarnermullu Naalakkersuisoqarfik
Aningaasaqarnermut Naligiissitaanermullu Naalakkersuisoqarfiup kalaallit aalisakkanit tunisassianik naleqarnerulersitsineq pillugu misissueqqissaarneq suliaralugu 2019-imi aallartippaa, aningaasanut inatsisissap oqaluuserineqarneranut atatillugu.
Misissueqqissaarneq Syddansk Universitetimi professorimit Niels Vestergaardimit suliarineqarpoq.
Misissueqqissaarnermut atatillugu Naalakkersuisunit kissaatigineqarpoq aalisakkanik tunisisarnermut periusissatut pilersaarummik aamma suliaqartoqassasoq.
Taamaalilluni Aalisarnermut Piniarnermullu Naalakkersuisoqarfik Naalakkersuisoqarfinnik suliamut attuumassuteqartunut tunisisarnermut periusissatut pilersaarummik suleqateqalerpoq, taanna Naalakkersuisut.gl-imi maannakkut atuarneqarsinnaavoq aamma Naalakkersuisoqarfiup kalaallit aalisakkanit tunisassianik naleqarnerulersitsineq pillugu misissueqqissaarneq atuarneqarsinnaalluni.
Naalakkersuisut aalisakkanik tunisisarnermut periusissatut pilersaarut ataavartumik malinnaaffigissavaat.
Aalisakkanik tunisisarnermut periusissatut pilersaarut linkimi uani atuarneqarsinnaavoq.
Kalaallit aalisakkanit tunisassianik naleqarnerulersitsineq pillugu misissueqqissaarneq linkimi uani atuarneqarsinnaavoq: Immikkoortoq 1, immikkoortoq 2
Attavigineqarsinnaavoq: Aalisarnermut Piniarnermullu Naalakkersuisoqarfik. E-mail: apn@nanoq.gl