Matumuuna qimmit qitsuillu pillugit Inatsisartut inatsisaatut siunnersuut tamanut ammasumik tusarniaassutigineqarpoq.

Tusarniaassutigineqartunut ilanngussat makkuupput:

- Qimmeqarneq qitsuuteqarnerlu pillugit Inatsisartut inatsisissaattut siunnersuut
- Siunnersuummut oqaaseqaatit

Siunnersuummut oqaaseqaatit kingusinnerpaamik Aalisarnermut, Piniarnermut Nunalerinermut imminullu pilersornermut Naalakkersuisoqarfimmeeriissapput:
kingusinnerpaamik

21. maaji 2026 nal. 16.00

Tusarniaanermut oqaaseqaatit e-mail-ikkut ukununnga nassiuteqquneqarput APN@nanoq.gl aamma cc-ia

Imaluunniit allakkatigut uunga:

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Imaneq 1A, 701
Postboks 296
3900 Nuuk

Siunnersuummut tunngaviusoq

Inatsisussatut siunnersuut una aqqutigalugu kalaallit nunaanni qimminut qitsunnullu malittarisassat ataatsimoortut aamma piffissamut naleqquttut pigineqalissapput. Siunertaavoq nalunaarutit aqqutigalugit ataatsimut qimmiuteqarneq pillugu aalajangersagaqarnissaq, kiisalu qimmit qimuttut pillugit siammasissumik piginnaatitsisarneq pillugu aalajangersagaqarnissaq Taamatut aaqqissuussineq ajornannginnerusutut, inatsisitigut aamma teknikikkut, maannakkut atuuttumik pitsaanerusumik aaqqiinertut nalilerneqarpoq.

Uumasut illersugaanerat pillugu inatsisit nutarterneqarneranut ataqatigiisillugu inatsisissatut siunnersuut isigineqassaaq. Uumasut atugarisaannut tunngavissat nalinginnaasut uumasunik illersuineq pillugu inatsimmi ataatsimoortillugit katersorneqarmata, siunnersuummi uani pineqarput qimmeqatigiinnut aalajangersimasunut malittarisassiorneq, nappaatinut akiuiniarnermut aammalu pisortatigoortumik aaqqissuussinertut pingaartinneqarpoq
Siunnersuummi allannguutit pingaarnerit
1. Nutaatut sinaakkutissanik aaqqissuussineq, aamma qimminut qimuttunut immikkut malittarisassiorneq
Qimmit qitsuillu pillugit inatsisit ataatsimoortillugit Inatsisartut Inatsisaannut katersorneqassapput, peqatigisaanillu kalaallit qimmii qimuttut pillugit immikkut malittarisassat immikkut nalunaarusiornermi malittarisassiuunneqassallutik. Tamatumani ersarissumik aalajangersakkat ataatsimoortut immikkullu aalajangersakkat immikkoortinneqarput, periarfissinneqarlunilu malitarisassanik tamatigoortumik naleqqussaanissaq.

2. 2. "Qimmeq navianartoq"-mik ilanngussineq
Oqaaseq "qimmeq ulorianartoq" qimminut kamassarissunut naatsorsuutigineqarsinnaanngitsunullu ataatsimut oqaasertaliunneqarpoq, peqatigisaanillu oqaaseq "kiisortoq" oqaaseqatigiit ataanni ingerlateqqinneqarluni. Assigiimmik periuseqarnissaq suliatigullu inerikkiartortitsinissat qulakkeerneqarnissaat anguniarlugu ulorianassutsimik naliliinissaq Uumasut nakorsaqarfianut toqqorneqarpoq

3. Kommunini qimminut qitsunnullu malittarisassat atorunnaarsinneqarneri
Nutarterinermi qitiutillugu kommunini qimminut qitsunnullu malitarisassat mannamut atuuttut atorunnaarsinneqassapput. Sinaakkutissatut aaqqissuussinermut nutaamut ingerlanermi pisariaqarpoq atorunnaarsitsinissaq, siornatigut kommunini piginnaatitsinermut suleriuseq nuna tamakkerlugu aaqqiinertut assigiiaartutut isigineqassalluni, piginnittunut malikkuminartunngorluni. Taamaaliornikkut siornatigut malittarisassat aamma nutaatut malittarisassat qaleriiaatissanngillat kiisalu qulakkeerneqassalluni nuna tamakkerlugu ataqatigiissumik atuutsilersitsineq

4. Qitsuuteqarnermut nutaatut piumasaqaatit
Qimminut kinaassutsimut uppernarsaatit nalunaarsorneqarsimanissamullu piumasaqaatit atuuttut ingerlaannartillugit qitsuuteqarnermut piumasaqaatit pisussaaffiusut nutaatut eqqunneqassapput. Tamatumani qitsunnut qimminullu tussaasinnaaneq aamma uumasuuteqarnermi piareersimaneq qulakkeerneqassapput. Peqatigisaanillu uumasunut pineqartunut ataatsimut akiussusersuisarneq pillugu nalunaarummik pilersitsisoqassaaq.

5. Aningaasalersorneqarnerup aamma pisussaaffiit aaqqissuunneqarnerisa ersarissarneqarnerat
Inatsisissatut siunnersuutip uumasut nakorsaqarfiata aamma kommunit akornanni akisussaaffiit ersarissassavaat. Tamatuma ataani ersarissarneqassaaq, qimmit qimuttut akiussusersorneqarnerisa aamma savat qimmiisa akiuussusersorneqarnerisa nunatta karsianut aningaasalersorneqarneri, pilersaarutip ingerlanneqarnerata aningaasalersorneqarnera, tamatumunnga ilanngullugit pisiniartarneq aamma nassiussisarneq.