Uumasunut nakorsaqarnermut inussutissalerinermullu oqartussaaffimmi Fødevarestyrelsen-ip suliassanik isumaginninneranut atatillugu aammalu Kalaallit Nunaata EU-mi inatsisinik atuuttunik malinninnera qulakkeerumallugu, inuussutissanik nioqqutissanut attuumasartut materiale-t pillugit Kalaallit Nunaannut nalunaarutip nr. 1164, 26. september 2013-imeersup kiisalu tassunga tunngasoq ilitsersuut kukkunersiorneqarnissaat pisariaqarpoq.

Taamaattumik kakkiussat tusarniaassutitut nassiunneqarput:

• Kalaallit Nunaanniit avammut annissassatut aalajangikkanut inuussutissanik nioqqutissanut attuumasartut materiale-t pillugit Kalaallit Nunaannut nalunaarummut nutarsakkamut missingiut.
• Kalaallit Nunaanniit avammut annissassatut aalajangikkanut inuussutissanik nioqqutissanut attuumasartut materiale-t pillugit Kalaallit Nunaannut ilitsersuummut nutaamut missingiut.

Nalunaarut
Inuussutissanik nioqqutissanut attuumasartut materiale-t pillugit Kalaallit Nunaannut nalunaarut atuuttoq nr. 1164, 26. september 2013-meersoq, nalunaarummik taarserneqassaaq.

Nalunaarummut nutarsakkamut missingiummik qulequtaq iluarsineqarpoq, taamaalilluni Kalaallit Nunaanniit avammut annissassatut aalajangikkanut inuussutissanik nioqqutissanut attuumasartunut materiale-nut nalunaarut atuuttoq erseqqissarneqarluni.
Kalaallit Nunaanni inuussutissarsiortunik tusarniaaqqaarnerit tunngavigalugit, nalunaarummut imaritinneqartussanut tunngaviunissaat Fødevarestyrelsen-imit tulliuttut piumasaqaatigineqarpoq:

1) Kalaallit Nunaanni Inuussutissanik nioqqutissanut attuumasartunik materiale-nik tunisassiortoqartassanngilaq.
2) Nunani EU-p avataaniittuni tunisassiarineqartunik, inuussutissanik nioqqutissanut attuumasartunik materiale-nik toqqaannartumik Kalaallit Nunaannut eqqussisoqartassanngilaq, kisianni tamakku EU-mi pisiortortarfitsigut eqqunneqartassallutik.
3) Inuussutissanik nioqqutissanut suli attuussimanngitsunik, inuussutissanik nioqqutissanut attuumasartunik materiale-nik Kalaallit Nunaanni pilerisaarisoqartarpoq.

Qallunaat aamma kalaallit suliffeqarfiutaasa eqqartuussisarnertigut inissisimaneri assigiissarniarlugit, materiale-t aamma pequtit, inuussutissanik nioqqutissanut attuumasussatut aalajangikkat pillugit Europa-Parlament-ip aamma Råd-ip peqqussutaani (EF) nr. 1935/2004, 27. oktober 2004-meersumi, piumasaqaatit nalinginnaasut naapertorlugit nalunaarutip aalajangersagartai suliarineqarput.

Ilitsersuut
Ilitsersuut nutaajuvoq. Nalunaarummut tapersiutaassaaq, maleruagassanillu paasiuminarsaassalluni.

Tusarniaanermut piffissamik killigititaq
Kalaallit Nunaanni attuumassutilinnut peqataasunut tusarniaaneq nassiussuuteqqullugu Namminersorlutik Oqartussat qinnuigineqarput, akissutillu Fødevarestyrelsen-imut utertillugit.

Tusarniaanermut akissutinik utertitsinissamut piffissaliussamut ulloq 20. februar 2026 killigitinneqarpoq.

Ilassutitut paasissutissat
Kalaallit Nunaanni Fødevarestyrelsen-ip suliassai pillugit paasisaqarnerorusukkaanni tulliuttumi link-eq tuugassaq alakkarneqarsinnaavoq:

https://foedevarestyrelsen.dk/indgange/groenland

Qulaani allassimasunut apeqqutissaqarnermi, e-mail-ikkut: 294@fvst.dk Fødevarestyrelsen-imut attaviginninnissassinnut tikillluaqqusaavusi.