Uunga siunnersuummut tusarniaaneq: Kalaallit Nunaata Kitaani il.il. sumiiffiit raajarniarfiusut killilersorneqarneri pillugit Namminersorlutik Oqartussat nalunaarutaat
Aalisarneq pillugu inatsisip nutaap atuutsinneratigut raajarniutit anginerit aalisarfigisinnaasaat pillugit § 5-imi aalajangersarneqarsimasut killeqarpallaalersitsisimaneri inuussutissarsiuteqartunit aarleqqutigineqalersimavoq.
Tamatuma malitsigisaanik aalisariutit anginerit piffinni pingasuni aalisarsinnaanngortinneqarnissaat siunnersuutigineqarpoq, makkunani
- 61°00’N-imit 65°00’N-imut, piffissami 1. novembarimit 31. marts ilanngullugu tunngaviusumik killeqarfiup iluani aalisarsinnaanissaq periarfissaatillugu;
- 71°30’N avannaaniittumi, tunngaviusumik killeqarfiup iluani aalisarfiusinnaasumi, taamaattorli najugaqarfiit qilalugaqartarfiillu killilersuiffigineqartussaammata, kiisalu
- Sigguup Nuussuullu akornanni 55°00’N tikillugu aalisarfiusinnaasumi, angallatit Sigguup kujataanut 3 sømilinut qanilleqqusaasussaannginnamik.
Matumuuna siunnersuut ukununnga nassiunneqarpoq: Kalaallit Nunaata Kitaani il.il. sumiiffiit raajarniarfiusut killilersorneqarneri pillugit Namminersorlutik Oqartussat nalunaarutaata tusarniiutigineqarnera.
Siunnersuummut oqaaseqaataajunnartut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi kingusinnerpaamik tiguneqarsimassapput
25. juli 2025, nal. 16.00
Siunnersuummut oqaaseqaataajunnartut mailimut uunga nassiuteqquneqarput APN@nanoq.gl kiisalu jepa@nanoq.gl aamma thra@nanoq.gl cc-mut ilanngullugit, imaluunniit allakkatigut:
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Imaneq 1A, 701
Postboks 296
3900 Nuuk
Siunnersuut Naalakkersuisut tusarniaasarfianni aamma nassaarsineqarsinnaavoq, uani: https://naalakkersuisut.gl/Hoeringer
Siunnersuutip tunuliaqutaa
Aalisarneq pillugu inatsisip nutaap atuutsinneratigut raajarniutit anginerit aalisarfigisinnaasaat pillugit § 5-imi aalajangersarneqarsimasut killeqarpallaalersitsisimaneri inuussutissarsiuteqartunit aarleqqutigineqalersimavoq.
Tamatuma malitsigisaanik aalisariutit anginerit piffinni pingasuni aalisarsinnaanngortinneqarnissaat siunnersuutigineqarpoq, makkunani
- 61°00’N-imit 65°00’N-imut, piffissami 1. novembarimit 31. marts ilanngullugu tunngaviusumik killeqarfiup iluani aalisarsinnaanissaq periarfissaatillugu;
- 71°30’N avannaaniittumi, tunngaviusumik killeqarfiup iluani aalisarfiusinnaasumi, taamaattorli najugaqarfiit qilalugaqartarfiillu killilersuiffigineqartussaammata, kiisalu
- Sigguup Nuussuullu akornanni 55°00’N tikillugu aalisarfiusinnaasumi, angallatit Sigguup kujataanut 3 sømilinut qanilleqqusaasussaannginnamik.
Aalisarnerup teknikikkut iluarsartuussivigineqarnera pillugu Namminersorlutik Oqartussat nalunaarutaanni § 5-imi ikaarsaariarnermi aaqqiisoqarsimavoq taamaasilluni angallatit maleruagassat massakkut atuuttut naapertorlugit immikkut periarfissaqartinneqarsimasut periarfissatik piffissami aalajangersimasumi atuinnarsinnaanngorlugit. § 5-imi massakkut atuuttumi angallatip "piffissap ilaani" akuersissutini angallammut attuummassuteqartissimanngippagu periarfissaq periarfissaajunnaassaaq. Piffissap aalajangersakkami allassimasutut sivisussusissaata aalajangertariaqarnera paasinarsisimavoq, taamaattumillu piffissaliunneqartussap aalajangersaaffigineqarnissaa siunnersuutigineqarpoq, ullullu tulleriiginnaat 120-t piffissaliunneqassasut.
Siunnersuut isikkumisut isikkoqartillugu tusarniutigineqassaaq nalunaarummi allannguutissatut siunnersuutigineqartut taamaallaat ilaatillugit. Inatsisilerinermili periutsit pissutigalugit aalajangersakkat aalisarnerup teknikikkut iluarsartuussivigineqarnera pillugu nalunaarutikkut atuutsilersinneqartussanngorlugu suliarineqassaaq taamaasilluni nalunaarummut tamarmiusumut ilaasussanngorlugu. Nalunaarummut massakkut atuuttumut sanilliullugu nalunaarutissami allannguutinik allanik imaqanngilaq.
Inussiarnersumik inuulluaqqusillunga
Med venlig hilsen
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
APN@nanoq.gl
+299 34 50 00