Uunga siunnersuutip tusarniaassutigineqarnera: SIKUKI Nuuk Harbour A/S aamma Nuummi umiarsualiviliorneq pillugu Inatsisartut inatsisaata allanngortinneqarnera pillugu Inatsisartut inatsisaat.
Matumuuna siunnersuut matuma siuliani taaneqartoq tusarniaassutigalugu nassiunneqarpoq.
Tusarniaanermut akissuteqaammik nassiussinissamut killigitinneqarpoq: 14. august 2025.
Oqaaseqaatissaqaraanni e-mailikkut nassiuteqquneqarput uunga: lupa@nanoq.gl assilinera uunga emtjn@nanoq.gl
Tusarniaaneq aammattaaq tusarniaanermut nittartakkami takuneqarsinnaavoq uani www.Naalakkersuisut.gl
Eqikkarnera
Inatsisissamut siunnersuummi matumani Sikuki Nuuk Harbour A/S nunarput tamakkerlugu umiarsualivinnik piginnittuunissamut ingerlatsinissamullu periarfissinneqassaaq. Taamaalilluni nunatsinni umiarsualiviit aningaasaqarnikkut imminnut nammattunngortinnissaat aammalu umiarsualiviit aserfallatsaaliorneqarneranni siunissamilu ineriartortinneqarneranni aningaasaleeqqinnissamut pisariaqartunik aningaasassaqarnissaata qulakkeerneqarnissaa siunertaralugu, umiarsualivinni atuisut akiliuteqartarnerat atuutsinneqalersinnaassaaq. Siunertaasunut taakkununnga naapertuuttumik inatsisissamut siunnersuummi ingerlatseqatigiiffik taagorneqarpoq Sikuki Ports A/S. Siunissami ingerlatseqatigiiffiup Nuummi umiarsualivimmik taamaallaat piginnittuusussaanngimmat ingerlatsisuusussanngi