Qasigiannguani Aasiannilu erngup nukinganik nukissiorfissamut tunngatillugu ASN pillugu nalunaarusiap tamanut tusarniaassutigineqarnera
Tusarniaanerup suunera:Allat
Saqqummiunneqarpoq:08-05-2025 13:28
Tusarniaanermi killigititaq:03-07-2025 00:00
Naalakkersuisoqarfik:Avatangiisinut Pinngortitamullu Naalakkersuisoqarfik
Tusarniaanermi akissutit nassiunneqassapput::pan@nanoq.gl
Erngup nukinganik nukissiorfissap allaaserineqarnera.
Ullumikkut Qasigiannguani Aasiannilu innaallagiamik kiassarnermillu pilersuineq ikummatissaninngaanneerneruvoq, Kalaallillu Nunaanni tamanut nukissiutinik pilersuinermi katillugu uuliamik atuinermi illoqarfiit taakku marluk atuinerat 20% missaanniippoq. Ataatsimut isigalugu, Nuummi erngup nukinganik nukissiorfiup allilerneqarnissaa aammalu Qasigiannguani Aasiannilu erngup nukinganik nukissiorfissap pilersinneqarnera, 2032-mi Kalaallit Nunaata CO2-mik aniatitsinera 85.000 tonsinik annikillisinnissaanik tapersiissapput.
Qasigiannguanut Aasiannullu pilersuisussamik nutaamik erngup nukinganik nukissiorfiliornerup ilagaa, Qasigiannguaniit kujammut kangimut 20 km-it missaannik ungasitsigisumi kangerluup Kangersornup ungasinngisaani innaallagissiorfiliorneq. Erngup nukinganik nukissiorfissap, Kuussuup Tasiani erngup kuunneranit, imeq atussavaa. Erngup nukinganik nukissiorfiliornissap saniatigut, Kuussuup Tasiata Qinngap Ilulialeeraatalu tasiisa akornisigut sulluliortoqassaaq.
Erngup nukinganik nukissiorfiliornissap aamma saniatigut, innaallagissiorfimmiit Qasigiannguanut (38 km-it missaannik) Aasiannullu (117 km-it missaannik) takissusilinnik sarfap aqqutaanik pilersitsisoqassaaq, 420-nik napparusiornertalinnik. Erngullu nukinganik nukissiorfissap eqqaani suliaqarnermut aqquserniortoqarnissaa, illoqarfinnilu taakkunani marlunni sakkortusaaviliortoqarnissaa pilersaarutigineqarluni.
Erngup nukinganik nukissiorfik ASN-imik malinnittussaatitaavoq, tak. Namminersorlutik Oqartussat nalunaarutaanni nr. 5, 27. marts 2013-imeersumi sanaartukkat aalajangersimasut avatangiisinut sunniutaannik avatangiisinillu nakkutilliinermullu akiliutinik nalilersuinikkut. ASN Avatangiisinut Sunniutinik Naliliinerup naalisaatigaa. NunaGreen sanatitsisutut suliap sanaartornikkut ingerlatsinikkullu avatangiisinut sunniutigisinnaasaanik nalilersuinissamut ASN-imut nassuiaasiornikuuvoq.
Suliap piviusunngortinneqarnissaanut Nuup aamma Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasaliinermut ingerlatsinermullu sinaakkutit atugassarititaasut pillugit Inatsisartut inatsisaat nr. 22, 1. december 2021-meersoq tunngavigineqarpoq.
Innuttaasunik ataatsimiisitsinerit
Sanatitsisoq, nalunaarut qulaani allaqqasoq naapertorlugu, Qasigiannguani Aasiannilu innuttaasunik ataatsimiisitsissaaq. Ataatsimiinnernilu sanaartornerup avatangiisinut sunniutigisinnaasai erseqqissaatigineqassapput. Sanatitsisoq innuttaasut ataatsimiinnissaat sumi qanorinnikkullu pissanersut sumiiffinni tusagassiutitigut nalunaaruteqassaaq.
Tusarniaaneq
Suliamut soqutiginnittut tamarmik tusarniaanermi akissuteqarnissaat kajumissaarutigineqarpoq. Tusarniaanermilu akissuteqaatit Naalakkersuisut tusarniaanermi nittartagaannut iliorarneqassapput.
Tusarniaassutissatut atortussiat tassaapput:
- ASN pillugu nalunaarusiaq: Qasigiannguani Aasiannilu erngup nukinganik nukissiorfik
- Ilanngussaq 1: Takussutissatut titartagaq
- Ilanngussaq 2: Pissutsinut pilersaarut
- Ilanngussaq 3: Aasianni sakkortusaavissap inissisimaffissaa
- Ilanngussaq 4: Qasigiannguani sakkortusaavissap inissisimaffissaa
- Ilanngussaq 5: Betonnimik akoorivik
- Ilanngussaq 6: Ujaqqanik sequtserut immikkoortiterivillu
- Ilanngussaq 7: Taaguusersuutit naalisaatillu allattorsimaffiat
Tusarniaanermi killigititaq: 03.07.2025
Tusarniaanermi akissuteqaatit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiunneqassapput, elektroniskimik e-mailadresse pan@nanoq.gl -imut imaluunniit allakkatigut uunga postboks 1614, 3900 Nuuk.
Ullumikkut Qasigiannguani Aasiannilu innaallagiamik kiassarnermillu pilersuineq ikummatissaninngaanneerneruvoq, Kalaallillu Nunaanni tamanut nukissiutinik pilersuinermi katillugu uuliamik atuinermi illoqarfiit taakku marluk atuinerat 20% missaanniippoq. Ataatsimut isigalugu, Nuummi erngup nukinganik nukissiorfiup allilerneqarnissaa aammalu Qasigiannguani Aasiannilu erngup nukinganik nukissiorfissap pilersinneqarnera, 2032-mi Kalaallit Nunaata CO2-mik aniatitsinera 85.000 tonsinik annikillisinnissaanik tapersiissapput.
Qasigiannguanut Aasiannullu pilersuisussamik nutaamik erngup nukinganik nukissiorfiliornerup ilagaa, Qasigiannguaniit kujammut kangimut 20 km-it missaannik ungasitsigisumi kangerluup Kangersornup ungasinngisaani innaallagissiorfiliorneq. Erngup nukinganik nukissiorfissap, Kuussuup Tasiani erngup kuunneranit, imeq atussavaa. Erngup nukinganik nukissiorfiliornissap saniatigut, Kuussuup Tasiata Qinngap Ilulialeeraatalu tasiisa akornisigut sulluliortoqassaaq.
Erngup nukinganik nukissiorfiliornissap aamma saniatigut, innaallagissiorfimmiit Qasigiannguanut (38 km-it missaannik) Aasiannullu (117 km-it missaannik) takissusilinnik sarfap aqqutaanik pilersitsisoqassaaq, 420-nik napparusiornertalinnik. Erngullu nukinganik nukissiorfissap eqqaani suliaqarnermut aqquserniortoqarnissaa, illoqarfinnilu taakkunani marlunni sakkortusaaviliortoqarnissaa pilersaarutigineqarluni.
Erngup nukinganik nukissiorfik ASN-imik malinnittussaatitaavoq, tak. Namminersorlutik Oqartussat nalunaarutaanni nr. 5, 27. marts 2013-imeersumi sanaartukkat aalajangersimasut avatangiisinut sunniutaannik avatangiisinillu nakkutilliinermullu akiliutinik nalilersuinikkut. ASN Avatangiisinut Sunniutinik Naliliinerup naalisaatigaa. NunaGreen sanatitsisutut suliap sanaartornikkut ingerlatsinikkullu avatangiisinut sunniutigisinnaasaanik nalilersuinissamut ASN-imut nassuiaasiornikuuvoq.
Suliap piviusunngortinneqarnissaanut Nuup aamma Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasaliinermut ingerlatsinermullu sinaakkutit atugassarititaasut pillugit Inatsisartut inatsisaat nr. 22, 1. december 2021-meersoq tunngavigineqarpoq.
Innuttaasunik ataatsimiisitsinerit
Sanatitsisoq, nalunaarut qulaani allaqqasoq naapertorlugu, Qasigiannguani Aasiannilu innuttaasunik ataatsimiisitsissaaq. Ataatsimiinnernilu sanaartornerup avatangiisinut sunniutigisinnaasai erseqqissaatigineqassapput. Sanatitsisoq innuttaasut ataatsimiinnissaat sumi qanorinnikkullu pissanersut sumiiffinni tusagassiutitigut nalunaaruteqassaaq.
Tusarniaaneq
Suliamut soqutiginnittut tamarmik tusarniaanermi akissuteqarnissaat kajumissaarutigineqarpoq. Tusarniaanermilu akissuteqaatit Naalakkersuisut tusarniaanermi nittartagaannut iliorarneqassapput.
Tusarniaassutissatut atortussiat tassaapput:
- ASN pillugu nalunaarusiaq: Qasigiannguani Aasiannilu erngup nukinganik nukissiorfik
- Ilanngussaq 1: Takussutissatut titartagaq
- Ilanngussaq 2: Pissutsinut pilersaarut
- Ilanngussaq 3: Aasianni sakkortusaavissap inissisimaffissaa
- Ilanngussaq 4: Qasigiannguani sakkortusaavissap inissisimaffissaa
- Ilanngussaq 5: Betonnimik akoorivik
- Ilanngussaq 6: Ujaqqanik sequtserut immikkoortiterivillu
- Ilanngussaq 7: Taaguusersuutit naalisaatillu allattorsimaffiat
Tusarniaanermi killigititaq: 03.07.2025
Tusarniaanermi akissuteqaatit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiunneqassapput, elektroniskimik e-mailadresse pan@nanoq.gl -imut imaluunniit allakkatigut uunga postboks 1614, 3900 Nuuk.