Kalaallit Nunaanniit annissassatut aalajangikkat nerisassat ilaannut akuutissat pillugit Kalaallit Nunaannut nalunaarummut missingiut pillugu tusarniaaneq

Kalaallit Nunaanni uumasut nakorsaannut- aamma inuussutissalerinermik oqartussaaffimmi Fødevarestyrelsen-ip suliassamik isumaginninnissaanut atatillugu aammalu Kalaallit Nunaata EU-mi inatsisit atuuttut eqqortinnerai qulakkeerniarlugu, nerisassat ilaannut akuutissat il.il. pillugit Kalaallit Nunaannut nalunaarutip nr. 1163, 26. september 2013-imeersup iluarsaannissaa pisariaqarpoq.

Taamaattumik tulliuttut ilanngussat tusarniaatitut nassiunneqarput:

• Kalaallit Nunaanniit annissassatut aalajangikkat nerisassat ilaannut akuutissat pillugit Kalaallit Nunaannut nalunaarummut missingiut
• Kalaallit Nunaanniit annissassatut aalajangikkat nerisassat ilaannut akuutissat pillugit Kalaallit Nunaannut ilitsersuummut missingiut
  
  

Nalunaarummut missingiummik, nalunaarummi aalajangersakkat pioreersut oqaasertai iluarsaanneqarpoq taamaalilluni nalunaarut nerisassanut akuutissanut EU-mi maleruagassanut naapertuutilissalluni. EU-mi maleruagassanut innersuussutit tamarmik aalajangersaganngortinneqarput imaluunniit nalunaarummut ilanngussanngortinneqarlutik.

Kalaallit Nunaanni Namminersorlutik Oqartussanik aamma Kalaallit Nunaanni inuussutissarsiortunik Fødevarestyrelsen-ip tusarniaaviginneqqaarnera naapertorlugu, nalunaarummut missingiut Kalaallit Nunaanni inuussutissarsiornermut tunngavoq taamaattumillu, Kalaallit Nunaanniit annissassatut aalajangikkanik nerisassanik tunisassiornermi, ullumikkut inuussutissarsiortunit atugaasunut akuutissanut aamma nerisassat immikkoortitigaanerinut (kategori-nut) samminnilluni.

Tamanna tunuliaqutaralugu erseqqissaatigineqassaaq, nalunaarummut missingiummi aroma-nut, tangiiaatinut aamma enzym-inut akuerisaasunut allattuiffimmik ilanngussisoqarsimanngimmat. Soorluttaaq nalunaarummi, Kalaallit Nunaanniit annissassanut akuutissanik pilerisaarusiornermut maleruagassiuisoqanngitsoq.

Matumani nalunaarummi inatsisinik allariaatsimi allannguutit annikinnerusut suliarineqarpoq.

Ilitsersuut nutaajuvoq. Taassuma nalunaarut tapersissavaa maleruagassallu paasiuminarnerulersissallugit.

Kalaallit Nunaanni peqataasunut attuumassutilinnut tusarniaat nassiuteqqullugu Kalaallit Nunaanni Namminersorlutik Oqartussanik qinnuigineqarput, tusarniaanermullu akissutit Fødevarestyrelsen-imut uterteqqullugit. Tusarniaanermut akissutit utertereersimanissaannut piffissaliussaq tassaavoq ulloq 28/2 2025.

Fødevarestyrelsen-ip Kalaallit Nunaanni suliassai pillugit paasisaqarnerorusukkaanni tuugassaq tulliuttoq iserfigineqarsinnaavoq:

https://www.foedevarestyrelsen.dk/OmFoedevarestyrelsen/Organisation/Groenland/Sider/forside.aspx

Qulaaniittut pillugit apeqqutissaqartoqarpat, Fødevarestyrelsen-i ugguuna mail-ikkut: 294@fvst.dk attaveqarfigissallugu tikilluaqqusaavusi