Peqqinnissaqarfiup sullissinerinut akiliuteqartarneq pillugu Namminersorlutik Oqartussat nalunaarutaat
Aallaaviatigut peqqinnissaqarfiup sullissineri akeqanngillat, taamaattorli sullissinerit ataasiakkaat akillit nalunaarutikkut malittarisassiorneqarput. Nalunaarummi matumani sullissinernut taakkununnga akit allanneqarnissaat siunertaavoq.
Peqqinnissaqarfiup sullissineri il.il. Inatsisartut peqqussutaat tunngavigalugu nalunaarut atuutilersinneqarpoq, aamma kaajallaasitami nr. 17, 2017-imeersumi pissutsinik maannakkut malittarisassiorneqartunik taarsiissaaq. Oqaatigineqassaaq nalunaarut massakkut pissutsinut akinullu akiliutigineqartartunut naleqqunnerulerput, taamaattorli atungassarititaasut massakkut malittarisassiuunneqarsimasut assigaat.
Siunnersuut tusarniaassutigineqareernikuuvoq, akilli akiliutaasartut toqqammavigalugit akigititat aaqqissuuteqqinneqarnerat pissutaalluni tusarniutigeqqinneqarluni.
Akit ukunani qaffanneqarput:
- § 3, imm. 2, nr. 1 aamma § 14.
Aalajangersakkat nutaat uku ilanngunneqarput:
- § 5, imm. 2 napparsimasut peqqinnissaqarfiup avataani peqqinnissaqarfimmit inissinneqarsimasut nerisaqarnissamut aningaasanik pinissaannut pisinnaatitaaffimmut tunngasoq.
- § 10, imm. 2, nr. 2 akigititaq DNA-mik misissuinermut.
Akigititat aamma ilai appartinneqarput.
Tusarniaanermut piffissarititaq
Siunnersuummut oqaaseqaataasinnaasut Peqqinnissamut Naalakkersuisoqarfimmit piaarnerpaamik aamma kingusinnerpaamik 15. november 2024-imi tigorusunneqarput. Oqaaseqataasinnaasut uunga nassiuteqquneqarput pn@nanoq.gl ilanngullugulu uunga haed@nanoq.gl