Inuussutissat uumasunit pisut ilaasa, Kalaallit Nunaannit anninneqartussatut aalajangigaasut, mingutsitsineqarsimanerat pillugit Kalaallit Nunaannut nalunaarutissamut missingiut pillugu tusarniaaneq

Kalaallit Nunaanni uumasunut Nakorsaqarfimmi Inuussutissalerinermullu suliassaqarfimmi Fødevarestyrelsip suliassanik suliarinninneranut atatillugu aamma Kalaallit Nunaata EU-mi inatsisiliornernut atuuttunut naammassinninnissaa qulakkeerniarlugu, Kalaallit Nunaannut atuuttussamik nerisassat ilaasa, Kalaallit Nunaannit anninneqartussatut aalajangigaasut, mingutsinneqarsimanerat pillugu nalunaarutip nr. 436-ip, 27. april 2023-imeersup iluarsaanneqarnissaa pisariaqarpoq.

Taamaammat ilanngussat tusarniutigalugit nassiunneqarput:

• Inuussutissat uumasunit pisut ilaasa, Kalaallit Nunaannit anninneqartussatut aalajangigaasut, mingutsinneqarsimanerat pillugit Kalaallit Nunaannut nalunaarutissatut missingiut.
• Inuussutissat uumasunit pisut ilaasa, Kalaallit Nunaannit anninneqartussatut aalajangigaasut, pillugit Kalaallit Nunaannut ilitsersuummut missingiut.

Nalunaarutip aalajangersagartaani atuuttuni oqaasertaasut nalunaarutissatut missingiutikkut iluarsaanneqarput, aamma aalajangersakkat nutaat ilanngunneqarput (§ 2 (isumasiuutit) aamma § 6 (kemiskiusumik toqunartuiaanerup inerteqqutigineqarnera)), taamaalilluni< rel="noopener noreferrer"a href="about:blank" target="_blank"> Inuussutissani atortussianut mingutsitsissutaasunut aalajangersimasunut naliliussat qaangeqqusaanngitsut pillugit aamma peqqussutip (EF) nr. 1881/2006-ip atorunnaarsinneqarnera pillugu Kommissionip peqqussutaanut (EU) 2023/915-mut, 25. april 2023-imeersumi malittarisassanut nalunaarut naapertuutilissaaq.

Tamatuma saniatigut Nerukkaatissani inuussutissanilu dioxin-eqarnerata, furan-eqarnerata aamma PCB-qarnerata annikillisinneqarnissaa pillugu Kommission-ip piumasaqaataa 3. december 2013-imeersoq aallaavigalugu aalajangersagaq nutaaq (§ 4) ilanngussaq 2-mik imalik, inuussutissani taaneqartuni dioxin-ip aamma PCB-p nalingi pillugit akuliunnissamut aalajangersaasoq, ilanngunneqarpoq. Akuliunnissamut killissarititaasut qaangerneqarpata, inuussutissaliornermik suliffeqarfik Fødevarestyrelsi suleqatigalugu 1) mingutsitsinermik pilersitsisup suussusersineqarnissaa siunertaralugu misissuinermik aallartitsinissamik, aamma 2) mingutsitsinermik pilersitsisup annikillineqarnissaa imaluunniit peerneqarnissaa siunertaralugu iliuusissanik aalajangiinissamik pisussaaffilerneqarpoq.

Namminersorlutik Oqartussat kissaateqarnerisigut, ilanngussaq 1-imi nersutaatinut, umimmannut aamma tuttunut annertussusissamut killigititat tamatuma saniatigut ilanngunneqarput. Tassunga atatillugu umimmaat tuttullu “uumasunut nujuartanut” isumasiuummut ilaammata maluginiarneqassaaq.

Ilitsersuut nutaajuvoq. Inatsisitigut pituttuisuunngilaq, nalunaarummilu malittarisassanut ilassutinik imaqarpoq. Ilitsersuut tusarniutiginninnermut tunngatillugu kalaallisuumut nutsigaanngilaq.

Tusarniaaneq Kalaallit Nunaanni akuusunut attuumassuteqartunut nassiusseqqullugit Namminersorlutik Oqartussat, aamma tusarniaanermut akissutit Fødevarestyrelsimut uterteqqullugit qinnuigineqarput. Tusarniaanermut akissutit utertinnissaannut piffissaliussaq ullormut 29. novembari 2024-imut ullulerneqarpoq.

Kalaallit Nunaanni Fødevarestyrelsip suliassai pillugu paasisassat annertunerusut uani link-imi takusinnaavatit:

https://www.foedevarestyrelsen.dk/OmFoedevarestyrelsen/Organisation/Groenland/Sider/forside.aspx

Qulaani pineqartunut apeqqutissaqartoqassappat, Fødevarestyrelsimut e-mailikkut 294@fvst.dk-ikkut attaveqarnissassinnut tikilluaqqusaavusi.