Fødevarestyrelsenip Ruslandimut killilersuutinik naammassinninnera pillugu Kalaallit Nunaannut nalunaarummut missingiutip tusarniutiginera
Matumuuna Fødevarestyrelsenip Ruslandimut killilersuutinik naammassinninneq pillugu Kalaallit Nunaannut nalunaarutip allanngortinneqarnissaanut missingiut nassiuppaa.
Namminersorlutik Oqartussat qinnuigineqarput tusarniut Kalaallit Nunaanni naalakkersuisoqarfinnut aamma illuatungiusunut namminersortunut nassiuteqqullugu aammalu tusarniummut akissutit Fødevarestyrelsenimut nassiunneqarnissaannik qinnuigineqarlutik. Fødevarestyrelsenip inussiarnersumik noqqaassutigivaa tusarniummut akissutigineqarsinnaasut kingusinnerpaamik ulloq 4. oktober 2024 tigunissaat. Oqaaseqaatit journalnormu 2023-16-31-00556 taallugu 16@fvst.dk-mut nassiuteqquneqarput henta@fvst.dk-mut kopilerlugit.
Siunertaq aamma atuutilersitsineq
Nalunaarutip isumannaarpaa, EU-p FVST-mut tunngatillugu Ruslandimut killilersuutinik atuutsitsinera aamma Kalaallit Nunaannut atuunnissaa.
Peqqussummi killilersuutinik aalajangersaaffiusumi allannguutit tunngavigalugit nalunaarummik nutarterineq pineqarpoq.
Peqqussummik allanngortitsineq tunisassianik allanik FVST-mi ilaatinneqartunik killilersuinermik kinguneqarsimanngilaq. Nutarterinissap pisariaqartinneqarneranut pingaarnertut pissutaapput Ruslandimiit nammineq eqqussuinerup pineqaatissartaqarneranut tunngatillugu aalajangersakkami malittarisassat nutaat. Fødevarestyrelsenip susassaqarfiani pineqarput qaleruallit, kaviarit aamma kaviarinut taarsiusiat.
Peqqussumi, killilersuutinik aalajangersaasumi, allannguutit pissutigalugit nalunaarummik aappassaanik nutarterineq pineqarpoq. Nalunaarutip saqqummiunneqarnissaanut aamma atuutilernissaanut nalunaarummik nutarterinermut kingullermut tunngatillugu Naalakkersuisut akuersissutaat utaqqineqarpoq.
Naatsorsuutigineqarpoq nalunaarut 2024-mi ukiakkut atuutilissasoq.
Qulaani allassimasut imaluunniit nalunaarut pillugu apeqqutissaqarussi mailikkut henta@fvst.dk-kut ataani atsiortup attaviginissaanut tikilluaqqusaavusi.