Kalaallit Nunaanniit anninneqartussatut aalajangikkat uumasunit pisut inuussutissat toqunartuisa sinnikuisa annerpaaffissaannut killigititat pillugit Kalaallit Nunaannut nalunaarummut missingiutip kiisalu ilitsersuutitaata tusarniutigineqarneri

Fødevarestyrelsenip Kalaallit Nunaanni inuussutissanut aamma uumasunut nakorsaqarnermut suliassaqarfinni sulianik ingerlatsineranut atatillugu aammalu EU-mut nioqqutissanik annissuinissamut akuersissuteqarnermut atatillugu EU-p piumasaqaataanik Kalaallit Nunaata maleruaasinnaanera isumannaarniarlugu, Kalaallit Nunaanniit anninneqartussatut aalajangikkat uumasunit pisut inuussutissat toqunartuisa sinnikuisa annerpaaffissaannut killigititat pillugit Kalaallit Nunaannut nalunaarut kiisalu ilitsersuutitaa suliarineqarput.

Taamaattumik ilanngussat tusarniutigineqarput:

• Uumasunit pisut inuussutissat Kalaallit Nunaanniit anninneqartussatut aalajangikkat toqunartuisa sinnikuisa annerpaaffissaannut killigititat pillugit Kalaallit Nunaannut nalunaarummut missingiut.
• Uumasunit pisut inuussutissat Kalaallit Nunaanniit aninneqartussatut aalajangikkat toqunartuisa sinnikuisa annerpaaffissaannut killigititat pillugit Kalaallit Nunaannut ilitsersuummut missingiut.

Danmarkip Kalaallit Nunaat EU-p nunat pingajuusut annissuinissamut akuerisaasut allattorsimaffiani allaqqanissaanik ikiorpaa. EU-p piumasarivaa, nunat annissuisuusut inuussutissani anninneqartussani toqunartut sinnikuinik misissuisarnissaat. Fødevarestyrelseni ukiut tamaasa inuussutissanit uumasunit pisunit Kalaallit Nunaanni tunisassiarineqarsimasunit misissugassanik tigusisarpoq, Danmarkimi Fødevarestyrelsenip laboratoriaani toqunartut sinnikoqarneranik misissoqqissaarneqartartunik. Tassunga misissuisarnermut nalunaarut ilassutaassaaq toqunartut sinnikuisa annerpaaffissaannut killigititat Kalaallit Nunaanni inuussutissani uumasunit pisunit toqunartut sinnikuinut attuumassuteqartut aalajangerneqarnissaannut. Tamatuma saniatigut nalunaarut annerpaaffissatut killigititanik qaangiinermut atatillugu atortitsinermut tunngavimmik tunniussissaaq.

Kalaallit Nunaanni nalilerneqarpoq, savanit, nersutinik aamma nujuartanit (tuttut aamma umimmaat) nukinnut tunngatillugu annissuisinnaaneq eqqarsaatigalugu annerpaaffissatut killiliinissaq naleqquttoq. Taamaalilluni nalunaarummut missingiutip Naasuneersuni aamma inuussutissani uumasunit pisuni aamma nerukkaatissani toqunartut sinnikuisa annerpaaffissaannut killigititat pillugit Europa-Parlamentetip aamma Rådetip aalajangersagaa (EF) nr. 396/2005, 23. februar 2005-imeersoq aallaavigalugu savanit, nersutinik aamma nujuartanit (tuttut aamma umimmaat) nukinni toqunartut sinnikuisa annerpaaffissaattut killigititat aalajangersapai.

Nalunaarut atuutissaaq, uumasunit taaneqartuni nukiit Kalaallit Nunaanniit anninneqarnissaat aalajangerneqaraangat, kisianni nukiit Kalaallit Nunaanni niurutigineqartussaagaangata atuutissanani.

Toqunartut sinnikuisa annerpaaffissaattut killigititatut aalajangersakkat aamma inuussutissanut sanaanut aamma katitikkanut atuupput, taakkua savanit, nersutinik aamma nujuartanit nukinnik akoqaraangata. Nioqqutissiani katitikkani toqunartut sinnikuisa eqiterussimanerini, sananerup aamma akoorinerup kingunerisaanik allaanngutit mianerineqassapput, nalilerneqaraangat, toqunartut sinnikuisa annerpaaffissaattut killigititat qaangerneqarsimasut.

Aammattaaq aalajangersarneqarpoq, nukik, annerpaaffissatut killigititanik qaangiisoq, sananeqarsinnaannginnera imaluunniit imerpalallassaalluni savamit, nersutimit aamma nujuartamit nukimmik allamik akuneqarsinnaannginnera imaluunniit nioqqutissianik allanik akuneqarsinnaannginnera.

Ilitsersuut nalunaarummut tapertaassaaq aammalu malittarisassat paasiuminarsassallugit.

Namminersorlutik Oqartussat qinnuigineqarput tusarniut Kalaallit Nunaanni attuumassuteqartunut nassiutissagaat, aammalu tusarniummut akissutit Fødevarestyrelsenimut utertissagaat. Tusarniummut akissutit utertinneqarnissaannut piffissarititaasumi ulloq kingulleq tassaavoq 23-08-2024.

Fødevarestyrelsenip Kalaallit Nunaanni suliassai pillugit paasissutissat annertunerusut linkimi ataaniittumi nassaarineqarsinnaapput:

https://www.foedevarestyrelsen.dk/OmFoedevarestyrelsen/Organisation/Groenland/Sider/forside.aspx

Qulaani allassimasut pillugit apeqqutissaqarussi tikilluaqqusaavusi Fødevarestyrelseni attavigissallugu e-mailikkut: 294@fvst.dk