Quppernerup imarisaanut ingerlaqqigit

Kalaallit Nunaanni qamutit (aqqusinertigut angallataasartut) qanoq aaqqissuussaanissaannik atortulersorneqarnissaannillu nalunaarutip allanngornissaanut missingiuusiaq pillugu tusarniaaneq

Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:21-03-2024 09:49
Tusarniaanermi killigititaq:18-04-2024 00:00
Tusarniaanermi akissutit nassiunneqassapput::info@fstyr.dk

Angallannermut aqutsisoqarfiup matumani nassiuppaa Kalaallit Nunaanni qamutit (motoorillit aqqusinertigut angallataasartut) qanoq aaqqissuussaanissaannut atortulersorneqarnissaannullu nalunaarutip allanngornissaanut missingiuusiaq pillugu tusarniaassut

Tusarniaanermut killiutinneqarpoq ulloq 18. april 2024.

Nalunaarutip imarisaanik itisiliineq
Kalaallit Nunaanni Politiit aammalu Inissiaateqarnermut attavilersuinermullu Naalakkersuisoqarfiup qinnuteqarnerat tunngavigalugit Kalaallit Nunaanni aqqusinikkut angallanneq pillugu nutarterinissamut kontaktudvalgi (Sammisamut atatillugu akuleriiaagaasumik ataatsimiititaliaq) inassuteqarpoq Kalaallit Nunaanni elcykelinut (Cykelit innaallagiatortumik motorillit) pillugit malittarisassiortoqassasoq.

Ullormi manna tikillugu Kalaallit Nunaanni elcykelinut atatillugu immikkut malittarisassaqanngi-laq, taamaattumillu Angallannermut aqutsisoqarfiup inatsit imatut paaasivaa, tassa cykelit motorillit akunnermut 30 kilometerisut sukkatigisumik ingerlasinnaasut, malissagaat knallertinut maleruagassiaasut. 30 kilomterimmi qaangerlugit ingerlasinnaasut taava tassaassammata motorcykelit, inatsisit malillugit Kalaallit Nunaannut eqqunneqaqqusaanngitsut, tak. motorcykel-inik sanallunilu eqqusseqqusaannginnermik inatsit , nr. 186, 14. maj 1980-imeersoq.

Nalunaarummi ivertinneqarput maleruagassat nutaat, tassani nassuiarneqarlutik, elcykeli qanoq paasineqassasoq. Tassani ilaatigut nassuiarneqarpoq elcykeli innaallagiatortumik motoreqar-tuusoq annerpaamik 750 wattitut sakkortutigisumik, taamallu ”ajattaasinnaasoq” akunnermut annerpaamik 25 kilometerisut sukkatigisinnaalersitsilluni.
Taaneqartut saniatigut ilaatigut ilanngunneqarpoq, elcykelit malissagaat cykelinut maleruaqqusat atuuttut kiisalu ingerlanermi piumasarisaasoq illersuummik manngertumik nasaqarnissaq katattussaajunnaarlugu tallumut sukaterutitalimmik.

Saniatigullu inatsimmi oqaasertaliussat iluini nalimmassaatit amerlanngitsut ivertinneqarput.

Inuutissarsiortunut innuttaasunullu aningaasaqarnikkut sunniutaasinnaasut
Nalilerneqarpoq nalunaarut Kalaallit Nunaanni Danmarkimilu inuutissarsiortunut innuttaasunullu aningaasaqarnikkut sunniuteqarnavianngitsoq. Aammalu nalilerneqarpoq Kalaallit Nunaannut atatillugu illersuummik manngertumik nasaqarnissamik piumasaqarneq peqqutigalugu taamaal-laat annikitsumik aningaasaqarnerup tungaatigut sunnerneqarnissaq.

Aammalu
Siunnersuutigineqarpoq, nalunaarut atuutsinneqalissasoq ulloq 1. juni 2024 aallarnerfigalugu.
Angallannermut oqartussaqarfimmit qinnutigineqarpoq qisuariarluni oqaatigiumasinnaasat aqutsisoqarfiup pingaarnertut najugaqarfigisaanut nassiunneqassasut uunga info@fstyr.dk nassiussallu assilinera uunga ingerlatinneqarluni mahj@fstyr.dk kingusinnerpaamik ulloq 18. april 2024, ilisarnaasiullugu j.nr. 2023-541279.

Missingiuummut apeqqutigiumasinnaasat mailikkut Martin Henrik Jensen-imut ingerlatinneqar-sinnaapput uku aqqutigalugit mahj@fstyr.dk imaluunniit info@fstyr.dk.

Tusarniaaffigineqartut allattorneqarneri ilanngunneqarpoq.

Tusarniaaffigineqartut ministeriaqarfiunngitsut akissutaat Høringsportali aqqutigalugu tusarniaaneq naammassippat avammut saqqummiunneqassapput. Tusarniaassummik akissuteqarnikkut akuerineqarpoq, tusarniaaneq naammassippat akissutigisat attaveqar-figineqarsinnaanermullu paasissutissiissutigisat avammut saqqummiunneqarsinnaasut.
Angallannermut aqutsisoqarfimmit nalunaarutigineqarpoq allannguutaasut pillugit tusarniaassummut akissutaasut kisimik suliarineqarsinnaanerat.
Angallannermut aqutsisoqarfik malittarisassiaasut pillugit paasissutissiissuteqarluni nutaarsias-siissummik nassiussaqassaaq, Nutaarsiassiissummik nassitsivigineqarnissamik kissaatigin-nilluni nalunaaruteqarneq pisinnaavoq Angallannermut aqutsisoqarfiup nittartagaa aqqutigalugu.