Uunga siunnersuutip: "Ataqqinaammik tunissutisisitsisarnermut Namminersorlutik Oqartussat nalunaarutaat” aamma Uunga siunnersuutip: "Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat” tusarniaassutigineqarneri.
Tusarniaanerup suunera:Namminersorlutik Oqartussat nalunaarutaat
Saqqummiunneqarpoq:15-11-2023 13:33
Tusarniaanermi killigititaq:15-12-2023 00:00
Naalakkersuisoqarfik:Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Tusarniaanermi akissutit nassiunneqassapput::IKIN@nanoq.gl
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup matumuuna ”Uunga siunnersuut: Ataqqinaammik tunissutisisitsisarnermut Namminersorlutik Oqartussat nalunaarutaat” aamma ”Uunga siunnersuut: Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat” tamanut tusarniutissatut nassiuppai. Tamatuma saniatigut tusarniaanermut atortussat tusarniaanermut nittartakkami www.naalakkersuisut.gl-imi takuneqarsinnaapput.
Tusarniaassutigineqartumut oqaaseqaataajunnartussat Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfimmit kingusinnerpaamik 15. december 2023-mi tiguneqareersimassapput. Oqaaseqaatit e-mailikkut uunga nassiuteqquneqarput: ikin@nanoq.gl. imaluunniit allakkatigut uunga:
Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfik
Postbox 1029,
3900 Nuuk
Peqqussutissatut siunnersuutip tunuliaqutaa:
Ataqqinaammik tunissutisisitsisarnermut siunnersuummik suliaqarnermut Eqqumiitsuliornermik ingerlatsineq pillugu Inatsisartut inatsisaannut allannguutissatut siunnersuut nr. 33, 13. juni 2023-meersoq (matuma kingorna inatsimmut allannguutissatut taagorneqartoq), UPA2023-mi akuerineqartoq aammalu 1. juli 2023-mi atuutilersoq tunngaviupput. Inatsimmut allannguutitigut ilaatigut eqqumiitsuliortunut ataqqinaammik tunissutisisitsisarnerit eqqunneqarput:
Ӥ 8 a. Naalakkersuisut eqqumiitsuliortunut pinngorartitsisunut ataqqinaammik tunniuttagaqarsinnaapput eqqumiitsuliornermik suliaqartunut eqqumiitsuliornermik suliaqartuni pingaaruteqartutut inissisimasunut.
Imm. 2. Ataqqinaammik tunniuttakkat eqqumiitsuliornermi pilersitsiortukkat pitsaassusiisa naliliivigineri taamaallaat tunngavigalugit tunniunneqarsinnaapput.
Imm. 3. Ataqqinaammik tunniuttakkanik sisamanik ukiunik qulinik sivisussusilikkanik tunisisoqarsinnaavoq. Ataqqinaammik tunniuttagaq tunniunneqarsimanngikkaangat ukiunik qulinik sivisussusilikkamik kingumut tunisisoqarsinnaanngussaaq.
Imm. 4. Ataqqinaammik tunniunneqartartut pillugit aalajangersakkanik erseqqinnerusunik Naalakkersuisut aalajangersaassapput, tassunga ilanngullugit § 1, imm. 1-imi piumasaqaatit aamma eqqumiitsuliorfiusutut eqqaaneqartut akornanni agguaassinerit.
§ 8 b. Ataqqinaatissiissutinut tunniunneqartartunut aningaasat tunngaviusut ukiumut ataatsimut 250.000 kr.-upput.
Imm. 2. Aningaasat tunngaviusut procenti aaqqiissutissaq aamma maannakkorpiaq aningaasarsiat pillugit Inatsisartut inatsisaanni maleruagassat malillugit procentimik aaqqiissutissamik ukiunut aningaasanut inatsiseqarfiusunut tamanut iluarsineqartassapput.
Imm. 3. Ataqqinaammik tunniuttakkat isertitat naapertorlugit annertussusilerneqartassapput.
Imm. 4. Ataqqinaammik tunniuttakkat isertitat naapertorlugit annertussusilerneqartarnissaat pillugit Naalakkersuisut malittarisassanik aalajangersaassapput.
"Uunga siunnersuut: Ataqqinaammik tunissutisisitsisarnermut Namminersorlutik Oqartussat nalunaarutaat” (matuma kingorna ataqqinaammik tunissutisisitsisarnermut siunnersuutitut taagorneqartoq) allannguutissatut siunnersuummi § 8 a, imm 4 aamma § 8 b, imm. 4 tunngavigalugit suliarineqarpoq, tassa imaappoq ataqqinaammik tunissutisisitsinissamut piumasaqaatit pillugit aalajangersakkanik aamma ataqqinaammik tunissutinik isertitat naapertorlugit annertussusiliisarnermut aalajangersakkanik imaqarpoq.
Inatsimmut allannguutissap UPA2023-mi aappassaaneerneqannginnerani Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliap (matuma kingorna ataatsimiititaliamik taagorneqartup) isumaliutissiissutini tunniuppaa. Ataatsimiititaliap suliaqarnissaminut atugassaminik Naalakkersuisoq inatsimmut allannguutissaq pillugu apeqqutinik akissuteqaqqusimavaa. Apeqqutit ataqqinaammik tunniuttakkanut taakkulu atorneqartarnerinut - eqqumiitsulianik nalilersuinermut, eqqumiitsuliornermut immikkoortut agguataarsimanerinut isertitalli naapertorlugit annertussusiliisarnermut tunngapput. Isumaliutissiissut Naalakkersuisunit akissutilik uani atuarneqarsinnaavoq: https://nalunaarutit.gl//media/lovfiler/2023/forarbejder/ina_33/ina_33_2023_betaenkn_da.pdf. Ataqqinaammik tunissutisisitsisarneq pillugu siunnersuut Naalakkersuisup akissutaa ataatsimiititaliallu oqaaseqaatai ataqqillugit suliarineqarpoq.
Isertitat naapertorlugit annertussusiliisarneq:
Inatsimmut allannguutissamik suliaqarnermi inatsimmik atuutilersitsinissaq aamma isumaliutigineqarsimavoq. Naalakkersuisoq ataatsimiititaliamut akissummini Naalakkersuisut inatsimmut allannguutip atuutilersinnissaanut tunngatillugu qanoq isumaliuteqarnersut, tassunga ilanngullugu assersuutigalugu isertitat naapertorlugit annertussusiliisarnermut periuseq ilisimatitsissutigai. Ataatsimiititaliaq isumaliutissiissummini Naalakkersuisut isumaliutigisaannut oqaaseqaatissaqarsimanngilaq. Taamaattumik Naalakkersuisut akissutaani isertitat naapertorlugit annertussusiliisarnermut assersuut ataqqinaammik tunissutisisitsisarnermut siunnersuummut ilanngunneqarpoq.
Ataqqinaammik tunissutisisitsisarneq pillugu siunnersuummi § 3, imm. 2-mi isertitat naapertorlugit annertussusiliisarnermut periuseq kisitsinerni tullinnguuttuni assersuutigineqarsinnaavoq:
Tunniussinnaasat annerpaat: Eqqumiitsuliortoq ataqqinaammik tunniussat saniatigut ukiumut 226.000 kr.-nik inorlugilluunniit akileraaruteqaataasussanik agguaqatigiissillugit isertitaqarpat eqqumiitsuliortoq 250.000 kr.-nik tigusaqassaaq.
Tunniussinnaasat akunnattut: Eqqumiitsuliortoq ataqqinaammik tunniussat saniatigut 226.000 kr. sinnerlugit akileraaruteqaataasussanik agguaqatigiissillugit isertitaqarpat eqqumiitsuliortoq aningaasat tamarmiusut qaangiissutaasa 75 %-iinik ilanngaaserlugit tigusaqassaaq.
Isertitat akileraaruteqaataasussat agguaqatigiissillugit assersuutigalugu 300.000 kr.-uppata, aningaasat qaangiissutaasut 74.000 kr.-upput. Eqqumiitsuliortoq taamaalilluni 250.000 kr.-nik, 74.000 kr.-t 75 procentiinik (tassa 55.500 kr.-nik) ilanngaaserlugit tigusaqassaaq, taamaalillutik 194.500 kr.-t tunniunneqassallutik.
Isertitat akileraaruteqaataasussat agguaqatigiissillugit 360.000 kr.-uppata, aningaasat qaangiissutaasut 134.000 kr.-ussapput. Eqqumiitsuliortoq taamaalilluni 250.000 kr.-nik, 134.000 kr.-t 75 procentiinik (tassa. 100.500 kr.-nik) ilanngaaserlugit tigusaqassaaq, taamaalillutik 149.500 kr.-t tunniunneqassallutik.
Tunniussinnaasat annikinnerpaat: Eqqumiitsuliortoq ataqqinaammik tunniussat saniatigut akileraaruteqaataasussanik 434.000 kr.-t sinnerlugit isertitaqarpat, eqqumiitsuliortoq minnerpaamik tunniunneqarsinnaasunik 19.000 kr.-nik pissarsissaaq.
Eqqumiitsuliortup isertitai akileraaruteqaataasussat Eqqumiitsuliornermut Aningaasaateqarfimmit naatsorsorneqartanngillat, Akileraartarnermulli Aqutsisoqarfimmit akileraartarnermut inatsimmi malittarisassat naapertorlugit naatsorsorneqartarput ukiumoortumillu naatsorsuutini takuneqarsinnaallutik.
Isertitanut killissarititanik aalajangersaanissaq eqqarsaatigalugu naalakkersuisoqarfiup eqqumiitsuliortoq ukiumut agguaqatigiissillugu qanoq isertitaqarnersoq erseqqissarniarsarisimavaa. Naalakkersuisoqarfik Akileraartarnermut Aqutsisoqarfimmut aamma Naatsorsueqqissaartarfimmut apeqquteqarsimavoq, taakkuli eqqumiitsuliortup agguaqatigiissillugu isertitaanut ataatsimut takussutissaateqaratik akisimapput. Eqqumiitsuliortut peqatigiiffii EPI aamma KIMIK naalakkersuisoqarfiup saaffiginnissutaanut akissuteqarsimanngillat. Aningaasaqarnermut Naalakkersuisoqarfik kingullermik ima allassimavoq: Naalakkersuisut eqqumiitsuliornermik ingerlatsinermit isertitanik akileraarusigassanik naatsorsuutinik immikkut ittunik peqanngillat. Akileraartarnermut Aqutsisoqarfiup inuup normui, sulisitsisut il.il. aallaavigalugit inummut akileraarutit nalunaarsortarpaat, kisiannili isertitarisat suliamit sorlermit isertinneqarsimanersut nalunaarsortanngilaat.
Naalakkersuisoqarfiup nalilersimavaa, isertitanut killiliussat ataqqinaammik tunissutisisitsisarneq pillugu siunnersuummut atugassat naatsorsorneqarsinnaanngitsut paasissutissanik pisariaqartitanik tunngavissaqanngimmat. Taamaattumik naalakkersuisoqarfiup ataqqinaammik tunissutissat isertitat naapertorlugit annertussusilerniarlugit isertitanut killiliussanik aalajangersaanermi isertitanut killiliussat ataqqinaammik tunissutisisitsinermut Statens Kunstfondimit atorneqartut atorsimavai.
"Uunga siunnersuut: Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat".
"Uunga siunnersuut: Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat" Kalaallit Nunaanni Eqqumiitsuliornermut Aningaasaateqarfiup ataqqinaammik tunissutisisitsinissamut tunngatillugu aqutsisussaanerata aalajangiisussaaneratalu kingunerisaanik suliarineqarpoq.
Ataatsimiititaliap isumaliutissiissummini oqaatigaa aqutsineq politikikkut aaqqissuussinermiit suliamut ilisimasalinnut Kalaallit Nunaanni Eqqumiitsuliornermut Aningaasaateqarfimmut inissinneqarnissaa tapersersorlugu.
Ataqqinaammik tunissutisisitsisarnernik siunertaavoq ataqqinaammik tunissutisisitsinissamut tunngavissat eqqumiitsuliornermut ilisimasalinnit taamaallaat nalilersorneqartarnissaat. Taamaattumik ataqqinaammik tunissutisisitsisarneq eqqumiitsuliornermik suliniutinut tapiissuteqarnermi eqqumiitsuliortunullu sulinermut aningaasaliissuteqarnermi periuseq atorneqartoq malillugu aqunneqassaaq. Periuseq tassaassaaq suliamut ilisimasallit kina ataqqinaammik tunissutisissanersoq siulersuisunut inassutigisassavaat. Eqqumiitsuliornermut tapiissutit sulinermullu aningaasaliissutit paarlattuannik ataqqinaammik tunissutisisitsisarnermut periutsimi ataqqinaammik tunniuttakkamik qinnuteqartoqartassanngilaq.
Taamaalilluni tamatuma kingunerisaanik nalunaarummi matumani aalajangersakkanik Kalaallit Nunaanni Eqqumiitsuliornermut Aningaasaateqarfimmut malittarisassaqartitsisunik ilanngussisoqarsimavoq, nalunaarummi inatsisitigut suliassani ataqqinaammik tunniuttakkanik aqutsineq takuneqarsinnaasussaammat periuserlu nalunaarummut allanneqartussaammat. Taamaattumik tamatuma kingunerisaanik nalunaarut atuuttoq, tassa Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat nalunaarummik nutaamik taarserneqarnissaa siunnersuutigineqarpoq. Nalunaarummut atuuttumut sanilliullugit allannguutit Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutissaattut siunnersuummi ilanngunneqartumi "Track Changes"-imik allassimapput.
Siunnersuummi immikkoortut pingaarnerit:
- Eqqumiitsuliornermut Aningaasaateqarfik ataqqinaammik tunissutisisitsinissamik aqutsisuullunilu aalajangiisartuussaaq.
- Ataqqinaammik tunissutisisitsinissamik aqutsinermut periuseq - suliamut ilisimasallit kina ataqqinaammik tunissutisisinneqassanersoq pillugu inassuteqassapput, taamaalilluni eqqumiitsuliornermut tapiissutinut allanut tunngatillugu periuseq malinneqassalluni eqqumiitsuliornermullu ilisimasatigut nalilersuinermut inassuteqarneq tunngaveqassalluni. Eqqumiitsuliornermulli tapiissuteqartarneq sulinermullu aningaasaliissuteqartarneq assigalugit ataqqinaammik tunissutisisoqarnissaanik qinnuteqartoqartassanngilaq.
- Siunnersuummi piumasaqaatit suliamut ilisimasallit siulersuisullu ataqqinaammik tunissutisisitsinissamik nalilersuinermut aallaavigisassaat allattorsimapput. Piumasaqaatit inaarutaasuunngillat, taamaattumik Eqqumiitsuliornermut Aningaasaateqarfik eqqumiitsulioriaatsini aalajangersimasuni piumasaqaatinik erseqqinnerusunik aalajangersaasinnaavoq.
- Siunnersuummi isertitat naapertorlugit annertussusiliisarnermut periuseq ilanngunneqarsimavoq, tassani isertitanut killiliussat pingasut aalajangersarneqarsimapput, tunngaviusumik aningaasat 250.000 kr.-t naleqqussarneqartarlutik. Tamatuma saniatigut tunniunneqarsinnaasut minnerpaaffissaannik aalajangersaasoqarsimavoq, taakku eqqumiitsuliortup isertitai qanoq qaffasitsiginersut apeqqutaatinnagit tunniunneqartassapput.
Tusarniaassutigineqartumut oqaaseqaataajunnartussat Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfimmit kingusinnerpaamik 15. december 2023-mi tiguneqareersimassapput. Oqaaseqaatit e-mailikkut uunga nassiuteqquneqarput: ikin@nanoq.gl. imaluunniit allakkatigut uunga:
Ilinniartitaanermut, Kultureqarnermut, Timersornermut, Ilageeqarnermullu Naalakkersuisoqarfik
Postbox 1029,
3900 Nuuk
Peqqussutissatut siunnersuutip tunuliaqutaa:
Ataqqinaammik tunissutisisitsisarnermut siunnersuummik suliaqarnermut Eqqumiitsuliornermik ingerlatsineq pillugu Inatsisartut inatsisaannut allannguutissatut siunnersuut nr. 33, 13. juni 2023-meersoq (matuma kingorna inatsimmut allannguutissatut taagorneqartoq), UPA2023-mi akuerineqartoq aammalu 1. juli 2023-mi atuutilersoq tunngaviupput. Inatsimmut allannguutitigut ilaatigut eqqumiitsuliortunut ataqqinaammik tunissutisisitsisarnerit eqqunneqarput:
Ӥ 8 a. Naalakkersuisut eqqumiitsuliortunut pinngorartitsisunut ataqqinaammik tunniuttagaqarsinnaapput eqqumiitsuliornermik suliaqartunut eqqumiitsuliornermik suliaqartuni pingaaruteqartutut inissisimasunut.
Imm. 2. Ataqqinaammik tunniuttakkat eqqumiitsuliornermi pilersitsiortukkat pitsaassusiisa naliliivigineri taamaallaat tunngavigalugit tunniunneqarsinnaapput.
Imm. 3. Ataqqinaammik tunniuttakkanik sisamanik ukiunik qulinik sivisussusilikkanik tunisisoqarsinnaavoq. Ataqqinaammik tunniuttagaq tunniunneqarsimanngikkaangat ukiunik qulinik sivisussusilikkamik kingumut tunisisoqarsinnaanngussaaq.
Imm. 4. Ataqqinaammik tunniunneqartartut pillugit aalajangersakkanik erseqqinnerusunik Naalakkersuisut aalajangersaassapput, tassunga ilanngullugit § 1, imm. 1-imi piumasaqaatit aamma eqqumiitsuliorfiusutut eqqaaneqartut akornanni agguaassinerit.
§ 8 b. Ataqqinaatissiissutinut tunniunneqartartunut aningaasat tunngaviusut ukiumut ataatsimut 250.000 kr.-upput.
Imm. 2. Aningaasat tunngaviusut procenti aaqqiissutissaq aamma maannakkorpiaq aningaasarsiat pillugit Inatsisartut inatsisaanni maleruagassat malillugit procentimik aaqqiissutissamik ukiunut aningaasanut inatsiseqarfiusunut tamanut iluarsineqartassapput.
Imm. 3. Ataqqinaammik tunniuttakkat isertitat naapertorlugit annertussusilerneqartassapput.
Imm. 4. Ataqqinaammik tunniuttakkat isertitat naapertorlugit annertussusilerneqartarnissaat pillugit Naalakkersuisut malittarisassanik aalajangersaassapput.
"Uunga siunnersuut: Ataqqinaammik tunissutisisitsisarnermut Namminersorlutik Oqartussat nalunaarutaat” (matuma kingorna ataqqinaammik tunissutisisitsisarnermut siunnersuutitut taagorneqartoq) allannguutissatut siunnersuummi § 8 a, imm 4 aamma § 8 b, imm. 4 tunngavigalugit suliarineqarpoq, tassa imaappoq ataqqinaammik tunissutisisitsinissamut piumasaqaatit pillugit aalajangersakkanik aamma ataqqinaammik tunissutinik isertitat naapertorlugit annertussusiliisarnermut aalajangersakkanik imaqarpoq.
Inatsimmut allannguutissap UPA2023-mi aappassaaneerneqannginnerani Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliap (matuma kingorna ataatsimiititaliamik taagorneqartup) isumaliutissiissutini tunniuppaa. Ataatsimiititaliap suliaqarnissaminut atugassaminik Naalakkersuisoq inatsimmut allannguutissaq pillugu apeqqutinik akissuteqaqqusimavaa. Apeqqutit ataqqinaammik tunniuttakkanut taakkulu atorneqartarnerinut - eqqumiitsulianik nalilersuinermut, eqqumiitsuliornermut immikkoortut agguataarsimanerinut isertitalli naapertorlugit annertussusiliisarnermut tunngapput. Isumaliutissiissut Naalakkersuisunit akissutilik uani atuarneqarsinnaavoq: https://nalunaarutit.gl//media/lovfiler/2023/forarbejder/ina_33/ina_33_2023_betaenkn_da.pdf. Ataqqinaammik tunissutisisitsisarneq pillugu siunnersuut Naalakkersuisup akissutaa ataatsimiititaliallu oqaaseqaatai ataqqillugit suliarineqarpoq.
Isertitat naapertorlugit annertussusiliisarneq:
Inatsimmut allannguutissamik suliaqarnermi inatsimmik atuutilersitsinissaq aamma isumaliutigineqarsimavoq. Naalakkersuisoq ataatsimiititaliamut akissummini Naalakkersuisut inatsimmut allannguutip atuutilersinnissaanut tunngatillugu qanoq isumaliuteqarnersut, tassunga ilanngullugu assersuutigalugu isertitat naapertorlugit annertussusiliisarnermut periuseq ilisimatitsissutigai. Ataatsimiititaliaq isumaliutissiissummini Naalakkersuisut isumaliutigisaannut oqaaseqaatissaqarsimanngilaq. Taamaattumik Naalakkersuisut akissutaani isertitat naapertorlugit annertussusiliisarnermut assersuut ataqqinaammik tunissutisisitsisarnermut siunnersuummut ilanngunneqarpoq.
Ataqqinaammik tunissutisisitsisarneq pillugu siunnersuummi § 3, imm. 2-mi isertitat naapertorlugit annertussusiliisarnermut periuseq kisitsinerni tullinnguuttuni assersuutigineqarsinnaavoq:
Tunniussinnaasat annerpaat: Eqqumiitsuliortoq ataqqinaammik tunniussat saniatigut ukiumut 226.000 kr.-nik inorlugilluunniit akileraaruteqaataasussanik agguaqatigiissillugit isertitaqarpat eqqumiitsuliortoq 250.000 kr.-nik tigusaqassaaq.
Tunniussinnaasat akunnattut: Eqqumiitsuliortoq ataqqinaammik tunniussat saniatigut 226.000 kr. sinnerlugit akileraaruteqaataasussanik agguaqatigiissillugit isertitaqarpat eqqumiitsuliortoq aningaasat tamarmiusut qaangiissutaasa 75 %-iinik ilanngaaserlugit tigusaqassaaq.
Isertitat akileraaruteqaataasussat agguaqatigiissillugit assersuutigalugu 300.000 kr.-uppata, aningaasat qaangiissutaasut 74.000 kr.-upput. Eqqumiitsuliortoq taamaalilluni 250.000 kr.-nik, 74.000 kr.-t 75 procentiinik (tassa 55.500 kr.-nik) ilanngaaserlugit tigusaqassaaq, taamaalillutik 194.500 kr.-t tunniunneqassallutik.
Isertitat akileraaruteqaataasussat agguaqatigiissillugit 360.000 kr.-uppata, aningaasat qaangiissutaasut 134.000 kr.-ussapput. Eqqumiitsuliortoq taamaalilluni 250.000 kr.-nik, 134.000 kr.-t 75 procentiinik (tassa. 100.500 kr.-nik) ilanngaaserlugit tigusaqassaaq, taamaalillutik 149.500 kr.-t tunniunneqassallutik.
Tunniussinnaasat annikinnerpaat: Eqqumiitsuliortoq ataqqinaammik tunniussat saniatigut akileraaruteqaataasussanik 434.000 kr.-t sinnerlugit isertitaqarpat, eqqumiitsuliortoq minnerpaamik tunniunneqarsinnaasunik 19.000 kr.-nik pissarsissaaq.
Eqqumiitsuliortup isertitai akileraaruteqaataasussat Eqqumiitsuliornermut Aningaasaateqarfimmit naatsorsorneqartanngillat, Akileraartarnermulli Aqutsisoqarfimmit akileraartarnermut inatsimmi malittarisassat naapertorlugit naatsorsorneqartarput ukiumoortumillu naatsorsuutini takuneqarsinnaallutik.
Isertitanut killissarititanik aalajangersaanissaq eqqarsaatigalugu naalakkersuisoqarfiup eqqumiitsuliortoq ukiumut agguaqatigiissillugu qanoq isertitaqarnersoq erseqqissarniarsarisimavaa. Naalakkersuisoqarfik Akileraartarnermut Aqutsisoqarfimmut aamma Naatsorsueqqissaartarfimmut apeqquteqarsimavoq, taakkuli eqqumiitsuliortup agguaqatigiissillugu isertitaanut ataatsimut takussutissaateqaratik akisimapput. Eqqumiitsuliortut peqatigiiffii EPI aamma KIMIK naalakkersuisoqarfiup saaffiginnissutaanut akissuteqarsimanngillat. Aningaasaqarnermut Naalakkersuisoqarfik kingullermik ima allassimavoq: Naalakkersuisut eqqumiitsuliornermik ingerlatsinermit isertitanik akileraarusigassanik naatsorsuutinik immikkut ittunik peqanngillat. Akileraartarnermut Aqutsisoqarfiup inuup normui, sulisitsisut il.il. aallaavigalugit inummut akileraarutit nalunaarsortarpaat, kisiannili isertitarisat suliamit sorlermit isertinneqarsimanersut nalunaarsortanngilaat.
Naalakkersuisoqarfiup nalilersimavaa, isertitanut killiliussat ataqqinaammik tunissutisisitsisarneq pillugu siunnersuummut atugassat naatsorsorneqarsinnaanngitsut paasissutissanik pisariaqartitanik tunngavissaqanngimmat. Taamaattumik naalakkersuisoqarfiup ataqqinaammik tunissutissat isertitat naapertorlugit annertussusilerniarlugit isertitanut killiliussanik aalajangersaanermi isertitanut killiliussat ataqqinaammik tunissutisisitsinermut Statens Kunstfondimit atorneqartut atorsimavai.
"Uunga siunnersuut: Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat".
"Uunga siunnersuut: Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat" Kalaallit Nunaanni Eqqumiitsuliornermut Aningaasaateqarfiup ataqqinaammik tunissutisisitsinissamut tunngatillugu aqutsisussaanerata aalajangiisussaaneratalu kingunerisaanik suliarineqarpoq.
Ataatsimiititaliap isumaliutissiissummini oqaatigaa aqutsineq politikikkut aaqqissuussinermiit suliamut ilisimasalinnut Kalaallit Nunaanni Eqqumiitsuliornermut Aningaasaateqarfimmut inissinneqarnissaa tapersersorlugu.
Ataqqinaammik tunissutisisitsisarnernik siunertaavoq ataqqinaammik tunissutisisitsinissamut tunngavissat eqqumiitsuliornermut ilisimasalinnit taamaallaat nalilersorneqartarnissaat. Taamaattumik ataqqinaammik tunissutisisitsisarneq eqqumiitsuliornermik suliniutinut tapiissuteqarnermi eqqumiitsuliortunullu sulinermut aningaasaliissuteqarnermi periuseq atorneqartoq malillugu aqunneqassaaq. Periuseq tassaassaaq suliamut ilisimasallit kina ataqqinaammik tunissutisissanersoq siulersuisunut inassutigisassavaat. Eqqumiitsuliornermut tapiissutit sulinermullu aningaasaliissutit paarlattuannik ataqqinaammik tunissutisisitsisarnermut periutsimi ataqqinaammik tunniuttakkamik qinnuteqartoqartassanngilaq.
Taamaalilluni tamatuma kingunerisaanik nalunaarummi matumani aalajangersakkanik Kalaallit Nunaanni Eqqumiitsuliornermut Aningaasaateqarfimmut malittarisassaqartitsisunik ilanngussisoqarsimavoq, nalunaarummi inatsisitigut suliassani ataqqinaammik tunniuttakkanik aqutsineq takuneqarsinnaasussaammat periuserlu nalunaarummut allanneqartussaammat. Taamaattumik tamatuma kingunerisaanik nalunaarut atuuttoq, tassa Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutaat nalunaarummik nutaamik taarserneqarnissaa siunnersuutigineqarpoq. Nalunaarummut atuuttumut sanilliullugit allannguutit Kalaallit Nunaanni Eqqumiitsuliornermut Aningaasaateqarfik pillugu Namminersorlutik Oqartussat nalunaarutissaattut siunnersuummi ilanngunneqartumi "Track Changes"-imik allassimapput.
Siunnersuummi immikkoortut pingaarnerit:
- Eqqumiitsuliornermut Aningaasaateqarfik ataqqinaammik tunissutisisitsinissamik aqutsisuullunilu aalajangiisartuussaaq.
- Ataqqinaammik tunissutisisitsinissamik aqutsinermut periuseq - suliamut ilisimasallit kina ataqqinaammik tunissutisisinneqassanersoq pillugu inassuteqassapput, taamaalilluni eqqumiitsuliornermut tapiissutinut allanut tunngatillugu periuseq malinneqassalluni eqqumiitsuliornermullu ilisimasatigut nalilersuinermut inassuteqarneq tunngaveqassalluni. Eqqumiitsuliornermulli tapiissuteqartarneq sulinermullu aningaasaliissuteqartarneq assigalugit ataqqinaammik tunissutisisoqarnissaanik qinnuteqartoqartassanngilaq.
- Siunnersuummi piumasaqaatit suliamut ilisimasallit siulersuisullu ataqqinaammik tunissutisisitsinissamik nalilersuinermut aallaavigisassaat allattorsimapput. Piumasaqaatit inaarutaasuunngillat, taamaattumik Eqqumiitsuliornermut Aningaasaateqarfik eqqumiitsulioriaatsini aalajangersimasuni piumasaqaatinik erseqqinnerusunik aalajangersaasinnaavoq.
- Siunnersuummi isertitat naapertorlugit annertussusiliisarnermut periuseq ilanngunneqarsimavoq, tassani isertitanut killiliussat pingasut aalajangersarneqarsimapput, tunngaviusumik aningaasat 250.000 kr.-t naleqqussarneqartarlutik. Tamatuma saniatigut tunniunneqarsinnaasut minnerpaaffissaannik aalajangersaasoqarsimavoq, taakku eqqumiitsuliortup isertitai qanoq qaffasitsiginersut apeqqutaatinnagit tunniunneqartassapput.