Innersuussisarnermut innersuussinissamullu tulleriiaarisarnermut malittarisassat pillugit nalunaarutissamut missingiut
Ilanngullugu nassiunneqarpoq, ilinniartut ineqarfiini inissamik tunniussiniarnermi innersuussisarnermut innersuussinissamullu tulleriiaarisarnermut malittarisassat pillugit Namminersorlutik Oqartussat nalunaarutissaattut siunnersuutip tamanut tusarniaassutaasoq.
Ilinniartut ineqarfii ataasiakkaat tamarmik immikkut innersuussisarnermut innersuussinissamullu tulleriiaarisarnermut malittarisassaqarput, taakkuli nalunaarutitigut aalajangersagartaqanngillat. Nalunaarutissatut siunnersuut tulleriiaarisarneq, innersuussisarneq utaqqisullu allattorsimaffiat pillugit aalajangersakkanik tamanit malinneqartussaasunik imaqarpoq, tassani ilinniartut ineqarfiini assigiiaarnerusumik ingerlatsisoqalernissaa siunertaralugu. Ilinniartut taamaalillutik kikkut salliunneqarnersut, qanoq tulleriiaarisoqarsimanersoq kiisalu utaqqisutut allatsittoqarsinnaasoq pillugit atuarsinnaassavaat.
Nalunaarutissatut siunnersuut ulloq 1. februar 2024 atuutsinneqalissaaq.
Oqaaseqaataasinnaasut kingusinnerpaamik ulloq 11. december 2023 Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi tiguneqareersimassapput. Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikin@nanoq.gl periarfissatut allatut Naalakkersuisoqarfiup pisortatigoortumik allakkatigut adresseanut: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik, Imaneq 1, Postbox 1029, 3900 Nuuk.
Inussiarnersumik Inuulluaqqusillunga
Ane Marie Sakariasen
Inatsisileritooq