2023-mut saattuanut atatillugu TAC pillugu TUSARNIAANEQ
Matumuuna 2023-mut saattuanut atatillugu TAC tassungalu attuumassutilinnik nassuiaatinik aalajangersaanerit pillugit tusarniaassut saqqummiunneqarpoq.
Taamaattumik tusarniaassummut akissuteqaat kingusinnerpaamik ulloq 07-12-2022 danskisut kalaallisullu uunga nassiuteqquneqarput apn@nanoq.gl
Akissuteqartoqanngippat tamanna nassiunneqartunik akuersinertut isigineqassaaq. Tusarniaanermut piffissaliussap sivitsorneqarnissaa periarfissaanngilaq.
Saattussat
Kitaani saattussat, snekrabber (NAFO-mi sumiiffik 1-miittut), pillugit ukioq ataasiakkaarlugu ilisimatuussutsikkut siunnersuisoqartarpoq. Kitaani saattussanut aqutsinissamik pilersaarut siunnersuinermi tunngavigineqarpoq, tamatumani aqutsiveqarfinnit aqqaneq-marluusunit (immikkoortut 1+2) aqutsiveqarfinnut tallimaasunut siunnersuisoqartarpoq. Immikkoortumut 3-mut aqutsinissamik pilersaarutip atuuffiani naleqqussaanermik aqutsineq tunngavigalugu pisassiissutit aalajangersarneqarput aamma aqutsiveqarfinni kingullerni sisamaasuni (immikkoortoq 4) misileraalluni aalisartoqarsinnaavoq.
Kitaani saattussanut aqutsinissamik pilersaarummi aqutsinissamik malittarisassat naapertorlugit aqutsiveqarfinnut tullinnguuttunut imatut TAC-p aalajangersarneqarnissaa siunnersuutigineqarpoq:
Takussutissiaq 1 – 2023-mut pisassiissutissatut siunnersuutit
| Aqutsiveqarfik | Imm. | Siunnersuineq 2022 (tonsit) | Siunnersuineq 2023 (tonsit) | Siunnersuisarnerup ineriartornera (%) | TAC 2022 (tons) | TAC-tut siunnersuut 1 20231-2(tons) | TAC-tut siunnersuut 2 20233(tons) |
|---|---|---|---|---|---|---|---|
| Sisimiut sineriaa | 1 | 547 | 599 | 9,5% | 547 | 599 | |
| Sisimiut imartaani | 1 | 102 | 102 | - | 785 | 90 | 102 |
| Qeqertarsuup Tunua Uummannap sineriaa | 2 | 796 | 982 | 23,3% | 7446 | 818 | 982 |
| Nuuk - Paamiut, sineriaa | 2 | 1020 | 1020 | - | 9976 | 1020 | |
| Nuuk - Paamiut, Imartaa | 2 | 302 | 513 | 69,8% | 302 | 332 | 513 |
| Upernaviup sineriaa |
3 | - | - | - | 400 | 400 | |
| Maniitsoq - Kangaamiut, sineriaa |
3 | - | - | - | 225 | 225 | |
| Narsaq – Qaqortoq, sineriaa |
3 | - | - | - | 260 | 260 |
- Immikkoortoq 1-imut Saattussanut aqutsinissamik pilersaarut naapertorlugu TAC-p 15 %-inik amerlineqarnissaannik siunnersuut
- Immikkoortoq 2-mut Kitaani saattussanut aqutsinissamik pilersaarut naapertorlugu TAC-p 10 %-inik amerlineqarnissaannik siunnersuut
- 2022-mut ilisimatuussutsikkut siunnersuinerit naapertorlugit TAC-tut siunnersuut
Saattussat pisassiissutinit qaqinneqarsimasut amerlassusiat pillugit paasissutissat KANUAANA-p nittartagaa www.gflk.gl innersuussutigineqarpoq.
Aqutsinissamik pilersaarummi aqutsinissaq pillugu malittarisassat naapertorlugit immikkoortumi 1-imi TAC 15 %-it sinnerlugit nikingatillugit aamma immikkoortoq 2-mi nikinganerit 10 %-inik amerlanerutillugit siunnersuisoqarpat taava Aalisarneq pillugu Siunnersuisoqatigiit peqataatinneqassapput.
Tamanna Qeqertarsuup Tunuani - Uummannap sineriaani (23,3 %-inik amerleriaatit) aamma Nuuk-Paamiut imartaani pivoq (69,8 %-inik amerleriaatsit). Siunnersuinermut tunngaviusut tunngavigalugit siunnersuinerit 2021-mi nalorninartut ilanngullugit iluarsaanneqarput, taamaattumillu Aalisarnermut Piniarnermullu Naalakkersuisoqarfimmi sumiiffinnut marluusunut taakkununnga marluinnik TAC-mik siunnersuuteqartoqarpoq. Siunnersuummi 1-imi aqutsinissamik pilersaarummit aqutsinissamik atugassiissutit malinneqarput aamma siunnersuummi 2-mi siunnersuineq taamaallaat malinneqarpoq. Siunnersuummut 2-mut tunngatillugu Naalakkersuisoqarfimmiut Pinngortitaleriffimmiunik oqaloqateqarnikuupput, tassanilu siunnersuinerit malinneqarnissaat imminut illersorsinnaasoq nalilerparput, kisianni ukiuni tulliuttuni allanngoriartornera malinnaaffigineqartariaqarpoq.
Tusarniaassummut akissutitigut tamanna saqqummiunneqarsinnaavoq, tassa Aalisarneq pillugu Siunnersuisoqatigiinnik ataatsimiigiaqqusinissaq kissaatigineqarpat.
Tamatuma saniatigut immikkoortoq 3-mi CPUE/pisaqarsinnaassutsimik ineriartorneq malinnaaffigineqarpoq, tamatumani ingammik Narsaq-Qaqortoq aamma Upernavik sineriaanni ukiuni kingullerni CPUE-mik ikileriartoqarsimasoq takuneqarsinnaavoq. Ineriartorneq taamatut ingerlaannassappat taava ukiuni tulliuttuni TAC-inik aalajangersariikkanik allannguinissaq qiviassallugu naleqqutissaaq, immikkoortoq 3 pillugu aqutsinissamik pilersaarummi aqutsinissanut atortussiat naapertorlugit.